¹ Mwa tetera ndhango, eshi namwe kadi ha kumu teterendhagho. ² Yoyishi ndhango, edhi mbongu tetera, hamwe dhongo ha ku tetera. ³ Ngepi shaku mona thipara ethi thidi mu diho dya moyedhoye, ene kadi waku tjwathana motambo ghoghu ghudi mu diho doye? ⁴ Ngepi dyo sho ka ninge moyedhoye, eshi ninge ni shwayithe thipara mu diho dyoye, ene mu diho dyoye ne motambo ghu dimo? ⁵ Ghamwe mwa hakakwingirika! Shwayithe tango motambo gho ghudi mu diho dyoye, nganyi po sho mone thiwana thipara gho thi thidi mu diho dya muyendhoye. ⁶ Mwa mwaera hambwa ghoyi ya pongoka, karo mwa mwaera yidya yenu pa ghotho dho yinguru , yoyishi nganyi hayi hanye no mapadhi, no gho dhi piruke dhiku tjinaure ghipinthe ghipinthe. ⁷ Kumbere nanyi hayi kupe, shane, no nganyi ghu wane, ngongone, nonganyi ka ku yandhurere. ⁸ Yoyishi keheno ghoku kumbera, ku tambura; no keheno gho kushana, ku wana; no kwa munu gho ku ngongona, nganyi dha ku mu yandhurukere. ⁹ Yidye mu mwenu, ngeshi mwanendi ghana ku kumbera ghuroto, ngo nganyi gha mupe diwe? ¹⁰ Ngambi neshi ghana ku kumbera yithi, ngo nganyi gha mupe thiyoka. ¹¹ Ngeshi ghamwe mwa ka dhimutjima dho dhiyi mwa dimuka kutapa ndupu dho dhiwa ko haneno, yingatji keho shaku tapere wiho ghoku diwiru yoyiwa ngeshi wamu kumbera. ¹² Keho, keheyi yinu wakushana hanu haye kutendere, nowe yitende ku kwaho, yoyoshi ghoghu morao no haporofeta. ¹³ Ngene no thero dho dhiputu. Yoyishi dho dhiyauyu dho thero, ene dho dhiyauyu thikuma dho kukutwara ku yifa, wingi wa haguva hana kuyenda mu mwadho. ¹⁴ Thero no ndira dho kukutwara ku ghuparo dhi kukutu, ndani hapu hana ku dhiwana. ¹⁵ Takamidhe haporofeta ho mbango, howa hanakeya kukoye hana shupata yishupata yo yinjwi no eshi hagho ne ha mambungu. ¹⁶ Yoyishi mu mbuyo dhawa mwaku ha dimuka. Eshi haguva nganyi ha kokore didjombo mu thitondo dho munga ngambi nguyu mu yimunga? ¹⁷ Mu ndhira dho kemo, kehethino thitondo dho thiwa thina shwayidhanga mbuyo dho dhiwa, ene thitondo dho thiyi thina shwayithanga mbuyo dho dhiyi. ¹⁸ Thitondo dho thiwa mbadi wa ku shwayitha mbuyo dho dhiyi, karo no kengeyo thitondo dho thimango mbadi waku shwagitha mbuyo dho dhiwa. ¹⁹ Kehethino thitondo dhokupira ku shwayitha mbuyo gharoyera kutetiwa ko kathimwaera mu modiro. ²⁰ Naho kengeyo nganyi ku ha dimuke nombuyo dhawo. ²¹ Mbadi kegeyu gho ku ninga shi, '' Fumu, Fumu gha ka ngena mu ghufumu ghoku diwiru, shimenga ghaho haku tenda mahimeno gha tate ghokudiwiru. ²² Wingi gho hanu mo dyo diyuwa nganyi haku ninge eshi, ''Fumu, Fumu, mbadi ngatu porofetanga mu dina dyoye, mu dina dyoye ngatu tjidhanga mepepo dhodhiyi, no mu dina dyoye twa tendire ghitetukitha yo yingi? ²³ Nganyi mbo niwa ninge shi, '' mbadi namudimuka! Mu shwaye pepi nange ghamwe mwa ka kutjora muragho.'' ²⁴ Keheyuno ghokuyuva mangando ghange karo koku gha kutekera nganyi ghaku kare shika katuuru gho munyanyami ghoyu gha katendire ndhugho padiwe. ²⁵ Ghopa gha rokire mvura, ruhanjo gho rwa karire no mopepo wa pungire wa dhi pumurire, ene mbadi dha wire, yoyishi padiwe hadhi tangire. ²⁶ Keho, keheno gho yu ghana yuvanga maywi no mbadi waku gha kutekera ngangi ghaka kare shika katuuru gho muyero ghoyu ghaka tendire ndhugho mu dishata. ²⁷ Ghopa gha rokire mvura, ruhanjo ghorwa keire ene mupepo wa pungire gho wa pumurire ndhugho gho dha wire gho gha yipire thikuma. ²⁸ Ghopa gha manine keho Jesusi ku ghamba gha maywi, mbunga dha yovorire mo yihonga yendi, ²⁹ ghawa hongire yira ghoyu ghadi no ngcamu, no kadi thika haka marukwaro.