¹ Ghapa Jesusi gha monine mbunga dhawanu, ko ku dhina kwendi kudirundu. Pakuhungumana, haka thishongero wendi, heyire ku kwendi. ² Ghopa tangire ku ha honga kuninga eshi, ³ '' Mwakaruviya mwe mwa hepwe mu mupepo, yoyishi wenu ghofumu ghomudiwiru. ⁴ Mwakaruviya mwe mwa kakutokota, yoyishi mbomwa hengaghoriwa. ⁵ Mwakaruviya mwe mwapongoki, yoyishi mbomuna wana ditunga edi hamupakera. ⁶ Mwakarupara ghamwe mwa fera ndhara nodinota ghohunga, yoyishi mbomu nekuta. ⁷ Mwakaruviya mwe mwa ka thinyeke, yoyishi mbomuna wana thinyeke. ⁸ Mwakaruviya mwe mwa kweshuka mumutjima yoyishi mbomuna mono Nyambi. ⁹ Mwakaruviya mwe mwa kakureta thiraro yoyishi, ngambo ha mwithe hana Nyambi. ¹⁰ Hakaruviya ghoha ha nyandeka pamurandu gho ghuhunga, yoyishi wenu ghofumu ghomudiwiru. ¹¹ Mwakavuriya mwe ngeshi hana kumushamuna no kumunyandeka no kumorundera yoyimango mudina dyange. ¹² Mushamberere nokaro mushogherere, yoyishi ghushwi wenu ghoghukuru ne mudiwiru. Mundhira djo fotji hanyandekire haporofeta ghokutanga. ¹³ Amwe ne mwa mungwa gho kaye. Ene ngeshi mungwa ghuna hamupa, ngepi ghokutenda eshi ghukare ghutowi karo? Ghomango vene keho ene shimengwa kughumwagha no haghudjata- djate hanu. ¹⁴ Yamwe mwamunyenge gho kaye. Mbara edhi hatenderea padirundu mbadi wa ku twetha kudhondeka. ¹⁵ Karo munu kadi wa kumuneka monyenge koku ghondeka endi kuthika no thinu, ene ghohunga ne peghuru ndani nokumonekera wahe awa hadi mundhugho. ¹⁶ Muneke monyeke ghoye kwa wanu eshi ha kone kumona yirughana yoye yoyiwa na ha fumaneke Wiho ghomudiwiru. ¹⁷ '' Mwa ghayara eshi kona keya ko yipitha muragho endi haporofeta. ¹⁸ Mbadi nakeya mukuyipetha, ene kukurikanyitha yoyiheya. Nakumu tongwera ghushemwa eshi diwiru nokaye mboyinapu, ene nokamyandhu-myandhu temba mbadi mbokapita mumuragho ghoku mbadi ghana rikanyitha yinu yoyihe. ¹⁹ Kemo kegho ghoyu gho kutjora muragho endi kokambiru- mbiru no kuhunga hanu kemo, mboghana mbirupithiwa mughu fumu gho mudiwiru. Ene keheyu ghana kukumithamo nokuhonga hanu kemo, mbohana mukurupitha mughufumu gho mudiwiru. ²⁰ Ghona kumu tongwera eshi, shemengwa ghohunga wenu ghopitakane ghohunga wawa kamarukwaro nowa Farasayi, ngo mbadi mwa ku ngena mo ghu fumu gho mudiwiru. ²¹ '' Mwa yuva eyi ha ghambire pakarekare eshi, 'wa pagha, no keheyu gho kupagha mboghana mutwara kundhango.'' ²² Ene na kumutongwera eshi, keheyu ghokupatera minendi nganyi ghakutaterere ndhango; nokaro keheyu munu ghoku ninga minendi eshi, '''mbadiko modjo wee! '' ngani mbogha kare mu maghukukutu wawa thekithi; nokeheyu ghana kuninga eshi; Gho muyero wee! ngani mbo gha kare mu maghukukutu gho dirara dyo mudiro. ²³ Karo ngeshi ghona kutapa ndupu dhoye ku dighombero no ghu vuruka ghudi no thino pakatji kenu naminoye, ngoghuthiye ndupu dhoye paghutho dho dighombero, ²⁴ noghu piruke ghu huke. Tange ku tenda mathigherero naminoye po diyo showiye no tape ndupu