¹ Lomba akaswe masiku awili kwenze pasaka na nsiku ya mitanda iliye cizamba. Akulu ansembe na alembi esaka saka mwati amukatile Yeso nomucita ciipa nomupaya. ² Pakuti wenzolawila, ''pa masiku akulu yaai, pangawe ciwawa ca wanthu.'' ³ Yeso penze mu Betaniya mu nanda ya Simoni wamambombo, penze nkhezi pakulya, kweciza mwanakazi na kasuwilo ka alabesitelo ka mafuta onunkhila a nardo wenewene. Ekafwaya kasuwilo nomuthila pa mutu pake. ⁴ Koma enzepo wayake ecipya mitima. Welawizyana weka na weka nipo weciti, '' nga awa mafuta atailanji? ⁵ Mafuta amenme awa sembe esitiwa pamutengo wa ndalama za ziliva zokwanila makumi-kumi atatu, nakupa ozingwa.'' nipo wanthu wala emukalipila mwanakazi wala. ⁶ Koma Yeso eciti, '' Mulekeleleni. Mumuzingwishilanji? Wacita cinthu ciweme ngako kwa neo. ⁷ Cikomo akavu muli nao pamo nsiku zyonse, paliponse mukapangwa mungawacitile viweme, koma neo simuzankhala nane nsiku zyonse. ⁸ Wacita va angakwanishe: Wauzolekela futila muwili wangu kowikila musitu. ⁹ Lezee numuuzyani, paliponse lizu iweme iwilizyiwa mu vyalo vyonse,cacita uyu mwanakazi cize conenewa, ciwe cikumbukilo. ¹⁰ Nipo Yudasi Esikaliyoti, umo wa awo kumi na awili, eciya kwa akulu ansembe kuti akamutwale kwao. ¹¹ Akulu ansembe pecimvwa, esekelela nopangana naye kumupa ndalama. Eyamba kusakila njila kuti amutwale kwa weve. ^{12 13 14} pa siku yoyamba la mitanda iliye cizamba, penzopaya wana wambelele ocitila cisangalalo ca pasaka, asambili wake enena naye, '' mupangwa tikayikile kuni kuti mulyeleko pasaka?'' naye etuma awili asambili wake enena nawo,''lowani mu muzinda, akakumane namwe mwanalume otwala nongo ya manzi mukamukonke. mulimonse mwatiakalowe yeve mumukonkhe mukakambe, ' namwine wa nanda, 'musambizyi akuti' cilikuni cipinda cangu ca alwendo mwamene umo nikalyelemo pasaka pamo na asambili wangu?'' ^{15 16} naye yeve yeka akamulangizyeni cipinda cikulu, ca pamulu coyanzyiwa na cowamyiwa. nkhoyani mukakonzeke vyaseo. nao asambili wake efuma elowa mu muzinda wfwanga nga ni mwamene mwewauzyilwa, epekanya pasaka. ^{17 18 19} lomba pacenze cingulo eciza pamo nawala kumi na awili. penze nkhezi patebulo pakulya yeso eciti, lezee numunenelani, umo wa mweo anitwale. wamene uyo akulya pamo nane. nao eyambodandaula, nonenela umo na umo elawila kwake, '' Ko ni neo? ^{20 21} ewauzya, ni umo wa awa kumi na awili, uyo olyela pamo na neo mu ndilo. pakuti mwana wa munthu akuya umo mukwelembekewa pake. shamo ku munthu uyo wati akamupeleke mwana wa munthu. niwamene uyo angati aliyovyalikwe. ^{22 23 24 25} nawo penzekulya, yeve eula mukate, naye akashukishe, esuna. ewapa eciti, ulani uyu, ni muwili wangu. naye eula ntumo, akashukishe, ewapa nao onse, emwamo. enena nao, uyu ni muloa wangu wa mapangano. womvwishiwa pa milandu ya anyinji. lezee numuuzyani, senthi nize nimwe soti vyotwala uyu mupesya mpaka siku lilala linti nikamwelemo vyalomba mu ufumu wa mulungu. ^{26 27} nao akaimbe nzimbo, efuma eciya ku lupili ya oliva. yeso naye enena nawo, monse mupilingishiwe, pakuti kwilembewa, nize nimunyate ciweta, mbelele nazyo zize zimwatike ng'ondo. ²⁸ Sembe nikazouka nize nimutangulileni ku Galileya." ²⁹ Petulo eciti kuli yeve,'' cukanga kuti onse akakutalamukeni, neo sinizakacita.'' ^{30 31} yeso emuuzya, '' cendi nunena kwanu, usiku walelo, kombwe pakaliyolila kawili,unikane katatu.'' Petulo elawila, ''Kano nga nikufwa namwe niteti, nize mukaneni lini. onse elawila tetyo .'' ^{32 33 34} lomba ezapo pa malo potuliwa zina lakuti Gesemani, nipo yeso enena na asambili wake eciti, ''nkhalani apa nilombe.'' Eula Petulo,Yakobe, na Yohane eyamboyopa kwene kantu nonyonyomwa kwendi. Ewauzya, '' moyo wangu usinginika ngako, mphaka imfwa. iwani pano nakuwa tuni.'' ^{35 36} Yesu eciya panthanzi patontho, egwada pansi esenga kuti kati kukakumika