¹ Moro ruvedhe mu diyuwa dyo Maapeo Jesusi gha yendire ku dipya dyo mbuto. Hakathishongero thendi hafire ndhara no hatjorire mbuto hadye. ² Apa ha wamonine ha Farasayi, ha ningire Jesusi eshi, ''mone hakathishongero ghoye hana kutenda, mbadi harogheta kuyi tenda mu diyuwa dyo Maapeo.'' ³ Ene Jesusi gha wa huthire eshi, ''mbadi mwa tara ghoyi gha tendire Dafita ghopa gha fire ndhara, no ha tutughu wa haha karire ne ndi? ⁴ Ghayendire ku ndhugho dha Nyambi kokudya kwendi ghuroto gho muyambo, ghoyu mbadi paroyera eshi gha ghudye ghaye no waha karire nendi, shimengwa ha Priestere. ⁵ Mbadi mwa tara mu muragho Hapriestere mu ngirishe hana tjoranga muragho mara mbadi kadi murandu? ⁶ Ene kuna ku mu tongwera eshi gho mukuru ku piterera poghadi pano. ⁷ Ngo madimukire eshi yinye yaninga,'' nashana thingeke mbadi muyambo, ngo mbadi muna kumona ghowa hapira murandu. ⁸ Mwana munu yo Fumu gho Maapeo.'' ⁹ Ndani Jesusi ghawa thighire, ko kuyendaku Mu Sinagoge wagho. ¹⁰ Momu kwa karire katughuru gho dyoko dyo ku kukutera Ha Farasayi hepurure Jesusi eshi, ''Hayi shutwera kwirukitha mu Maapeo ndi?'' Ko hashanine ko mukwaterapo hamoningi eshi muharuri. ¹¹ Jesusi ghawa huthire, '' yidye muguva mu mwenu ghoyu ghakara no ndjwi yofotji, '' ngeshi yo Ndjwi ghanawera mu dikwina mu Maapeo, ngo mbadi sha mukwate ghamu shwaghithemo? ¹² Ngepi keho katughuru gho mudyo kupiterera ndjwi, podigho ha yishutera kutenda ghuwa mu Maapeo.'' ¹³ Jesusi gha ningiri katughuru eshi, '' ghonyone dyoko dyoye''. Ghaghonyonine ndani dya karire thiwana yira dimweya. ¹⁴ Ma Hafarasayi ha shwaghire ku nunda hakashane maghano ghu ku mupaghitha. ¹⁵ Apa Jesusi ghaghi dimukire gha shwaghire mu katji kawo. Wingi wa guva hamu thiyarire munyima, gha werukithire waheya. ¹⁶ Ghawa tongwere eshi mwani dimukitha kwa hanu, ¹⁷ podigho ghi kumeno kengeya gha ghambire na muporofita Isaya, eshi, ¹⁸ ''Mone, mupikange ghoyu natorora, mwanange yo fotji, ghoyu moyo wange wa kuhafera. Mupepo wange na kaghutu ¹⁹ Mbadi mbo gha tenda mvo no muyoyo temba, mbadi keyehu gho kuyuva diywi dyendi pambadha. ²⁰ Mbadi mbo ghatjora kambu ko kupeta, noo karetha munyenge mbadi mbo ghaka dhimitha, kate mbo gha rikanyithe ghu hunga wa Nyambi, ²¹ mudina dyendi waheya ha kukurupera.'' ²² Ndani ghumweya ghoyu gha karire mukonga nokupira kughamba, ghoyu ghakarire nodhi mupepo dha Shatane, ha muretire kwa Jesusi, no ghamwirukirithe, kate ghaye ghokupira kate gha ghambire no gha monine. ²³ Dikonga dyo yi heya dya tetukire kokuninga eshi, ghoyu katughuru gha rukera ku kara mwana Dafite ndi?'' ²⁴ Mara Hafarasayi apa hayiyuvire gha tetukire ha ghambire eshi.'' ghoyu katughuru mbadi ghana kutjitha thimupepo dho Shatani shimwengwa mungcamu dha Belazebule, fumu gho dhi mupepo dha Shatani.'' ²⁵ Mara Jeusi gha dimukire yighayara yawo, ''ko kuwanika eshi kehe ghuno ghufumu wa kuyakunuka mbo wa ku dhongonoka, ndani kehe dhino mbara endi ndhugho dha kuyakunuka mbadi dha kwimana. ²⁶ Ngeshi Shatani ghana ku tjidha muyendhendi kukara makuyakunukero ghendi thinda. Ngepi keho ghufumu wendi wa kwimana? ²⁷ Ngeshi nakudjidha dhimupepo dha Shatani nongcamu dha Belezebule, nonye keho gha ku tjidha hanenu? Podigho eshi nganyi hakukare hapanguri wenu. ²⁸ Mara ngeshi na kutjidha dhi mupepo dha Shatani