dhoye. ²⁵ Kuyuve na muyendhoye wanguwangu ghopa shime pofotji muna kutaterera ndhira tho ku ndhango, yoyishi kukona gha kutware kwa mupanguri, nakupanguri kukona gha ku tware ku maporitha nawo gho gha ku pake mudorongo. ²⁶ Shemwa nakumu tongwera eshi, mboghokufere koku shwaghamo shimengwa ghuna mana kuruwera masherenyi ghomahe. ²⁷ Mwa yuva edi gha ninga eshi.'mbadi wakona kotjora mayekero.' ²⁸ Ene ne na kumu tongwera eshi: keheyu ghoku kengurura mukamadi no kumu rumbera, ghana tjoro mayekero nendi mumutjima wendi. ²⁹ Ngeshi diho djoye djo kurudjo dina kuku haruritha, di shwaghithemo no ghudi mwaye. Yoyishi hasha pa poye ngeshi thipo tho paghirama yoye ngeshi thinayongara , mbadi thika yira kumwayera yirama yoyihe mudirara endi mudighumbo dya wafu. ³⁰ Ngeshi djoko dyoye djo kurutjo dina kukuharuritha, diteteko noghudi mwaye, yoyishi hasha pa poye ngeshi thipo tho payirama yoye ngeshi thinayongara mbadi thikayira endi mudimbo dya wafu. ³¹ Ha ninga karo eshi, Keheyu ghana kuyakunuka kwa munu wendi, ghamu pe ndami mbapira dho makuyakunukero. ³² Ene na kumu tongwera eshi, keheyu ghokukuyakunuka namunu wendi, pamurandu ghoruhonda, ghana mupaka ruyeko. Noyu ghokumuyeka munyima dho kukuyakunika noyu gha karare nendi, naye ghana tjoro mayekero. ³³ ''Karo, mwa yuvire eyi ha ghambire kogho karekare eshi, mbadi wa kona kwidha mbango, ene tware makwedhero ghoye kwa Fumu Kristusi. ³⁴ Nena kumutongwera eshi; Perepoye eshi wedhe, no diwiru temba, yoyishi thipuna tha Nyambi; ³⁵ ngambi nokaye, yoyishi madjatero ghendi; noku Jerusalema temba, yoyishi mbara dha fumu ghomukuru. ³⁶ Wedha nomutwi ghoye temba, yoyishi mbadi wakukona kutenda kahuki ko fotji ka kare kakenu endi keru. ³⁷ Ene mutawe vene eshi kemo endi mbadi kemo. Kehethi thoku pitakana yino yi kwa mukaghuyi yina kutunda. ³⁸ Mwa yuva edi gha ninga eshi; Diho kudiho no diyegho kudiyegho.'' ³⁹ Ene me nakumu tongwera eshi; mwa shwena ha kakuyipitha. Ngeshi ghomwe gha kungcambura kuditama djo kurudjo, mu pirwere karo ditama dimweya. ⁴⁰ Ngeshi ghumweya ghana shana gha kutware kundhango nokuku shimbera thivata tho kwishi, mupe karotho peghuru. ⁴¹ Keheyu ghana kukuthineneka eshi ghuyende ruyendo rorure, yende nendi karo. ⁴² Mupe kehe hakumuromba, nokaro mwa yumena ghoka ha kurumbera kumuyadhima. ⁴³ ''Mwa yuva edi ha ninga eshi, ' Hake muyendhoye no karo munyenge ngore ghoye.' ⁴⁴ Ene me nakumotongwera eshi; hake ngore ghoye nomu kandatheke ghoha ha kumupetha, ⁴⁵ eshi mukare ghana Wihenu ghomu diwiri. Yoyishi ghaye, kuvitha diyuwa kuhayipitha nokuharoghithi, nokano kutuma mvura kwa wa hunga no kwa wayipithi. ⁴⁶ Ngeshi mu hake ghopa ha muhaka, nga mu wane makandadhekero ndi? Mbadi nohaketethi djo ha tendandi? ⁴⁷ Ngeshi gho rumerithe ha minoye vene, yinye sho tende yoyikuru kwa wamweya? Mbadi no Hakaditunga djo hatendi ? ⁴⁸ Kehone muhungape thika Wihenu ghodiwiru gho muhunga.