ka nsita aka kamupitilile. eciti, Abba, Wata, vyonse vucitika namwe imyaponi kwangu nthumo iyi. sembe nthe ico cimupangwa neo, sembe ico cimupangwa mweo. ^{37 38 39} naye akawele ewafwanga enze mutulo, enena naya Petulo, '' Simoni, kansi uli mutulo? mwati ungawe tuni kansita kano? iwani tuni, nipo sengani mungalowe poyezyewa. lezee muzimu uzomela, sembe muwili ni wolenda. nipo efumako soti esenga, kowelezya ma lizu amene ao. ^{40 41 42} naye eciza soti, ewafwanga enze mutulo, pakuti menso wao elemelwa ngako. aliyoziwa comuyasuka. naye eciza pakatatu enena nao, ''nipo mwalala nopumula? yakumana ! kafwika kansita, onani! mwana wa munthu avumbuliwa ku manja a mbifi. imani, takuya. onani, uyo onivumbula wafwikila. ^{43 44 45 46} penze akali olawila, juda umo wa awo kumi na awili, eciza nipo liumba likulu yenze naye yenze namikondo, kwa akulu a sembe na alembi na akulu akulu. lomba wamene emuvumbula ewauzya ciziwikwilo eciti, uyo unti, ''nikafyonte ni wamene mukatisyeninmuye naye mumusungishe.'' yudasi peciwela, mwaliwilo liwilo ecizakuli yeso nipo eciti, ''Rabbi,'' nipo emufyonta. kotetyo emuvitila nomutola. ^{47 48 49 50} sembe muyake wa awo enzepeneme pafupi esolola cinkhalamumanja cake emucenchena kapolo mukulu wa ansembe nomutenda kwatu. yeso eyasuka ewanenela, '' kansi mwafuma na vinkhalamumanja na minkulu kuzonikata nga nine njivi? nsiku na nsiku nenze pamo namweo mu cipupilo kusambizya, muliyonikata. sembe ici cacitiwa kuti malembo asilizyike.'' nao enzena yeso emusiya noutuka. ^{51 52} mulumbwana, evwala nyula pa muwili wake, enzokonkha yeso. pamene wanthu emukata. naye eisiya nyula eutuka cintako. ^{53 54} yeso emuguguzila ku mukulu wa ansembe,akulu akulu, na alembi. naye Petuloo emukonkha kufuma patali, nga ni luwanza lwanmukulu wa nsembe. enkhala pamo nawanjolinjoli kuyopa mulilo. ^{55 56} lomba akulu ansembe na akulu onsea milandu esakila sakila untoni wemususha nao yeso kuti amupaisye, aliyoufwanga. nipo eima wambi emunenela untoni wowepa eciti, ^{57 58 59} ''timumvwa enzonena, nizenipasule cipuilo ici cocitiwa na manja, na ppa masiku atatu nimange ciyakwene cosacitiwa na manja.'' sembe cukanga teti untoni wao ulive noyamo. ^{60 61 62} nipo mukulu wa ansembe epanama pakuti emukosha yeso eciti, ''kansi suyasuka kanthu? iciti cinji cakukunenela untoni? sembe yeve enze celele osayasuka kanthu. mukulu wa ansembe emukonshya soti enena naye, ''kansi niwe khilisitu wati, mwana wa uyo owilikila? yeso eciti, '' nine wamene. nipo muze muone mwana wa munthu akayonkhala kanja kwendi kwa mphamvu nipo nakuza na mikumbi ya mululu.'' ^{63 64 65} naye mukulu wa ansembe epazula vocwala vake eciti, ''nipo tikali kupangwa umboni? mwamvwa mwamucitile mulungu musikila mulingatyani?'' nao onse epingula kuti owamila kufwa. nipo ayake etalikomutila mata, emumanga cinkhuwa nogulang'ulang'ula nomuuzya , ''losya,'' namanjolinjoli emulondelela nomunyata malupi. ^{66 67 68} pamene penze petulo pansi mu luwanza, umo mwa munazi wanshito ku wa akulu ansembe eciza kuli yeve. naye akawone petulo oyota mulilo, emuloleshesha eciti, '' nawe kumo wenze naye mu nazalayo, yeso.'' yeve ekana, eciti, '' kuziwa sumuziwa cukanga kumvwisya camene ciunena weo.'' naye efuma eciya ku lukolo nipo kombwe elila. ^{69 70} nipo mukazi wa nchito emuona eyamba kulawila eyamba soti kulawila kuli walanonse epanama pala, ''uyu mulumbwana niumozi mwa iwo!'' yeve ekana soti. kansita katonto awo epanama apo enena na petulo, ''ni cendi we niwe wa awo, pakuti niwe mugalileya.'' ^{71 72} naye eyamba kushanika nolapa kuti, '' nimuziwa lini uyu mulumbwana umukambapo.'' lomba pano apo kombwe ewelezya kaciwili. naye petulo elikumbuka lizu nga ni mwecimuuzyila yeso, ''pakaliye nowelezya kombwe kawili unikane katatu.'' naye pecilukana ici elila misozi.