¹ Mudiyuwa dyo Jesusi gha shwaghire mundhugho no ghakahungumanine ku dikuruviya. ² Mbunga dhodhikuru dhamuponganenine no gha dhinine muwato no ghahungumanine mo ghoku mbunga dhina hungumana kumbombwa. ³ Ndani Jesusi gha ghambire yino yo yingi mumaghanekero .Gha ningi eshi, ''kenge, ntjimi gha yendire ku kukuna mbuto. ⁴ Ghokushime gha kuni, mbuto dhimweya dha wererire kumbadi dho ndhira, no yinyunyi yeyire no ya yi komongorire ⁵ mbuto dhimweya gha wererire mu muve gho mawe, ghoku dha dhirire kuwana muve gho wingi. Kapupi kamanana gho dhamenine wangu yoyishi muve mbadi wa dhungire. ⁶ Ene ghapa dyashwayire diyuwa, dha kashire yoyishi muve mbadi dha karire no midhi, no dha kukuterire. ⁷ Mbuto dhimweya dha wererire mu makona. Yitondo yo makona ya kurire no ya yithikire. ⁸ Mbuto dhimweya dha wererire mu muve gho ghuwa no dha shwayithire, dhimwe wingi gho diyovi, dhimwe makumi kwoko- fotji, no dhimwe makumi mahatu. ⁹ Ghoyu ghadi no matwi, gha teghereghere.'' ¹⁰ Ha kathishongero wendi heyire no ha ningire kwa Jesusi, yinye ghona kughambera maghanekero kwa wanu? ¹¹ Jesusi hahutha ku kwawo, ' hamupire ruvedhe rokutjwathana maghudhindo gho ghufumu gho diwiru, ene ku kwawo mbadi ha yiwapa. ¹² Yoyishi keheyu ghana himi mbo hanamupa yo yingi, no nganyi ghakukare no yoyingi. Ene keheyo ghana pire, keheyi ghakara nayo mbohana yi shimbi mumwendi. ¹³ Eyine yonina kughambera mumathaghano ku kwawo: ngambi kenge eshi ko hana kumona, mbadi hana kumona: no ngambi eshi ko hana kuyuva, mbadi hana kuyuva endi kutjwatana. ¹⁴ Ku kwawo yinapu kukumithamo yipumba ya muporofeta Yisaya, eyi ya kuninga eshi, '' Mu kuyuva mbomuna yuvu, ene mbadi mbo mutjwathana; muku mona mbo muna mono, ene mbadi mbo mu mona. ¹⁵ Mutjima dho hanu wa dhina kara dhimango, no ghukukutu gho kuyuva, no hayandhera meho ghawo, eshi ha mona no meho ghawo, endi kuyuva no matwi ghawo, endi kuyuva no matwi ghawo, endi kutjwathana no mitjima dhawo, wangu ha kupiruke karo no nganyi werukithe.' ¹⁶ Ene gha hungama meho ghenu, yoyishi kumona ghana kumona; no matwi ghenu yoyishi kuna kuyuva. ¹⁷ Ghushemwa na kughamba kukwenu eshi, haporofita ho hengi no hanu hahungami ha rumberire kumona yinu eyi muna kumona ene mbadi hayimonine. Harumberire ku yuva yinu yi muna kuyuva no mbadi hayi yuvire. ¹⁸ Muteghereghere keho ku dithaghano dya tjimi gho yu gha kunine mbuto dhendi. ¹⁹ Keheyu gho kuyuva mangando gho ghufumu ghene mbadi wa kughatjwathana, muyi ghana kwiya no kuna ngomongora eyi hana kunu mu mitjima. Edhine dho mbuto edhi kakunine kumbadi dho ndhira. ²⁰ Edhi ha kunine mumuve gho yikarawe yo muno gho kuyuva mangando no popovene ko kudhitambora gho shamberera, ²¹ ene mbadi gha kara no modhi mumwendi ghana kushamberera mu ruvedheghana . Pakwiya yinyandeka pa murandu gho ngando ghana kuwa wangu- wangu. ²² Ghodhi hakunine mu yitondo yo muhunga, ghoyu ne yo munu gho kuyuva mangando, ene yiyedhekera yo kaye no maghuringiringi gho ghushwi kuyipitha ngando, no gha pire kwima. ²³ Mbuto dhi ha kunine mu muve ghoghuveya, ghoyuve yo munu gho kuyuva ngando noku dhitjathana. Kwima mbuyo no kuhukora yidya, kwingipa dithere parumwe no makumi mahatu ku twara pa thiviha tho mu hayitapekire. ²⁴ Jesusi gha tongononine dithaghano dimwe; Ha ningi eshi, ''Ghufumu gho diwiru ne wakupitura yira katughuru gho yu gha kunine mbuto dho dhiwa mudipya. ²⁵ Ghoku hanu hana rara, mukangore dhendi heyire no hana kunine ghurugha mumbuto dhendi no gha tundirepo ghakayende. ²⁶ Apa dha kurire mbuto no kutanga kushema magavo, ghu rugha nagho wa yangumukire. ²⁷ Hapika hamuka dipya heyire no hamuningire eshi, ''Tate wa kunine mbuto gho dhiwa mudipya dyoye? Ngepi keho yudi ghurugha? ²⁸ ''Ha ningi ku kwawo eshi, ' Mukangore ghana tendi yi.' Haningi hapika kukwendi, ghuna shana eshi tuyende tu ka yidhuremo?' ²⁹ Thinda tha dipya gha ningire eshi, ' mbadi kemo. Yoyishi apa shomuka dhure ghurugha, ku kona muka dhureghere