¹ Juzu adambuluka popale bvabwerera kudziko lace adabaliwa, na wapfunzi wace wadatewera. ² Payo idafika sabudu, iye adabvunzisa mu sinagoga. Wazinji wadamudva mbakhala nakudabwa. Iyo wakalonga:''kuponi komwe iye adanfunza manfunzisoya?''. ''udziwi uponi bobu waca adapasiwa?''. ''Bzidabwiso bziponi bzace iye akucita namanja yace?''. ³ ''Ngomweyi lini ambatsema matabwa, mwana wa Maliya, bale wace Tiyago, Zuze, Juda na Simawu? Palibe wamaxangwe wako pano?''. Iwo abzibisa na Jezu. ⁴ Ndipo Jezu adawabzunza: ''Palibe polofitaalibe khodzo, penu kudziko lace adabaliwa, pa wabale wace wacadi wapamui''. ⁵ Iye bzikhadikana lini kuti ayite bzidabwiso penepale, kupambula wakuduwalapace anayikha manja yace bzayalimbisa. ⁶ Nakusaya kutawila kwayo wamusiya kudabwa iye adabuda waciyenda kumizinda kapfunzisa. ⁷ Iye adacemera, kumu na wayiri, adatanda kuwatuma, wayiri wayira; ndipo bvawapasa bzumo thangwe mizimu yamudziko, ⁸ ndipo iye anfudzisa kuti waleke kutenga cinthu na munjira, penu ingakhala bwimba: ne nkate, ne khwama, ne kobiri mumabande mwayo, ⁹ manji kubvala tsapato ndipo na kuleka kubvala geremenzi. ¹⁰ Adawawuza pomwe: ''Pense panu mumpita munyumba, khalani mwenemo pakana kusiya mbuto. ¹¹ ndipo penu mbuto ibodzi ingasaya kukutambirani ne kukubvani, munga buda penepo, kupulani pfumbi muminyendo mwanu, ninga mboni kwa iwo''. ¹² Iwo wadabuda acibvunza wanthu kuti wakhumbule na bzitazo bzawo. ¹³ Ndipo wakhathamangisa mizimu yakuyipa, kudzodza mafuta na kulapa watenda wazinji. ¹⁴ Umambo wa Heroide udabva ibzi, pomwe dzin la Jezu likhadanyanya kudziwika. Winango akhalonga: '' Juwau, Batixta, amusiwa kwa wakufa, na thangwe la ibzi, tsimba zakunyanya zikucitika mwa Iye''. ¹⁵ Winango wakhati: '' Iye ni Eliya''. Winango pomwe wakhalonga: ''Iye ni mporofiti, ninga mumporofiti wakale-kale''. ¹⁶ Pace Heroidi adabva ibzi adalonga: '' Juwau, omwe ine ndidaphesa, amusiwa''. ¹⁷ Thangwe la kuti iye Heroidi akhadatumakale kumangisa Juwau na kumuyikha nkadheyiya na thangwe la Herodia(nkazi wa bale wace Filipe), omwe akhadamulola. ¹⁸ Thangwe la kuti Juwau akhadawuza wa Heroidi: ''Psakubvimizidya lini kutenga nkazi wa bale wako''. ¹⁹ Bzikhacitisa kuti wa Heroidi wakoye mathangwe kuna Juwau, acida kum'mupha, napo bzikhacita lini, ²⁰ thangwe ma Heroidi yakhabva mantha na Jowau, na kudziwa kuti iye akhali munthu wakulungama na wakucena, akamucengeta. Pakubzibva Jowau, Heroidi akhabva kuxuphiwa, acimubva na cifundo ca bwino. ²¹ Ndiye tsiku ibodzi, tsiku ya kubadwa, Heroidi adapasa cakudya ca usiku ma xefi yace, wakulu wa mapolixa wa Galileya. ²² Mwana wa cikazi wa Herodina adabwera acibzina kuna iwo, acipfatsisa Heroidi na wanzace. Mambo adalonga kuna tsikana ule: ''Ndikumbire comwe akuda kuti ine ndikupe''. ²³ Iye adadumbira aciti: xense cako undikumbira ine ninkupa, mpaka letu phisi la umambo wangu''. ²⁴ Iye adabuda acibvunza mayi wace: ''Ndim'kumbire canyi?'' Iye adam'tayira: ''N'solo wa Jowau, Babatizi''. ²⁵ Nsikana ule adzabwerera kuna na kucimbiza kuna mambo, acibvi: ''Ndikuda kuti mundipase, nsapanopaletu, mu palato, n'solo wa Jowau, m'Babatizi''. ²⁶ Mambo adatsukwala kwenekwene, manji thangwe la kudumbira kwace na wanzace, pakhalibe kulamba cace adakumbiriwaxo. ²⁷ Popo Mambo adatuma bodzi wamasodja yace kuti abwerese n'solo wa Juwau. Sodja adayenda mu nkadeyiya kamupha. ²⁸ Iye adabweresa mu palato n'solo wace acipasa tsikana, ndipo iyembo aciwupasa mayi wace. ²⁹ Pakubva bzimwebzi, wapfunzi wace wadabwera kudzatola citumbi cawo wacikafuxira. ³⁰ Wapostoli, wandagumanizana pana Jezu, wadabvunza bzetse bzawo iwo wadayita nakubvunzisa. ³¹ Iye adawabvunza: Bwerani kumbuto yacirala, pumani thawe pang'ono. Pomwe wazinji wakhayenda na kubwerera nawo wakhalibe nthawe ya kudya. ³² Wadayenda wokha, mu mwadiya, ku mbuto ya thengo la cirala. ³³ Manji wadawawona kubuda, wadawadziwa, wacithamanga nawo, na minyendo, mi zinda mwetse, wacitoma ndwo kufika patsogolo pawo. ³⁴ Pomwe wadancitha, Jezu adawona mbumba izinji, adakhala na nsisi nawo, thangwe wakhakala ninga mabira yalibe makabusa. Na Iye adatoma kuwapfunzisa bzizinji. ³⁵ Pawo nthawe idapita, wapfunzi wadabwera kuna Iye acim'bvunza: ''Ino ni mbuto yakusaya madzi, ndipo nthawe irikuyenda. ³⁶ Wadagoneka kuti wayende kukazinda komwe kakhali pafupi wacikagula cakudya''. ³⁷ Pomwe Jezu, mwakutawira, adanvunza: '' Wapaseni cinthu kuti wadye''. Iwo wadati: '' Tiyende kukagula madzana mawiri denario ya mikate, ndipo tiwapase wadye?''. ³⁸ Iye adawabvunza: '' Ni mikate mingasi munayio imwepo? Ndokoni kawerenga''. Pawo wadadzawona bwino, wadati Mikate mixanu na tsomba''.