¹ Bo vida na kristu ta fasi bos forti, si amor ta konsola bos, si spiritu ta da bos kuminhon, bo ta sinti garandi amor pa n'hútru bo ta sinti pena di n'hutru. ² suma ki sedu asin nha alegria ta sta kompletu pa un mesmu pensamentu bo tene mesmu amor, bo sedu unidu na spiritu i mesmu sintidu. ³ ka bu fasi nada pa konbosadia ou pa bu n'grandisidu, mas sin ku umildadi konsidera mindjor di ki bo propi. ⁴ ka bu djubi so pa bu propi nesessidadi, mas tambi na di utru. ⁵ Bo dibidi tene na bos mesmu sintimentu ku ten na kristu Jesus. ⁶ Sempri i tene naturesa di Deus, ma i ka pensa sedu igual ku Deus suma un kusa ki dibidi pakadu. ⁷ Ives di kila, El mesmu i pui si kabesa suma nada, i toma forma de homi, ⁸ asin i mesmu i unilia, i ianda na obidebsa ate a morti i morti di krus! ⁹ Pabia des Deus ialsa di talmanera i dal nomi riba di tudu nome. ¹⁰ Pa nomi di Jesus tudu djuntu na dobra, suma na seu na terra ku bas di terra. ¹¹ Pa tudu lingua konfesa di kuma Jesus kristu i senhor, pa gloria di Deus pape. ¹² A sin nha amigu ku n'ama, suma bo obidisi sempri i ka nha dianti ma gosi ku nka sta la i mas importamti inda pa bo obidisi na nha audensia bo pui bo salvason pa i tarbadja ku rispitu ku medu. ¹³ Pabia i deus kin na tarbadja na bos pa da bos deseso ku puder pa kumpri, si bon vontadi. ¹⁴ Bo fasi tudu kusa sin reclama nim tira diskulpa. ¹⁵ Bo fasi des manera pa bo torna limpu sinceros fidju di Deus sin kulpa. I tambi bo brilia suma lus na mundu, na metadi di gerason ku fiel pirdidu. ¹⁶ bo guarda sempri palavra di vida pa ami pudi tene rason di djintis na dia di kristu, pabia i ta mostra kuma nha kusidau ku nha tarbadju i ka sedu amonton. ¹⁷ Ma mesmu ku nha sangui na daremadu suma oferta de sagrifisu pa tarbadju di bo fé, ami ta kontenti ku tudu bos. ¹⁸ Di mesmu maneraa bo kontenti tambi bo raparti bo alegria ku mi. ¹⁹ Si i fontadi di senhor Jesus, n'spera kuma nka na tarda pa manda bos Timótio, pa pudi fika animadu ora ku n'risibi notisa a serka di bos. ²⁰ Pabia i ka ten alguin ku tene sintimentu, igual suma el, di bardadi i na kuida di bo intereses. ²¹ Pabia tudu elis e ta buska se proprio interese, i ka kusa di Jesus kristu. ²² Abos propi bo sibi kuma ki da prova di si karater, suma ku un mininu ta sirbi si pape, asin ki el i sirbi ku mi na serviso di bon noba. ²³ Pabia di es n'spera mandal asin ora ku sibi kuma ku kusa nabai ku mi. ²⁴ Ma n'sta konfianti na sehor di kuma ami mesmu na bai dianti. ²⁵ kontudu i tene nesessidadi di manda bos utru biaas Epafroditu. El i nha ermon, i djudadur i kumpanher di luta kil ku bo mandaba ku djudanba na nha nesessidadi. ²⁶ I sinti kasabi, i tambi ku ansidadi di sta ku bos, pabia bo obi kuma el staba duenti. ²⁷ Na bardadi el sta ba duenti i kuas pa muri. Deus ten pena del, i ka so di el, mas tambi di mi pa nka ten tristesa riba di tristesa. ²⁸ Pabia des ku manda na manda bos mas rapudu pusivel, pabia si bo otchal di novu sertamenti bo na kontenti sen ami nta sta livri di prekupason. ²⁹ Asin bo risibil na senhor Epafroditumku tudu kontentamentu i bo respita djintis suma el. ³⁰ Pabia i sedu pabia di tarbadju di kristu ku manda el kuas i muri, i riska se vida pa serbin i djudan na kil ku bo ka pudiba fasi pa mi.