¹ Munyima apa Jesusi hamushamurukire mu Bethelehema Ghomu Judea mumayuwa gha Fumu Herode, hatutughuru no hanyanyami ghashwayerire kudiva gho hakumine mo Jerusalema, gho gha hambire, ² ''Kupi ghadi Fumu wa wa Juda ghoyu ghana shamoruka?Tunamono katungwedhi kendi kudiva, tuneya no tumotongamene.'' ³ Apa Fumu Herode ghayuvire mangando gha, yamotokotithire thikuma, no haheya haka Jerusalema. ⁴ Herode ghethire ha Priestere no haka matjangwa waheya ha waguva ghahepure, ''kupi ghana kushamurukera Kristusi? '' ⁵ Hamuhuthire eshi, Mu Betelehema gho Judea, ghoyi yodigho gha tjangire mu porofita, ⁶ Ghowe Betelehema mu mukonda wa Juda , mbadi gho mumbiru, mohapitereri ghomu Judea, mupiteredhi nganyi ghakushwaye mumoye, ghoyo mbogha kunga haguva ha Israeli. ⁷ Ndani Herode moghudhindo hethire hatutughuru ho hanyanyami ghepure ruvedhe ghoru katungwedhi kanahokoka. Gha watumenine ku Betelehema eshi,'' muyende mu kashane ghoyo mwanuke. ⁸ Apa shomukamuwane mwiye muneghuthere dipwero, podigho eshi name neyende nikamutongamene. ⁹ Munyima apa Fumu ghamanine kughamba, hanyendire ene katumedhi gho ka hamonine kudiva, kayendire kughutho dhagho kate kakuma, ghokemanine ghopa ghakarire mwanuke. ¹⁰ Apa hamonine katumedhi, gha kutumere shemwa thikuma. ^{11 12} Hayendire kundhugho, hakamonine mwanuke ghadi nanyina Mareya. Hawerere padive, gha mutongamene. Hayandhurure mapungwero awo, ndani ghowapire, yetapera yino, mangondo, mudhe, nomira. Nyambi awa dimukirithe muyirota eshi mbadi haroyira kuhikera kwa Herode, kokuyemburuka kwawo gha yende kuditunga dyagho no ndhira dhadhonadho. ¹³ Munyima apa gha hokire, mu egeli wa Nyambi gha hokokire muyirota kwa Josefa, ko ku mu ninga kwendi eshi, '' pinduke, shimbe mwanuke na Nyina, mutjirere ku Egepeta, mukakareko kate nakumotongwere, yoyishi Herode kuna kushana kupaya mwanuke. ¹⁴ Mughuthiku gho Josefa gha pindukire, kokushimba kwendi mwanuke, na nyina gho hayendire ku Egepita. ¹⁵ Hakarire ko kate yifa ya Herode. Ghoyi yakarekire thika ghedi ghambire Nyambi na Muporofita, '' Kushwaya ku Egepeta netha mwanange. ¹⁶ Ghapa Herode, ghamonine eshi hatutughuru ho hanyanyami, mbadi hakahuthire ngando kukwendi, ghapatire thikuma. Ghatumine haguva hakapaye hanuke, haheya mu Betelehema, no haheya mu mukonda gho gho mamwaka ma wadi no mwaka wo kwishi, kukutha ruvedhe ghoru ghayuvire kwa hatutughuru ho ha nyanyami. ¹⁷ Ghoyi yakumine thika eshi ghayighambire na muporofita Jeremiya, ¹⁸ '' Diywi hadiyuvire ku Rama, madiro no yitokota yoyi kuru, Rachela ghana kudirera hanendi, ghana shwena kumuporeritha yoyishi hanapu.'' ¹⁹ Ghapa Herode ghapwire, mu engeli wa Nyambi ghahokokire kwa Josefa muyirota ku Egepeta, kokuninga eshi, ²⁰ ''Pinduke gho shimbe mwanuke na nyina, mu yende ku Esraeli, yoyishi ghawa hashana ghuparo wa mwanuke ha nafu.'' ²¹ Josefa ghapindukire, ko kushimba kwendi mwanuke na nyina, ko kuyenda ku Esraeli. ²² Ghapa ghayuvire eshi Archelausi yo murauri gho ku Juda mudyango dya wihe Herode, ghayapire kuyenda ko. Munyima Nyambi gha mudimukire muyerota ndani ghayendire ku mukunda wa Galaleya ²³ ghayendire ghakarire ku mbara wa Nasaretha. Oyi ya karire thika edi ghayighambire muporofita, nganyi hakumwithe mu Nasarene.