¹ Pa ruvedhe ro hakathishongero heyire kwa Jesusi no ha mu ningire eshi,'' ghidye gho mukuru mu ghufumu gho diwiru?'' ² Jesusi ghethire mwanuke gho mumbiru ku kwendi gha mu hungumekire mukatji kawo, ³ no gha ningire eshi,''ghushemwa ni na ku mu tongwera, shimengwa mupiruke ghira mwanuke ghomumbiru, mbadi ghedi mbo mwingena mu ghufumu gho diwiru. ⁴ Podiyo keheyu gho ku ku mbirupitha thinda thika yu mwanuke gho mumbiru yo mukuru mughufumu gho diwiru. ⁵ Keheyu gho kukara mwanuke gho mumbiru thika yu koku nitambura mu dina dyange. ⁶ No keheyu gho ku pemukitha ghofotji ghopawanuke wa ho kutawa mu mwange, hasha ku mu ghanga no diwe dyocwacwa mu thingo no ku mu vukumena mudikuruviya. ⁷ ''Mawe ngeke ku kaye ku kupomekitha! Yinu yo kenge yo kuhokoka ya hokokanga ghene mawe kwa munu yu ghana kuyireta. ⁸ Ngeshi ha di kuharuritha dyoko dyoye ghendi dipadhi, kukwange , di teteko no di shwaghithe papoye . Hasha keho kukoye kengena ku ghuparo no ghurema no pa ku vukumenewa mu mudiro no moko ghoye mawadi no maghuru mawadi. ⁹ Ngeshi diho dyoghe ku ku haruritha di vukumenenge kwako. Hasha kengena ku ghuparo no diho dyo fotji no pa ka ku vukumena mumudiro gho ruheya no meho maheya. ¹⁰ Mu mone keho eshi mbadi muna ku nyatha wa hohambiru. Ko nina ku mu ninga eshi haengeli hawo ha kengerera roruheya mu rupara rwa tate gho ku diwiru. ¹¹ Yoyishi mwana munu ne gheyera mu kuna shutura ghowa ha yongara. ¹² Ngepi di muna ku ghayara? Ngeshi ghumweya ghan muna ndjwi dithere, ha yongara ghofotji, mbadi gha thighanga dhisha makumi kwoko no kwoko no dhine ku madyero no ku yenda ghtha ka shane ghofotji ghoyu ghana yowa. ¹³ Ngeshi pa ku mu wana yu ghofutji , ghushemwa ni na ku mu ninga eshi, gha hafera yu ghofotji ku pita dhiya dhisha makumi kwoko no kwoko no dhine dhi dha pira ku yowa. ¹⁴ No ndhira dho kemo karo, mbadi mahimeno gha wihenu eshi ghumwe ghowahanuke gha ku yongare. ¹⁵ ´´Ngeshi muyendhoghe ghana kuyipithera , yende ghu ka mu thighaghure mu mughuwadi wenu. Ngeshi ghana kutegherera ghuna hutha keho muyendhoghe. ¹⁶ Ngeshi gha piri kukutegherera, shimbe yo fotji ghendi hawadi noghe yoyishi mutunwa twa wanu hawadi ghendi hahatu ho ghushupi ngando dhina ku pwa kukumithamo. ¹⁷ Ngeshi ha pire ku wa tegherera,tongere mbunga. Ngeshi gha shwena kutegherera mbunga, mu tende keho gha kare mukaditunga no muketithi. ¹⁸ Ghushemwa nina kumutongwera eshi , kehethino mwa ku ghanga pa kaye no kudiwiru thina pu ku ghanga, no karo kehethino mwa kushutura pa kaye no kudiwiru thina pu kushuturu. ¹⁹ Karo nina ku mu ninga eshi, ngeshi hawadi papenu ha kuyuvu pa thinu thimweya pano pa kaye tate gho ku diwiru nganyi gha thi wa tendere. ²⁰ Ghopa hawadi ghendi hahatu hana kongana mu dina dyange , name mukatji kawo nedi. ²¹ Ndani Peturusi gheyire kwa Jesusi no gha ningire eshi, ´´Fumu, rungatji shoni thigherere mughethange gho ku ghana ni ghipithera? Kate maruvedhe kwoko no ghuwadi ghana kwana ndi?'' ²² Jesusi gha mu huthire eshi,''mbadi nina ku mu ninga maruvedhe kwoko no ghuwadi,shimengwa makumi kwoko no mawadi pa ku hukuruka maruvedhe kwoko no ghuwadi. ²³ Podigho ghufumu gho diwiru wa ku pitura ghira fumu ghoyu ghana ku roghitha mambapira ghendi gho masherenyi gho ku ruwera hapikwendi. ²⁴ Ghopa gha tangire ghiruwera, ghumweya mwawa pikwendi ghoyu gha mu korota masheri ghomatarende dikumimayowi ha mu retire papendi. ²⁵ Yoyishi gha pirire gho ku mu ruwera , hekudyendi gha rughure eshi gha ghurithiwe, ghaye no mbuyama wendi no hanendi no kehethi gha wana, gho gha ku ruwere . ²⁶ Po diyo mupikwendi gha werere pamuve, gha tongamine paghutho wendi, ²⁷ 'Hekudyange, ni repere mutjima,nganyi na ku ku ruwere kehethi.'Hekudyendi ,gha mu ferere ngeke , no gha mu shuture gha mu thigherere thikoroti. ²⁸ Mupekwendi gha ghendire gha ka ku wanine no mupika thika yodighe, ghoyu gha mu korotire masherenyi gho ku kwana dishokuru dyo fotji. Gha mu kwatire, pa mudyu, gho gha mu ningire eshi ni ruwere keho. '' ²⁹ Mupika thika yodighe gha werere pamuve no gha ghamba eshi, ' ni repere mutjima, nganyi na ku ku ruwere. ³¹ Mupika gho ku tanga gha shwenine. Munyima, gha mwingenekeri mu dongoro kate pa ku mu ruwera thikoroti. ³⁰ Ghopa haghedhendi ha monine ghinu ghi, ha yuvire tjitju. Heghire ko kuna tungwera hekudyagho ghoghi ya karekire. ³² Podigho hekudyedi gha mwithire no gha mu ningire eshi,'ghowe mupika gho mughi, na ku thigherere thikoroti yoyishi wa ni kumbere kemo. ³³ Mbadi wa roghere ku fera thingeke mupika thika we ndi, thika ghedi na ku ferere thingeke ndi? ³⁴ Hekudyendi gha patire no gha mu tapire kwa wa pumi gheshi ha ku mu pume kate gha ku ruwere thikoroti. ³⁵ No tate gho ku diwiru dyo gha ku mu tenda kate mwa ku kwatere hamweya no metjima.''