¹ Mukoneke mbadi wa kutenda yitenda yenu yo ghuhunga ku ghutho gho hanu eshi hayi mone, kutenda kenge mbadi mwa ku wana yiruwera kwa wihenu kwa gho ku diwiru. ² ghapa sho mu tapere hamweya, mwa diritha torombita pa ghutho dhenu ghira ha ka ditunga ghedi hana tetanga mu senagogo no mu maghira, eshi hanu ne ha wa kuwe. ghushemwa nina kumu tongwera eshi , ghawo ha wana ghiruwera yawo yoyiheya. ³ Ghapa sho mu tapere hamweya, mwa dimukitha dyoko dyo rumoho ghedi dyoko dyo rudyo di na kutenda ⁴ eshi ghitapa yenu yi kare ghudhindo. Eshi wihenu gho ku mona mu ghudhindo gha mu ruwere. ⁵ Sho mu kwate keho mandapero , mwa kara yira ha hapokarate, ghawo ha haka wikimana no ku kwata mandapero mo senagogo no maghira eshi hanu ha wa mone. Ghushemwa nina ku mu tongwera eshi , ha wana ghiruwera yawo. ⁶ Ghapa sho mu kwate keho mandapero, mwingene mu tungonda to mwishi. Mu yandhere ghikwaro pa kwitha wihenu gho yu gha kara mu ghudhindo. Ghaye wihenu gho ku mona mu ghudhindo nganyi gha mu ruwere. ⁷ Ghapa sho mu kwate mandapero, mwa tenda maywi gho kahukuruka gho ku pira modyo shika di hana tendanga ha ka ditunga, ghawo hana ghayaranga eshi nganyi ha yuvahare no maywi ghawo gho mengi. ⁸ Keho ne, mwa ku pitura nawo yo eshi wihenu gha dimuka eyi muna kuyanda no ku mu kumbera temba. ⁹ Keho ne mu kwata mandapero ghenu eshi: Wihetu gho ku diwiru dina dyoye di fumanekiwe yoyi eshi wa pongoka. ¹⁰ Ghufumu ghoye wiye pamuve shika di ghudi ku diwiru. ¹¹ Tupe keho thidya thetu tho diyuwa. ¹² Tu thigherere mayipithero ghetu shika ghedi twa thigherera hamweya. ¹³ Wa tu twara keho mu ghirumbera , gho tu shuture mwa moghipithi. ¹⁴ Ngeshi muna ku thigherera hamweya maghuyi ghawo, wihenu naye nganyi gha mu thigherere maghuyi ghenu. ¹⁵ Ghapa sho mu pire ku thigherea hamweya maghuyi ghawo wihenu naye mbadi sho gha mu thigherere maghuyi ghenu. ¹⁶ Ghapa sho mu ku yumene yidya , mwa ku pitura keho na wa hapokarate, ghawo kwipitha marupara ghawo eshi hanu ne ha wa mone eshi mu ku ku yumena yidya hadi. Ghushemwa nina ku mu ninga eshi ghawo ha wana keho ghiruwera yawo yo ku yara. ¹⁷ Ghamwe keho pa kuku yumena yidya, mu ku wethe maghadhi mu mitwi no ku ku yogha marupara ghenu ¹⁸ eshi ya kara pa ghutho dho hanu eshi ko muna ku ku yumena yidya, shime ngwa kwa wihenu yu ghana monanga mu ghudhindo, karo ghaye gho ku mona mu ghudhindo nganyi gha mu ruwere. ¹⁹ Mwa ku pungwera keho maghushwi pano pa kaye, po kwipitha ghuhwa no werependhe, karo no hakawidhi kwingena hedhe. ²⁰ Mwa roghera keho ku tura maghushwi ghenu ku diwiru, ko ku pira ghuhwa no werependhe gho kwipitha, karo mbadiko hakawidhi ho kwingenako ha tjore hedhe. ²¹ Ghoku keho kudi ghushwi ghoye no mutjima ghoye ko ghukadi. ²² Diho ne mwedhi gho ghirama yoyiheya.Ngeshi keho diho diwa , no ghirama yoyiheya ku yara mwedhi. ²³ Ngeshi keho diho dyoye dighi , ghirama yoghe yoyiheya ya yara dikokore. Keho ne, ngeshi mwedhi ghu ghudi pa poye na dikokore , ngepi keho ghukuru wadyo. Kadiko gho ku rughanena hahekudya hawadi , kemo ne gha hake ghumweya no kunyenga ghumweya ghendi gha rughanene ghumweya no ku nyadha ghumweya. ²⁴ Mbadi wa ku twetha keho ku rughanena Nyambi no ghushwi. ²⁵ Keho ne ko nina kumu ninga eshi, mwa tokota no ghuparo, ghoye eshi yipi shomu dye, endi yipi shomu nwe ,no karo yipi shomu shupate. Ghuparo mbadi mudyo kupita yidya ndi, endi ghishupata kupita yidya ndi? ²⁶ Mu kengurure keho ghinyunyi yo mumupepo. Mbadi wa ku kuna ghendi ku pokwera mu tushete mara wihenu ku ghipa yidya. Ghamwe mbadiko modyo ku yi pita ndi? ²⁷ Ghidye keho pa penu munyima dho kutokota gha kuwedherera mayuwa gho ghuparo? ²⁸ Ngepi keho muna kutokota nu ghishupata? Mu ghayare keho mutemo dho mu dipya , eshi ngepi dhina kuranga. Mbadi dhina rughananga karo mbadi dhina ku shupekanga. ²⁹ Mara nina ku mu ninga eshi, ngambinga Solomoni mu ghungavo wendi mbadi gha shupatire kemo. ³⁰ Ngeshi Nyambi ku shupeka muhonyi gho dipya ghokukara mo dyarero peghundha ku ghu tumeka ³¹ ,ghamwe keho ne mwano gho matawero gho mapu? Keho ne mwa tokota muku ninga eshi, yipi shomu dye? endi yipi shomu nwe? karo no yipi shomu shupate? ³² Yoyishi hakaditunga hana shananga yinu yi, ghamwe keho wihenu ghoku diwiru gha dimuka eshi mwa nyanda ghinu yi. ³³ Mu shane keho ghufumu wendi no maghuwa ghendi, yoyiheya keho yi nganyi gha ku ghi mu tapere. ³⁴ Karo, mwa tokota no peghundha, mo thighe peghundha gha ku tokotere ghithinda. Kehe di diyuwa didi no yo ku di kwana.