¹ Wadafika ku mbali inango ya nyanza, ku mbuto ya ma geraseno. ² Pomwe Jezu adabuda mu mwadiya, mwamuna bodzi wazimju wa kuswipa, acibuda m'masiye, adabwera pana Iye. ³ Mwamuna akhakhala mu masiye. Palibe akhakwanisa kumumanga, napo na nzoyi. ⁴ Iye akhadapita nkadeyiya kajinjisa acimangiwa na nzoyi ndipo na njema, ntsono akhaphadza, akhana tsimba yakumukunda. ⁵ Usiku bwentse na masikati, mu masiye na m'phiri, iye akhakuwa, acibzigwata na minyala ya kusongoka. ⁶ Pace adwona Jezu na patali, adathamanga, acikagodamira. ⁷ Iye adakuwa: ''Ncanyi ndinaco kuna iwe, Jezu, mwana wa Mulungu wakudzawulu? Ndiri ku kudumbira, na Mulungu, kuti nyampodi kundi zunza''. ⁸ Nakuti Jezu akhadacithontha kale: ''buda pamwamunayi m'zimu wa kuswipa''. ⁹ Ndipo Jezu adabvunza: ''Dzina lako ndiwe wani?'' Iye adatayira: ''Dzina langu ni Lejiyawu, thangwera kuti ndife wajinji''. ¹⁰ Ndipo akhadandawulira Jezu na kubwerezera kuti aleke kuwayendesa kunja kwa mbuto. ¹¹ Bzidayitika kuti nthinthi ukulu wa nkhumba ukhawusiwa pa phiri, ¹² natenepo mweya yakuyipa ikhadandawula kuti: '' tiyendeseni kwa nkhumba, tireke tipite mwemu''. ¹³ Ndiye Jezu adawabvumiza. Pamwepo mizimu ya kuyipa ire idabuda icipoita m'nkhumba. Nthinthi wa nkhumba un'kwanira bzulu bziwiri bzida bzithusa bzicimira mu thawale la madzi. ¹⁴ Wan'thu womwe akhawusa nkhumba zire wadathawa, wadalonga nkhani zimwezi mu mizinda na kunja, ndipo mbumba entse idathamanga kuti ikawone bzikhacitika. ¹⁵ Pawo wadafika kuna Jezu, wadawona nyamizimu ya kuyipa ule, akhadakhala na mbumba, akhadabvala, acilatiza unthu ndipo iwo wadabva man'tha. ¹⁶ Wale omwe wadawona bzomwe bzidacitika na mwamuna wa mizimu ya kuyipa ule wadalonga bzomwe bzinkhada citika nayiye pabodzi na nkhumba zire. ¹⁷ Wadadzadandawula Jezu kuti abude ku mbuto ire. ¹⁸ Pace iye akhapinda mu mwadiya, mwamuna wa mizimu ya kuyipa ule adadandawula kuti ankhale naye. ¹⁹ Jezu alibe kum'bvumiza, adzabvunza: '' Ndoko kumuyi kwako, kuna dzindza lako, ndipo ukawabvunze bzomwe Mbuye akucitira na ntsisi nawe''. ²⁰ Ndiye mun'thu ule adzayenda acikalonga ku Dhekapoli bzomwe Jezu adamucitira. Nakubva mafala yale, wentse wadakhala wa kudekedya. ²¹ Pace Jezu adathantha papswa ku mbali inango, mu mwadiya, wan'thu wajinji wadagwezekena mu m'phepete mwace, pomwe iye akhali pafupi na nyanza. ²² Padadzfika adafika nkulu wa ku Sinagoga, ankhacemeriwa Jairo, adadzgwa muminyendo mwace acimuwona. ²³ Iye ankam'manikidza pomwe, aciti: ''Mwanangu wa cikazi ali pafupi na kufa. Ndikukumbira kuti ubwere udzamunamatire, ndipo anzankhala na moyo wa bwino''. ²⁴ Natenepo Jezu adayenda naye. Nthinthi ukulu wa mbumba unkhamutewera, ucimupsinyiza. ²⁵ Pakhana nkazi bodzi omwe akhabonera na utenda bwa kucoka gazi nkati mwa magole khumi na mawiri. ²⁶ Iye adabonera kajinji mwa alapi na ng'anga, acidzonga bzentse bzace akhanadzo. Manji bzikhamuthandizalini; ndipo bzikhalemwa letu. ²⁷ Pace adabva kulonga bza Jezu, adabwera na m'mambuyo, pakati pa wan'thu, ndipo adam'phata nguwo. ²⁸ Iye akhati: '' Ninga phata basi cakubvala cace, ndinipola''. ²⁹ Pathawe ire, gazi lire lida ima kubuda, nkazi ule adzabva kusununguka thupi mwace. ³⁰ Mwakankulumize, Jezu adabva kuti kwa iye ikhada buda tsimba. Adzazungunuka pakati pa mbumba ire, acibvunzisa: '' Mbani aphata nguwo zangu?''. ³¹ Wapfunzi wadabvunza: '' Momwe uli nkuwonamu mbumbayi kukupsinyiza, ungalewe: ' Mbani andiphata?''' ³² Ndiye Jezu adadingisa m' mambuyo kuti awone mbani akhada cita bzimwebzi. ³³ Nkazi ule, pakudziwa bzomwe bzinkhadamucitikira, adatetemera na man'tha kubodzi. Iye adzayenda kuna Jezu kukalonga ca cadidi centse. ³⁴ Jezu adabvunza: '' Mwanangu, kutenda kwako kwakuxirisa. Ndoko na ntendere na kusununguka ku matenda yako''. ³⁵ Pace iye akhalonga, wan'thu winango wadabwera kubudira ku muyi kwa nkulu wa Sinagoga, aciti: '' Mwanako adafa. Thangwera canyi ukuxupha Misiri?'' ³⁶ Pomwe Jezu adabva bzomwe wakhalonga kuna watsogoleri wa sinagoga: ''Leka man'tha. Tenda basi''. ³⁷ Halibe kubvumiza mun'thu na bodziyiyo kuti amuperekeze, kupambula Pedru, Tiyago na Jowau, bale wa Tiyago. ³⁸ Watakafika kumuyi kwa nkulu wa sinagoga, adawona Jezu na womwe wamkhalira wacidandawula. ³⁹ Atakapita mu nyumba, iye adawawuza: ''thangweranyi muda psoma, m'cilira? Mwana alibe kufa, adagona''. ⁴⁰ Wadam'seka Jezu, ndipo adawabudisa kunja wentse, acipitisa payi na mai wa mwana ule na womwe akhawaperekeza acikawona pomwe pankhana mwanapo. ⁴¹ Aciphata djanja la m'tsikana, adamubvunza: '' Talita kumi'', bzomwe bzikulonga: Tsikana, Ine ndikubvunza: 'Muka'''. ⁴² Mwakankulumize mwana ule adamuka acifamba (thangwe iye akhana magole khumi na mawiri yakubaliwa kwace). Wentse wadadabwa. ⁴³ Jezu adalambiza kuti wazinji adziwe, ndiye adzati m'mpaseni cakudya ntsikanayi.