ko no mbuto. ³⁰ Yithiye yi kure pofotji kate ruvedhe ro mukesho. Pa ruvedhe ro mukesho nganyi na kuninge haka kukesha , '' Tange ku dhura ghurugha no ghughangerere mu yitungu mu ku yitumeka, ene kongwedhe mu ku ngwedhe mbuto gho mudhitware kuthindandara. ³¹ Ndani Jesusi ghaghambire karo maghanekero ku kwawo . Ha ningi eshi, ''Ghufumu gho diwiri wa kupitura yira dinona dyo mbuto ghedi katughuru gha shimbire no gha kunine mudipya. ³² Ghushwemwa dinona dine dyo dyo dimbiru mu manona. Ene apasho dikure, dyo dyo dikuru kupitakana yitondo yo mudipya. Dina kukara thitondo, podiwo yinyunyi yo diwiru kwiya yo kuna tura yitunguridhi ku mute dhyatho.'' ³³ Jesusi ghahatongwerire maghanekero gha mweya, ''''Ghufumu gho diwiru ne wa kupitura yira mbuyama ghokukosha mushungwa gha haheke kate ghuhahe.'' ³⁴ Yinu yoyihe yi Jesusi ghaghambire ku mbunga mo maghanekero; no mbadi ko ethi gha ghambire tho mbadi no maghanekero. ³⁵ Gheyine mu ku kukumithano eyi ya ghambiwire na muprofita apa gha ghambire eshi, 'Nganyi na kuyandhurure kanwa kange mu maghanekero. Nganyi na kughambe yo ghudhindo ku shwagherera ku mu vareko gho kaye.'' ³⁶ Apa Jesusi gha thiyire mbunga nogha yendire mundhugho. Hakathishongero wendi heyire kukwendi no ha ningire eshi, '' Tutjwathanithe maghanekero gho ghurugha gho mudipya. ³⁷ Jesusi gha huthire eshi.'' ghoyu gho kukuna mbuto dho dhiwane mwana munu.'' ³⁸ Dipya ne kaye; no mbuto dho dhiwane, hohana gho ghufumu, Ghurughane ho hana ho ghomuyi, ³⁹ no mukangore yu gha yikunine ne yo shadipinyi. Mukesho ne ghogho hura gho kaye, no hakeshi ne ha engeli. ⁴⁰ Podiwo, thika edi ghurugha gho ghu hana kongwetha mu ku ghu tumeka, kemo dyo mboyikara paghuhura gho kaye. ⁴¹ Mwana munu mboghana tumu haengeli wendi, no mbo haka kongwedha yinu yo ghufumu wendi gho ghuhe yo kutenda maharwero nohokutjora maveta. ⁴² Mbohama wavukumena mu dirara dyo modiro, mo mboha kadira no makwetjura mayegho. ⁴³ Podiwo hanongo mbohana rwedhima yira diyuwa mu ghufumu wa wihawo. Ghoyu ghadi no matwi gha yuve eyi. ⁴⁴ '' Ghufumu gho diwiru wa kupitura yira mapungwero gho ghuthindo mudipya. Katughuru kughawana naye kokugha horeka. Gha shwayire ghushamberera, gha ghurithire yi wana yendi, no kughura dyo dipya. ⁴⁵ Karo ghufumu gho diwiru ne wa pitura yira katughuru gho mughurithi gho yu hana kushana makwarara ghomawa. ⁴⁶ Pakuwana dikwarara dyopotji, ghana kuyenda no kughuritha kehethino gha wana noku dighura. ⁴⁷ ''Karo, ghufumu gho diwiru wa pitura yira dikwe edi ghana teyi parware, no nina ku kwata yithi yo kehe rudhi. ⁴⁸ Pakuyara, mukwati ghothi ghana kudi kukera ku mbombwa. Ndani ha hungumana no kutorwera dho dhiwa mu yitere, ene dho dhiyi ha dhiyi ha dhi vukuma. ⁴⁹ Dyo mbo kukara kenge paghuhura ghokaye. Ha engeli mboha neya no kuyakunotha hayi mwa wa hunga. ⁵⁰ Mbo hana wafukumena mu dirara dyo mudiro, ghoku mboha dira no makwetjunga mayegho. ⁵¹ '' Mwa tjwathana yinu yo yihe yi?'' Hakathisongero ha hutha kukwendi eshi, ''ghushemwa.'' ⁵² Ndani Jesusi ha ningi ku kwawo, '' podiwo haka marukwano gho wa hakarire hakathishongero ku ghufumu gho diwiru wapitura yira katughuru gho thinda tha ndhugho, ghoyu ghana kushwayitha yinu yoyi kokukuru no yo yipya mu mapungwero ghendi.'' ⁵³ Apa gha manine Jesusi maghanekero, gha shwayira pa mukunda gho.'' ⁵⁴ Jesusi gha ka kumine kwendi ku dighumbo digha kurerire no gha hongire hanu mughisenagoge. Munyima hanu ha tetukire no ha ningire eshi, ''kupi ghana ku wana yu katughuru maghano no yitetukitha, no mangcamu? ⁵⁵ Mbadi mwana katughuru gho muyuwi yu? Mbadi mwana Mareya? Mbadi mukurwa Jakubusi, Josefu, Simighoni, na Judasi? ⁵⁶ ghowa ne mbadi handumbu dhendi waheya? Kupi ku gha wana yinu yoyihe yi? ⁵⁷ Ghawo ne ghawa wa patithire. Ghaye Jesusi gha wa ninga eshi, ''muporofita mbadi gha wana dikuto mwa wa ka ditunga dyendi no haka dirapa dyendi''. ⁵⁸ Mbadi keho gha tendire ghitetukitha mu ku pira matawero kwawo