¹ Mayuwa gho Johanise ghomuka diyoero gheyire gha yaghure mu mamboreya gha Judeya gha ninga eshi, ² ''mupiruke ghufumu gho diwiru ne pepi''. ³ Ghoyune yo diye moporofita Iseya gha ningire eshi, ''diywi dina kukugha mu mamboreya , roghithe ndhira dho fumu no mayera ghendi'' ⁴ Johanise ghoyu ghishupata yendi ne wuhuki gho ngameno no muya gho tikukumba mu mbunda dhendi. Ghidya yendi ne dimba no wiki. ⁵ Haka Jerusalema, Judeya ghomuheya , no mbara dhodhiheya dho rware rwa Jorotani hiyire kukwendi. ⁶ Gha wa yoyire mu rware rwa Jorotani, no kukutongonona maharwero ghawo ⁷ No pagha monine Hafarasai no Hasadusisi hana kwiya kukwendi kuna wa yogha gha ningire eshi, ''ghamwe mwa rudhi ro ghiyoka, ghidye ghana mu tongwera no ghupata gho ghu wa kwiya? ⁸ Mwime mbuyo dho makwerero. ⁹ Mwa ghayara no ku ku ninga eshi, ''tudi na Abrahama gho wihetu. ''Nina kumu ninga keho eshi Nyambi ne ku twedha ku pindutha hana Abrahama ngambinga mo gha mawe. ¹⁰ Kamo kanapu ku turiwa mu midhi dho ghitondo. Kehethi thitondo tho kupira kwima mbuyo ku tetetiwa no ku vukumeniwa mu mudiro. ¹¹ Ko nina ku mu yogha no meyu mu makwerero. Ghaye yu gha kwiya munyima dhange ne mukuru mumwange, no mbadi na roghera ku shutura tukanda to makuha ghendi. Ghaye nganyi gha kumu yoghe no mupepo ghoku pongoka no mudiro. ¹² Karo kende monyara dhendi kana ku yera mungu mu mahangu no ku tura mumapungwero. Nganyi gha ku shimbe mungu ku ghu tura mu mudiro ghu wa ku pira ku dhimithiwa. ¹³ Ndani Jesusi gha shwaghire mu Galaleya ku rware rwa Jorutane mu kumu yogha Johanise. ¹⁴ Johanise gha shanine ku mu ninga eshi, '' yowe wa roghera ku ni yogha ngepi pa sha keya kukwange?'' ¹⁵ Jesusi ghamu huthire eshi, ''ghitendahare dharero vene, ghuwa mumwetu tukumithemo ghuhunga''. Johanesi gha rawurire. ¹⁶ Munyima dho diyoghero, Jesusi popa ku shwagha kwendi mu meyu,mone, diwiru dya mu yandhurukere. Ha mono kwendi mupepo wa Nyambi ghira dikutji dya turere pa pependi. ¹⁷ Mone, diywi mu diwiru dha ghambire eshi,''ghoyu ne mwanange ghuyu na haka, ghuyu na hafera mumwendi''.