¹ Nsiku zozire, pakhana pomwe mbumba izinji, ndipo iwo wakhalibe cakudya. Jezu adacemera wapfunzi wace aciwabvunza: ² ''Ndinansisi na mbumba, thangwe wakhala nayine tsiku zitatu, tsono walibe cakudya. ³ Ningawagonekesa waciyenda kumuyi kwawo uku ananjala, waniwofoka munjira. Wazinji wawo wacokera kutali''. ⁴ Wapfunzi wa Jezu wadatayira: Ni kuponi tingawone mikate ya kuwanda kuti wensene wadye pa mbuto ino ya dzuwa?''. ⁵ Jezu adabvunza: '' Muna mikate mingasi?'' Iwo wadalewa: '' Zinomwe''. ⁶ Iye adati mbumba ikhale patsi. Iye adatola mikate minomwe ire, adadalisa acigwata; adapereka kuna apfunzi kuti agawanise mbumba. ⁷ Iwo wakhana tunsomba pomwe, zomwe wadazidalisa, Iye adabvunza wapfunzi kuti awagawanise. ⁸ Iwo wadadya ndipo wadakhala wakukomedwa. Wapfunzi wadaphata maphisi yakusala yomwe yakhakwanira manomwe mu mamathengu makulu. ⁹ Pakhana amuna omwe anikwanira bzulu bzinayi. Jezu adawagoneka. ¹⁰ Nakucimbiza Iye adayenda mu mwadiya na wapfunzi wace wacicita ulendo bwa kuyenda ku mbuto ya Dalmanuta. ¹¹ Natenepo mafariseu yadabwera, yacitoma ku gwengezana. Wadakumbira cipangizo ca kudenga, kuti wa ciyezere. ¹² Adadzafema mwa uzimu, acilonga : '' Thanweranyi mbumbayi iri kupswaga cipangizo? Mwacadidi ndikubvunzani palibe cipangizo comwe cimpasiwa mbumbayi''. ¹³ Ndipo, adawasiya, acipita pomwe mu mwadiya, aciyenda ku mbali inango. ¹⁴ Bzidacitika kuna wapfunzi wadayebwa kutola mikate. Wakhana nkate ubodzi mu mwadiya. ¹⁵ Jezu adawaxenjeza: '' Bzikoyeni bziwande bza wa fariseu na wa Herodi.'' ¹⁶ Wapfunzi wakhagwengezana: '' Ni thangwera tiribe nkate''. ¹⁷ Jezu pakubva bzimwebzi, adawabvunza: ''Thangweranyi mukugwengezana na kusaya nkate? Mukanati kubva basi? Mulibe kubva? Mitima yanu ida uma? ¹⁸ Munayio maso tsono mumbawona lini? Makuto munaiyio ndipo muli kubva lini? Mulikukumbusani lini? ¹⁹ Pomwe ndidabedula mikate mixanu pa bzulu bzixanu, ni bzitundu bzingasi bza mikate muda tola?'' Wadamutayira: '' Nkumi na bziwiri''. ²⁰ Pangu ndidabedula mikate minomwe pakati pa bzulu bzinayi, ni bzitundu bzingasi mudatola?''. Iwo wadalonga: '' bzinomwe''. ²¹ Ndiye adzawabvunza aciti: '' Kodi mukanati kubvesesa?'' ²² Iwo wadafika ku Betsaidha. Wan'thu adawatola phofu bodzi aciyendanaye kuna Jezu, acimukumbira kuti am'phate. ²³ Jezu adam'tenga kuyendanaye kuthengo. Pace adapsipira maso na kumuyikha djanja, adabvunza: '' Ulikuwona cin'thu?''. ²⁴ Pakumusa maso, iye adabvunza: '' Ndikuwona wamuna ninga miti ikufamba''. ²⁵ Ndipo Jezu adam'phata maso; maso ya munthu ule yada ona bwino-bwino. ²⁶ Jezu adamuwuza kuti ayende kumuyi, adamuti: '' Leka kupita ku zinda''. ²⁷ Jezu na wapfunzi wace wadayenda ku midzi ya Cezareia ya Filipe. Wali munjira, Jezu adabvunza apfunzi: Mbani wali kuti iye ndine?'' ²⁸ Iwo wadatayira ni: ''Jowawu, Batixta.Winango wadati: ' Eliya'; wina, 'Muporofita bodzi'''. ²⁹ Iye adawabvunza: '' Mbani angakubvunzeni ndine yani?''. Pakutayira, Pedru adati: '' Iwe ndiwe Krixtu''. ³⁰ Jezu adawacenjeza kuti aleke kukabvunze winago bzayiye. ³¹ Jezu adayamba kuwapfunzisa kuti mwana wa mun'thu anzabonera, anzalambiwa na wakulu, na wa nyansembe, na wanembi, anzaphiwa, ndipo acidzamuka pakupita ntsiku zitatu. ³² Iye adalonga ibzi padeca. Ndiye Pedru, acim'cemera payekha, adadzatoma kumunyamaliza. ³³ Manji Jezu adazungunuka, aciyang'anisa wapfunzi, adanyamaliza Pedru, acilonga: ''Ima kum'mambuyo kwa ine, Santhani!Ulikufunga lini bza Mulungu, koma bza wan'thu.'' ³⁴ Iye adabvunza mbamba na wapfunzi acibvi: '' Penju mun'thu alikuda kunditewera, mbawabzirambe enkha, anyamule ntanda wace anditewere. ³⁵ Naipo, ule akuda kubzipulumisa moyo, anzaluza, ndipo aliyentse omwe anzaluza moyo wace nthangwe la ine na mabasa yangu, eyu anzapulumuka. ³⁶ Ni phindu lanyi anzakhala nalo ule omwe anzawina bza dziko, aciluza moyo wace? ³⁷ Ncanyi anzam'mpasa mwamuna pakucinjanisa na moyo wako? ³⁸ Aliyentse anibvanande manyazi na fala pa madzinza ya kuphonyeka, mwana wa mun'thu anzamunyaza pa upfumi wa baba wace na bgirozi za kucena''.