¹ Pace adabwerea ku Kafarnaum, kupita kwa ntsiku, kudabveka kuti iye akahali kumuyi. ² Natenepo, wazinji wadakhalisana kumweko, ndipo kukhalibe mbuto, pasuwo pakhada dzala, Jezu akhapalidza fala. ³ Wina wadabwera kuna Jezu acim'bweresera mwamuna bodzi bundukuto akhatakuliwa na wanthu wanayi. ⁴ Manji iwo wangadafika lini pafupi naye thangwe la wanthu. Na ibzi, wadacosa tsodzi pomwe pakhana Jezu, wacibola, wadancitha na pomwe pakhadagona mwamuna bundukutu ule. ⁵ Aciwona kutenda kwawo, Jezu adabvunza mwamuna bundukutu: ''Mwanangu, bzitazo bzako bza lekereredya''. ⁶ Pamwepo pakhana wanembi winango wa mitemo, omwe wakhakumbuka m'mitima mwawo: ⁷ Umweyi angalonge tani tenepayi? Iye adadandawula! Mbani angalekerere bzitazo kunja kwa Mulungu ekha?''. ⁸ Mwakankulumize, Jezu, acidziwa zimu wace bzomwe wakhakumbuka, wadati: '' Nthangweranyi muli kukumbukanyi m'mitima mwanu? ⁹ Ncanyi cidadotha kulonga kuna bundukuto?: ' Bzitazo bzako bzalekereredya' ayayi ndati: ' Muka, phata khangala lako, famba'? ¹⁰ Ninga mulikudziwa kuti mun'thu ana umambo patsi pano kuti walekerere bzitazo bzawo, ''adabvunza bundukutu: ¹¹ ''Ine ndikubvunza: muka uphate khangala, uyende kumuyi kwako. ¹² Iye adamuka nakacimbicimbi na khangala lace ndipo adamuda kumuyi kwace pamaso pa wentse, na kukomedya wadapereka makombolero kuna Mulungu wacilonga: '' Ife tikanati kuwona cinthu ninga ici''. ¹³ Iye adabuda pomwe aciyenda m'phepete mwa nyanza, wentse wanthu akhauyenda kuna iye, akawapfunzise. ¹⁴ Pomwe akhapita, adawona Levi, mwana wa Alfeu, akhadakhala pambuto ya kusunda mitsonkho, acibvunza: '' Nditewere''. Iye adamuka acim'tewera. ¹⁵ Pace Jezu akhali pa meza, pa muyi wa Levi, wanyakusunda musonko na watazi omwe akhadya na Jezu pabozi na wapfunzi wace, thangwe wakhalipo wazinji wakhamutewera. ¹⁶ Pawo wanembi wa fariseu wadawona Jezu akhadya na wanthu waphonyi na wa sundi wa misonkhpo, aciwawuza wapfunzi wace: '' Nthangweranyi Iye alikudya na wasundi wa mutsonkho na watazi?''. ¹⁷ Pace Jezu adabva ibzi, adawabvunza kubvi: ''Wan'thu wakulimba anifuna lini mulapi; watenda inde. Ine ndiribe kubwera kudzacemera wakulungama, manji wakutaza''. ¹⁸ Wapfunzi wa Juwau na wafariseu wakhantsanya. Adabwera winango aciwabvunza: '' Thangweranyi wapfunzi wa Juwau na wapfunzi wa Fariseu wakhatsanya, manji wapfuzi wako wakhatsanya lini?''. ¹⁹ Jezu adawabvunza: ''Bzincitika wakucemeriwa pa malowozi watsanye napo wakulolayiyo anawo? Iko iwo wana nyakulolayiyo, iwo nyampodi kutsanya. ²⁰ Manji tsiku zinzakwana kuti nyakulolayiyo acosedye, patsiku zimwezi, iwo wanzatsanya. ²¹ Palibe akhansanzikidze cakubvala cinovu pa cakalekale; mwakusiyana, mphisi lire linzang'amba cakalekale, ndipo cicidzang'ambika kwenekwene. ²² Palibe mwamuna angayikhe vinyu yakale; wangacita ibzi, vinyu inzapita muthupi, vinyuyio napo odere yanzaluzika. Kuposa bzimwebzi, iniyikhidya vinyu inovu mu odere''. ²³ Bzidacitika kuti, patsiku ibodzi ya Sabbath, pakupita kwa Jezu na m'minda, wapfunzi wace wadafungula zinjira axincola cimanga. ²⁴ Ndipo ma fariseu wadawabvunza: '' Ona, thangweranyi iwo wali kucita bzithu bzakulambiziwa mu Sabudu?''. ²⁵ Iye adawabvunza: '' Mukanati kuwerenga bzomwe Davi adacita pomwe akhada saya na njala, iye na wamuna womwe akhanawo? ²⁶ Adapita tani mu nyumba ya Mulungu pace Abiatar akahali sumu ya ntsembe, wadadya nkate padeca, bzomwe bzikhali bzakuletsedya, kupambula wa tsembe; adapasambo wanzace wale?''. ²⁷ Jezu adati: '' Sabbath adakhazikisidya kuna wanthu, sikuti mwamuna kuna Sabbath. ²⁸ Natere, Mwana wa Munthu ni Mbuye mpakana mu Sabbath.''