¹ Mumamawa, akulu ansembe ekumana pamo na asambizyi na akulu wa Ayuda napamo na kakulu konse kwa Ayuda. Nipo emumanga Yeso nomutwala. Emutwala kwa Pilato. ² Pilato emukonsha, '' Ko niwe mfumu ya Ayuda?'' Emuyasuka, '' Mwatetyo.'' ³ Akulu ansembe emuwepezyela vinthu vinyinji. ⁴ Pilato ekonsha soti, ''Siuniyasuka? Ona okuyopezyela vinthu vinyinji!'' ⁵ Koma Yeso aliye muyasuke soti Pilato, nipo cimuzizwisha. ⁶ Lomba penze nsita yamalyelo, Pilato nsita zyonse enzowamangululila umo wa akaidi, kaidi wenzo senga. ⁷ Nipo penze munthu oitiwa Balaba mujele, na amaliongo acipaya pansita yowayalukila. ⁸ Liumba liciza kwa Pilato noyamba kumukonshya cangamucitile nga nimwecicitila potatika. ⁹ Pilato ewayasuka kuti, ''Mufuna nimmumangusulileni Mfumu ya Ayuda?'' ¹⁰ Pakuti eziwa kuti ni kamba ka likumbwasi akulu ansembe mwecitwalila Yeso kuli eve. ¹¹ Koma akulu ansembe etuntha winji wa wanthu kuti alilile Banaba amangusuliwe. ¹² Pilato ewayasuka soti kuti, ''Ningacitenji na Mfumu ya Ayuda?'' ¹³ Ekuwa soti, ''mupacikeni!'' ¹⁴ Pilato ewauzya kuti, ''Waluvyanji?'' Koma ekuwa mosalekezya, ''Mupacikeni.'' ¹⁵ Pilato efuna kutemwesha liumba, nipo ewamangusulila Banaba. Emukwapula Yeso nomutwala kuti akapacikiwe. ¹⁶ Pamene apo asilikali emukata Yeso kumusumba wa linga wa bwanamukubwa, noleta liumba lonse ya asilikali. ¹⁷ Emuvwalika covwala cisweta ca Mfumu, noluka cisote caminga noika pamutu pake. ¹⁸ Etatika kumupa moni nonena, '' Timuoneni, Mfumu ya Ayuda!'' ¹⁹ Enzomunyata pamutu na ndodo, nomutila mata. Emufukamila nomufweya. ²⁰ Akamuzingwishe tetyo, emufumya cinthambo cisweta nomuvwalika vovwala vake, nipo emupeleka kuti akamupacike. ²¹ Ekakamizya oyenda enzocoka ku calo kuti anyamule mutanda wa Yeso, mwanalume zina yake Simoni waku Sileni awisi wa Alekezanda na Lufusi. ²² Asilikali emuleta Yeso kumalo oitiwa Gologota (kumangusula ''malo opacikiliwako''). ²³ Emupa vinyu osanzya na mule, koma aliye umwe. ²⁴ Emupacika pamusalaba noyawana minjilo yake pakati pao nakuti onse wamene eulapo. ²⁵ Yenze nsita yakatatu nipecimupacika. ²⁶ Napamulu pelembewa ma lizu omusimikizya akuti, ''Mfumu ya Ayuda.'' ²⁷ Pamo naeve epacika tupondo tuwili, kamo kwanja kwa kwendi nipo kamo kumanzyele. ²⁸ Na malembo ekwanishiwa onena kuti,''Ependewa mwa anyalufwilwa.'' ²⁹ Epitilap emutafulila, nopukumula mitu yao nolawila kuti, 'Aha! Weo upasula cipupilo nocimanga soti mu masiku atatu, ³⁰ zipuzumushe nosika pamusalaba!'' ³¹ Mwanjila yamene iyi akulu ansembe enze mufweya weka weka pamo na alembi, nakuti eciti, ''Enzopuzumusha ayakine, koma sangazipulumushe eka. ³² Lekani khilisitu, Mfumu ya Isilayeli, isike lomba pamutanda, kuti tingaone nocetekela.'' Nipo nao wecipacikiwa nao pamo eyamba kumutotofya. ³³ Pa nsita ya kasano nalimo, mfinzi iciza pacitwa conse mphaka nsita yakasano nakane. ³⁴ Pa nsita ya kasano nakane Yeso elila na malizu apamulu, ''Eloi, Eloi, lamasabakitani?'' Kuyaluzya kuti, ''Mulungu wangu, Mulungu wangu, mwanisiilanji neo?'' ³⁵ Wala wenze pafupi ecimvwa malizu wake nipo weciti, ''Onani, oita Eliya.'' ³⁶ Munthu muyake eutuka, nonasha cinkhupule, na walwa wosasa, noika mutete nomupa kuti amwe. Eciti, ³⁷ ''Tiyeni tione kano Eliya awele kuzo musisha.'' Nipo Yeso elila na lizu lapalulu nakufwa. ³⁸ Cinyula cocinga camucipupilo cing'ambika pawili kufuma palulu kufika panyansi. ³⁹ Pamene kentuliyo enze pamene pafupi naye nololesha Yesu akaone kuti wafwa mu njila iyi, Eciti, '' Cendi uyu munthu enze mwana wa Mulungu.'' ⁴⁰ Penze soti acembele enzololeshela patali. Pakati pao penze Maliya Magadalena, Maliya (Nyina wa Yakobe musaza wa Yose), munthu woitiwa Yose pano oitiwa Yosefe mu Maliko 6:3, zina yakuti Yosefe yupanamila mwamene zina mwiyenzo lembewela muci Hebeli, na zina ya Yose yenzopanamila mwamene muyenzolembewela muci Giliki, na Solomi. ⁴¹ Penze mu Galileya emukonkha eve nomupuzumusha. Acembele eciza naye ku Yelusalemu. ⁴² Cingulo piceciza, cikomo yenze siku ya ciwamizyo, kuti, mailo ni siku ya sabata ikaliyofwika, ⁴³ Yosefe waku Alimatiya eciza kula. Enze munthu ocinzikiwa ngako nasoti mukulu wansaka, enzolindila Ufumu wa Mulungu. Eciya nolowa kwa Pilato nomukonsha zya muwili wa Yeso. ⁴⁴ Pilato ezizwa kuti Yeso enze wakufwa; eita kentuliyo nomukonsha kano Yeso enze wakufwa. ⁴⁵ Pilato pecimvwa kuli kentuliyo kuti Yeso niwakufwa, epasa citanda kwa Yosefe. ⁴⁶ Yosefe esita nyula yomuzewezyamo, nomuika mu mphako yofokolewa ku cimwala. pavuli pake ekankhilapo cimwala pa pamulyango wa manda. ⁴⁷ Maliya Magadalena na Maliya nyina wa Yosefe eonapo pamalo Yeso peciikiwa.