¹ Jesusi ne ghethire ha ka thishongero thendi no gha wa pire ngcamu mu ku raghura mepepo dho dhimango, no kwirukitha makorwa ghomaheya. ² Ndani gho gha ne gho mena gha wa hapositoli. Gho ku tanga ne Simone,( ghoyu gha tire dina eshi Petorosi) , na minendi Andreyasi; Jame mwana Zebede,na Johanesi gho minendi; ³ Philipo, na Bartholome;Thomasa na Mateghushi gho muketithi,Jame gho mwana Alphiosi, na Thadesa ⁴ ;Simone ghomu Zealote, na Judase Isekarioti, ghoyu ghamu ku hamure. ⁵ Jesusi gha tumine hasha dikumi no ghiwadi. Gha raghure ku kwawo no gha ghamba eshi ,'' mwa yenda ku maghumbo ghogha ha kara ha heitane, no karo mwa kengena mu madoropa ghawa Samariya. ⁶ Mu yende ku ndjwi dho Israela gho dhi dha yowa; ⁷ ghopa sho mu yende, mu ka honge no ku wa ninga eshi, 'ghufumu gho diwiru ne ghu neya popepi. ⁸ Mwirukithe hakorwi, mu pinduthe hafu, mwishukithe hakayingondwe, no mushwaghithe madimona. ⁹ Mwa shimba no ngondo, silivera ghendi ngopore mu mavemba ghenu. ¹⁰ Mwa shimba njato dho ngondo mu ruyendo rwenu, ghendi ghishupata ghimweya, ghendi makuha, ghendi muramu, yoyishi murughani gha roghera ku piwa yidya yendi. ¹¹ Kehe yu doropa ghendi dighumbo di sho mwingene , mu shane keho mutungi, kate mwa ku funguruke. ¹² Ghapa sho mwingene mu ndhugho, mu tape moro. ¹³ Ngeshi ndhugho dhiwa thiwana ,thiraro thi kare nenu. Ngeshi mbadi dhiwa thiwana, thiraro thi hukere ku kwenu. ¹⁴ Kate ko wa hana dhiri ku mu tambura ghendi kuterera ku ngando dhenu, pa ku fumbuka kwenu mu ndhugho ghendi mu doropa dho, mu ku kukumune rukungu ro mapadhi ghenu. ¹⁵ Ghushemwa nina ku mu tongwera ,nganyi pa ku kare thiraro ku ditunga dya Sodoma na Gomora mu diyuwa dyo ndhango kupita ko dho doropa. ¹⁶ Mu mone nina ku mu tuma ghira ndjwi mukatji ko widhi,mu kare keho ghunyanyami ghira ghiyoka no ghughomba ghira makutji. ¹⁷ Mu nomene keho hanu! nganyi mbo ha mu tware pa ghutho dho hakamaveta, ha ku mu mwashure mu masenagogo. ¹⁸ Munyima ha ku mu rete paghutho dho hapitereire no mafu mukatji ko dina dyange, shika thitongweritha pa ghutho dhenu no hamweya. ¹⁹ Ghapa sho ha mu tware ko, mwa kudhekera eshi ngepi sho mu ka ghambe, yoyishi ghi sho mu ka ghambe nganyi yi tapiwa mo ro ruvedhe. ²⁰ Yoyishi mbadi yamwe sho mu ka ghambe , mupepo wa wihenu gho sho ghu ka ghambe mu mwenu. ²¹ Minamunu nganyi mbo gha tware minamunu ku kufa. Hana nganyi ha ku pirukere hanyokawo na wa wihawo no kuwa twara ku yifa. ²² Nganyi ha ku mu nyengere dina dyange. Ghoyu keho gha ku repa mutjima kate kughuhura, nganyi gha ku parithiwe. ²³ Ghapa keho sho ha mu humbithe mo dhi doropa, mu tjirere keho ko dho pepi,ghushemwa nina ku mu tongwera, mbadi mwa ko kondareka madoropa ghomaheya gha Isiraela ko no kwiya temba mwana munu ²⁴ Karo mukathishongero mbadi wa ku kara mukuru mwa muhongi wendi, na mupika thika fumu wendi. ²⁵ Kwa kwana keho eshi mukathishongero gha kare thika muhongi wendi, no mupika thika fumu wendi. Ngeshi hethire fumu gho ndhugho eshi Belizebuli, ngepi ghuyi wa ku kara gho mena gha wa ka ndhugho. ²⁶ Keho mwa wa yapa, yoyishi mbadiko dho ghudhindo ghethi tha ku pira ku shwagha, ghendi tho ku horeka ghethi tha ku pira ku dimukiwa. ²⁷ Ghethi na ku mu tongwera mu dikokore , mwa ku thi ghambe mutenya mwiru , no ghethi mwa ku yuva tho wotu mu matwi ghenu, mu thi ghambe pa shongwawiru dho mayugho. ²⁸ Mwa yapa ha ka ku pagha ghirama karo mbadi wakukona ku pagha mungu, kemo karo ghomu yape ghoyu gho ku dhongonana moyo no ghirama gho ku ghi twara ku mwera dho ku pira ku pwa. ²⁹ Napo tuntjentje tuwadi mbadi hana tu ghurithanga no shera gho mumbiru? Karo mbadiko wayo ghoku wera pamuve ghoku wihenu mbadi ghana ghi dimuka. ³⁰ Karo no ghuhuki gho mu mitwi dhenu wa pwa ku tara. ³¹ Mwa yapa. Mwa mudyo ku pita tuntjentje to twingi. ³² Karo keheyu ghoku ni tongonona paghutho dha hanu, ghame name nganyi na ku mu tongonone paghutho dha tate ghoku diwiru. ³³ Ghoyu keho gha ku ni hamura paghutho dha hanu, name nganyi na ku ghu ku hamore pa ghutho dha tate ghoku diwiru. ³⁴ Mwa ghayara keho eshi neyera ku reta thiraro pamuve. Kadi neyera ku reta thiraro, ghene thimende. ³⁵ Yoyishi neyera pa ku tura munu mukutjakera kwa wihe, no mwana gho mbuyama mukutjakera kwa nyina, no ngumwenyamunu mu kukutjakera kwa ngumwenyendi. ³⁶ Hakangore dha munu ne haka ndhugho dhendi. ³⁷ Ghoyu gha haka nyina ghendi wihe ku pita me mba di hani roghera; ghoyu gha haka mwanendi gho katughuru ghendi gho mbuyama ku pita me mbadi hani roghera. ³⁸ Ghoyu ghakupira ku tora thikurushe thendi ghani thighare munyima mbadi gha roghera me. ³⁹ Ghoyu gha ku wana moyo wendi nganyi wa ku mu yongarere. Ghoyu wa ku yongarera moyo wendi mundava dhange mbo ghana ghu wana. ⁴⁰ Ghoyu gha ku mu tambura ghana ni tambura, no ghoyu ghaku ni tambura ghana tambura ghoyu ghana ni tuma. ⁴¹ Ghoyu gha ku tambura moporofita mu dina dyo moporofita nganyi gha ku tambure ghiruwera ya muporofita, ghendi ghoyu gha ku tambura munu gho ghitenda yo ghuhunga yoyishi munu gho ghitenda yo ghuhunga nganyi gha ku wane ghiruwera yo munu gho muhunga. ⁴² Keheyu yu ghokupako ho hambiru ngambi komoki gho meyu gho matenda eshi ha nwe yoyishi mukathishongero , ghushemwa nina ku ku ninga , mbadi ghaku yongarera ghiruwera yendi.