¹ Pontho, Jezu adatoma kupfunzisa m'phepete ya nyanza. Mbumba ida fendera pafupi naye, adapinda mu munyanza, acikhala mu mwadiya. Wentse wanthu wakhali kumbali kwa nyanza. ² Iye akhawapfunzisa bzizinji na cifananidzo, akhawabvunza: ³ ''Tetekerani! Ndipo nyakubvala adabula kabzala. ⁴ Pace iye akhabzala, mbewu zinango zidadzagwa munjira, mbalame zida bwera kudzadya. ⁵ Zinango mbewu zidagwa pa mbuto patuminyala, pomwe pakhalibe mataka. Nakucimbiza zidabvunda nthangwe patsipo pakhalibe kuzika. ⁶ Palo dzuwa lida bula, iwo idapsa thangwe ikhalibe mizi, iciwuma. ⁷ Inango mbewu idagwa pakati pa minga, idakula na kupsinyizika. Ndipopo mbewu iribe kubala cinthu. ⁸ Mbewu inango idagwa patsi pa bwino, adabala, pomwe ikhabala, kukula zinango zicibereka makumi matatu, zinango makumi matathatu, ndipo zinango zixibala kufunya kazinji.'' ⁹ Iye adati: '' Wule ana makutu ya kubva, mawabve!''. ¹⁰ Pomwe Jezu akhali ekha, wale wakhale pafupu naye na wa khumi na a wiri, wadabvunzisa thangwe la mifananidzo. ¹¹ Iye adabvi: ndimwepo mumpasiwa bzkubisika bza umambo bwa kuMulungu, manji kuna wale wakunja bzincitika na mifananidzo, ¹² na kuti, kuwona, wonani, tsono lekani kuwona, mu cibva, bvani, manji lekani kubva, nayibzi, iwo wangadatendewuka, Mulungu angadadzawalekerera''. ¹³ Iye adawa bvunza: ''Imwepo mulibe kubvesesa mufananidzo? Mulikubva tani bzinangobzi? ¹⁴ Wakubzala anibzala fala. ¹⁵ Omwe wakhali munjira ndiwo omwe anibva, manji anidza Santhani kudzaba na kakulumize mitima mwanu fala lomwe mwapasidya. ¹⁶ Winango mbale wanabzaliwa pa mataka ya minyala, omwe, wangati wabva fala, iwo wambali tambira na mupfanso. ¹⁷ Iyo walibe mizi yawo wonkha, tsono wambalimikira pathawe ing'ono. Na tenepo, wadabwera na kuneta thangwe la fala, mwakusaya kucedwa, iwo wadaphonyeka. ¹⁸ Winango ndiwo wale wadabvaliwa pakati pa minga. Iwo ndiwo anibva fala, ¹⁹ na bzakucita bzadziko, na udali bwa dziko, kubzikuza na bzida ambabwera kudza psinyiza fala la Mulungu, iro limbadzafa. Ndipo kuna wale omwe abzaliwa pa mataka ya bwino. ²⁰ Iwo wanibva fala, waciritambira licibala bzibereko, inango ka makumi matatu, inango makumi matathatu, zinango kubala ulendo dzana libodzi''. ²¹ Jezu adalonga: Imwepo mubwerese luju mu nyumba ndipo ikhani patsi pa bhedha? Imwepo munzabweresa, muciyikha pa veladori. ²² Thangwe palibe munamato, omwe ungadziwike lini, napombo cinthu ca cintsitsi, cakusaya kuzindikiridya. ²³ Penu una makuto kuti ubve, bvaya''. ²⁴ Iye adabvunza: khalani na cero ku bzomwe munibva , kundendemeza kupima na kupimisani imwepo mudzati ndipo palibe anzakuthimizirani. ²⁵ Na thangwe la ule anabzo, anzapasiwa pomwe, ndiye kuna ule alibe, ati adzacosedye bzace anabzo padokobzo''. ²⁶ Jezu adalewa: ''Umambo wa Mulungu udakhala ninga mwamuna adabzala mbewu patsi. ²⁷ Iye adagona acimuka payo mbewu ikhakula na kucimbiza, napo akhadziwa lini kakulidye. ²⁸ Patsi pacace pana bala mincero: pakutoma muti umbabaliwa, ucibala, na kukhuma. ²⁹ Bzingakhuma, nakukulumiza, mwamuna ambayenda kukakolola ingakwana thawe''. ³⁰ Adam'bvunzazve acibvi: ''Tingandendemeze tani umambo wa Mulungu? Ni mufanikidzo uponi angabvesesenawo? ³¹ Iye akukhala ningati mbewu ida idapangiziwa, njing'ono kwa zentse mbewu za patsi. ³² Tingati muti, umbakula kwenekwene kuposa bzina mu dimba. Imbacita mithai mitali, kuti mbalame za kudzulu zixite citsa na thunzi''. ³³ Na mifananidzo akhawawuza fala, ninga momwe angabvesesera. ³⁴ Iye palibe comwe adabvunza, kunja kwa mifananidzo. Payekha adamubvunza bzetse bza wapfunzi wace. ³⁵ Patsiku ire, pakudoka, Iye adwabvunza: '' Tendeni mbali inango''. ³⁶ Siyani mbumba, wapfunzi wadatola Jezu, wakhali mu mwadiya. Mimwadiya inango ikhana Iye. ³⁷ Padatoma kubwera mphepo na duto, na conzi cire mwadiya ukhatekenyeka, ukhali pafupi kudzala madzi. ³⁸ Manji Jezu akhali ku poipa, acigona. Wapfunzi akham'musa, waciti: ''Mesiri, iwepo ulikuthira lini thupo kuti tifuna kufa?''. ³⁹ Jezu adamuka acithontha xonzi, ndipo adalonga kuna nyanza:'' Nyamala, ngakuderenkhe''. Natenepo xonzi cida ima, kucikhala bwino. ⁴⁰ Iye adawabvunza: Thangweranyi mukubva man'tha? Imwepo mulibe kutenda?''. ⁴¹ Wakhana mantha makulu acibvunzana mwa kudabwa: '' Mbani umweyi omwe mpaka xonzi na nyanza kum'tetekera?''.