no Mupepo wa Nyambi, ghufumu wa Nyambi ghoneya papenu. ²⁹ Ngepi ghokutwetha eshi wingene mundhugho dho katughuru ko ngcamu, no kwitha yinu yendi, gheshi mbadi ghuna tanga kuwanga murume gho ngcamu? ³⁰ Ghoyu mbadi nange ghadi, ghani nyenga, no ghokupira kukongana nange ku kukuvaghana. ³¹ Ko na kumotongwera eshi, kehe wuno murandu no kehe dino dishamu nganyi ha kudithegherere hanu, ene ghoyu ghana kushamuna mupepo gho kupongoka mbadi gha kuwana mathigherero. ³² Keho yuno ghaku ghamba ngando thothiyi kwa Mwana Munu, ghanyi ghakuhukwatere. Ene kehe yuno gha kuninga thothinyi kwa mupepo gho kupongoka mbadi gha kuwana mathigherero mu kaye kano endi ghoka kakwiya. ³³ Tende thitondo ghuwa no mbuyo ha dhikara dhiwa, endi tende thitondo thothiyi no mbuyo hadhikara dhiyi, thitondo ku thidimukera pa mbuyo dhatho. ³⁴ Ghamwe mwa karuthi royiyoka, yoyishi mwa yipa ngepi sho mughambe yinu yoyiwa? Moyi haghamba mudhi mutjima dheno muna kughamba no kamwa. ³⁵ Katughuru gho muwa kushwagha mu mapungwero gho mutjima wendi ghoghuwa, ene katughuru ko kayi mutjima ku pongora yoyiyi. ³⁶ Nakumutongwera mudiyuwa dyo mapangwero keyu munu nga mbo hakuwa pagwere kehe ghano mangando gho mayi hana ghambanga. ³⁷ Yoyishi mu mangando ghoye mbo ghowane ghohunga, mu mangando ghoye karo gha kutetera ndango.'' ³⁸ Hakamarukwaro hamwe nawa Hafarasaye haghuthire Jesusi eshi, ''muhongi tuna rumbera kumona thineya thokushwaya kukoye.'' ³⁹ Ene Jesusi ghawa ghuthire ha ningire eshi, ''diko dyodiyi no dyoku kupeghuha dya shana thineya. Ene mbadiko thineya ghethi ha kuwana shimengwa thineya tha Jona ghomuporofita. ⁴⁰ Thika kengeyu Jona ghakarire mayuwa mahatu no maghuthiku mahatu mudira dyo dithi dyo dikuru na mwana munu ngambi ghana kara mayuwa mahatu, no maghuthiku mahatu mu mutjima gho kaye. ⁴¹ Hanu ghowa hakara ku Ninive nganyi hakwimane mudiyuwa dyo mapangwero, nganyi mbo hamoro haka diko dino murandu. Yoyishi ghaghone hakwerire apa Jona ghawa yawerire, ene mumone, ghumweya gho mukuru mwa Jona poghadi pano. ⁴² Fumukadhi ghomu Ghucuma mbo gha nemana mundhango pofotji na wakadyarero no mbo ghana wa nongwenena. Ghaye gha tundire kughura gho kaye nagha tigherere kughunyanyami wa Solomone, ene mamone apa_no poghadi gho kupiterera Solomone. ⁴³ Pakushwaya mupepo gho ghumango mwa munu, ghuna kunayenda mokupira meyu, kushana maturumuthero ngeshi mbadi ghuna kughawana. ⁴⁴ Kokuninga kwagho eshi, ' na nyina kuhukere ku ndhugho dhi nakushwaya kukwadho.' pakahuka kokuwana ndhugho ghadhiroghitha ghatura yoyiheya thiwana. ⁴⁵ Kuhuka kwagho ghuka shimbe dhimupepo kwoko no wadi dho dhiyi thikuma kughupeterera, dho dhiheya ko kwingena mumwendi. Ghuparo ghoyo munu kotura ghuyi kupiterera pakutanga. Dyo mbo hakara noghano haka diko dino. ⁴⁶ Shime kengeyo Jesusi gha hambire no mbunga, mone, nyina n haminendi hemanine kununda, hakushana kughamba nendi. ⁴⁷ Ghumwe ghaningire eshi, '' mone nyoko, no haminoye hanemanakununda, ha kushana kughamba noye.'' ⁴⁸ Ene Jesusi gha huthire no ghaningire kukwendi ghoyu ghamu tongwere eshi, ''yidye nawe na minange?'' ⁴⁹ Kukughonyona dyoko kwendi kwa waka thishongero wendi, kunigha eshi, ''mone, wano ho hanawe na minange! ⁵⁰ Kengeyuno ghakutenda maghimeno gha tate gho kudiwiru, ghoyo munu yo minange na nawe.''