¹ Hafarasayi no Wasudusiya heyire no ha mu yerekire pa ku mwipura eshi tuneghedhe thidimukitho tho ku shwagha kudiwiru. ² Ghawa huthire eshi ,´´ngeshi gho ku runguro mwa ninganga eshi diyuwa dyo diwa, yoyishi diwiru dikihu. ³ Ngeshi ghoku mathikuthiku mwa ninganga eshi,´´ diyuwa dyo diyi , yoyishi diwiru dikihu no kapwera.´´ Mwa dimuka vene kutjwathana kumonara ko diwiru, mara kadi wa ku twetha ku kutjwathana ghidimukitho yo maruvedhe. ⁴ No hakerekandongo ho dhimutjima dho dhiyi no kuhondapa ha shana thidimukitho gho thi tha ku tapiwa kukwawo shimengwa thidimukitho tha Jona. ´´kushwagha po Jesusi gha wa thighire gho gha yendire. ⁵ Hakathishongero ghopa ha kumine ku mutara ghumwe, napo ha vuramine ku shimba ghuroto. ´´ ⁶ Jesusi ku ku wa ninga eshi mu tambure mavurukitho no mu nomene ku hingo dho Hafarasayi no Wasudusiya.´´ ⁷ Hakathishongero ha ghambire mu mwawo, no ku niga eshi, ´´yoyishi mbadi tuna shimbi ghuroto´´. ⁸ Jesusi gha karire no ku dimuka koyi, no gha ningire eshi, ´´ghamwe mwa ka matawero gho mambiru, ngepi sha kuku ghamba mu ku ninga eshi mbadi muna shimbi ghuroto. ⁹ Mbadi mwa nomena no ku vuruka eshi maghuroyo ma kwoko gho gha mayovi kwoko, no eshi yikote ghingatji mwa kongwedhire ndi? ¹⁰ No maghuroto kwoko no ghuwadi ghogha hasha mayovi mane, no eshi yikote ghingatji mwa ka shimbire ko? ¹¹ Ngepi sha ku pira ku yuvithitha eshi mbadi nenu nina ghamba no ghuroto? ''Mu tambure mavurukitho no ku nomena ku hingo dho Hafarasayi no Wasudusiya''. ¹² Ghopa gho ha yuvithire eshi mbadi ghana wa tongwera eshi ha nomene ku hingo mu ghuroto, napo ne ha nomene ku ghihonga yawa Hafarasayi na Wasudusiya. ¹³ Ghopa keho heyire mu mukunda gho ku kuhata no Kayisareya Philipo,gho ghepure hakathishongero thendi, eshi ,'' eshi yidye hanu ha nethanga eshi mwana munu? ¹⁴ Gho ha mu huthire eshi, '' hamweya nawo gho Johanesi ghomukadiyoghero ; hamweya nawo gho Elija; no hamweya eshi Jeremiya, ghendi gho ghumwe wa haporofita. ¹⁵ Ko ku wa ninga eshi, ''ghamwe eshi ngo yame dye? ¹⁶ Simone Peturusi ku ku mu hutha eshi, 'yowe Krisitusi mwana Nyambi gho ku para''. ¹⁷ Jesusi ko ku muhutha kwendi eshi, "thiyaghudhi dhi kare noghe, Simone mwana Jona,yoyishi tate ghokudiwiru yo ghana ghiku hokwera mbadi yo pa nyama no manyinaga. ¹⁸ Name nina ku ghamba eshi yowe Peturusi , no po di diwe po mbo ni ghumba ngirishe dhange. No haka ngcamu dho makokore mbadi mbo hana twedha ku dhi dyadyangetha. ¹⁹ Nganyi na ku mupe matjapi gho ghufumu gho ku diwiru. Ghoyi mbo mu ghanga pa kaye no kudiwiru ghina ghangiwa,no keheyi mwa kushutura pa kaye no kudiwiru ghina shutuka. ²⁰ Ghopo Jesusi ko ku raghurako haka thishongero thendi eshi mbadi ha tongwere no ghofotji temba eshi ghaye ne Krisitusi. ²¹ Ku tanga mo ro ruvedhe Jesusi gho gha tangire ku tongwera hakathishongero eshi gha rukera ku ghenda ku Jerusalema, ghaka nyande mu ghinu yo ghingi mu nyara dha wa kuru na haperesita shokuru nawa tjangi ho mambapira, gho ghaka payiwe, no nganyi ghaka pinduke karo mu diyuwa dyo ghuhatu. ²² Peturusi ko kumushimbera pa mbadi ko ku mu shinga, eshi, ''ghoyi ghi kare kaghenda noghe ,fumu, mbadi ya ku ku karekere kemo''. ²³ Jesusi gho gha pirukire ku ku ninga Peturusi eshi, 'shwaghe munyima dhange shatani! Ghowe gho thipunduko tho ku ni yandhera yoyishi mbadi wa yethekeranga no ghinu ya Nyambi,shime ya wanu. ²⁴ Ndani Jesusi gha ningire hakathishongero, eshi, ''ngeshi ko ghadi gho yu ghana ku shana ku ni thighara munyima , gha rukera kukukanana thinda, gho gha shimbe thikurushe thendi , no gha ni thighare munyima. ²⁵ Kehe noyu ghana ku shana ku kunga ghuparo wendi nganyi wa ku mu yongarere, no keheno wa ku yongarera ghuparo wendi pamurandu wange nganyi gha ku ghu wane. ²⁶ Ghipi yo ku hukera thiwana munu ngeshi ghana tendi thiwana mu kaye ko kaheya ndani ko ku ghuritha ghuparo wendi? Thipi tho ku tapa munu pa mahuthero gho ghuparo wendi? ²⁷ Yoyishi mwana munu nganyi gha kwiye ghadi mu thishe tha wihe no haengele. Ndani ghaku tapere kehemunu kukengerera mu thirughana thendi. ²⁸ Ghushemwa ni na ku mu tongwera , po hadi mumwenu ghowa mbo ha pira kuyereka ghifa kate ghopa mbo ha mona mwana munu ghana kwiya mu ghufumu wendi.''