¹ Ano Saulinghuye shimpe ghav tjilita na kudipagha varongwa vaHompa, gha yendi kwamupristeli wamunene ² gha ka mu pure ntjangwatumwa yasinagoge namu Damaskus, ntjene ashi ngaka wana oghu a hameno muNdjira yino, gha kare mukafumu ndi mukamali, ghuye kuvura kuva manga ava yite kuJerusalema. ³ Mukuyenda tupu ngoli gha vi shoroka ashi opo gha ka tikire pepi naDamaskus, mpopo tupu apa kara ghukenu ghuna mu kundurukido shite shakutunda muwiru; ⁴ ntani gha kugandere palivhu mpo gha yuvhire liywi lina kughambo kwendi.''Sauru, Sauru, vinke ghuna kuhepekera? ⁵ Sauru gha limburura, ''Ove ghare, Hompa?'' Hompa gha ghamba, '' Ame Jesus, oghu ghuna kuhepeka; ⁶ ngoli shapuka, ngena mushitata, ntani ghu ka yuva ovi ghurughana.'' ⁷ Vakafumu ovo va yendawiro naSauru ghava fu shituntu, pakuyuva liywi, ene ngoli vamone ko muntu kundere ko. ⁸ Sauru gha shapuka palivu, ntani opo ghapahukire, kwato ovi gha vulire kumona; makura gha va mu kwata kuliwoko va mu yite muDamascus. ⁹ Mayuva matatu gha kalire ghakupira kumona, kapi gha lire ndi gha nwe. ¹⁰ Ano ngoli kwa kalire murongwa kuDamascus walidina Ananias. Hompa gha mu ghambita mulimoneko, Ananias! gha ghamba, ''kenga, Ame ghuno, Hompa.'' ¹¹ Hompa gha ghamba kwendi, ''shapuka, ghuyende kundjira yinya va twenya nga ashi Straight(Vyukilira), ntani kundjugho yaJudas ghu ka pure mukafumu wakuTarsusi walidina Sauru, mora ghuye kuna kuraperera. ¹² Gha mono mulimoneko mukafumu walidina Ananias ghana ku ya ngeno na kukambeka mawoko ppwendi, mpo ashi gha vure kumona nka.'' ¹³ ano ngoli Ananias gha limburura, '' Hompa nayuva kuvavangi kuhamena mukafumu ghuno, oku waa tika ghudona a rughana kuvantu voye muJerusalema. ¹⁴ ghuye kwa wana nkondo dakukwata kehe ghuno gha yitango lidina lyoye kwamupristeli wamunene. ¹⁵ Ano ngoli Karunga gha ghamba kwendi, ''Kayende mora ghuye shiruwanito shande shalihoroghoro, nga tware lidina lyande kuvaPagani navahompa navana vaIsraeli; ¹⁶ mpo ashi ngani mu negheda omo nga hepa morwa yalidina lyande.'' ¹⁷ Makura Ananias gha tundu po, nakukangena mundjugho. gha mu kambeke mawoko, gha ghmba, ''Mughunyande Sauru, Hompa Jesus, Gunya kakumonikiro mushitaghura opo kaghu ya ana ntumu ndi ghuya wane lipahuko lyoye ntani ghukare ghuna yura Mpepo Mupongoki.'' ¹⁸ Mpopo tupu vininke vya kukara yira ngande a vi ghu mumantjo ghaSauru, makura gha wana lipahuko lyendi; gha shapuka mpo vamukushire; ¹⁹ ntani a li nakuwana nkondo. Ghakara navarongwa muDamaskus ghure wamayuva ghangandi. ²⁰ Mpopo tupu gha tameke kuyaghura Jesus musinagoge, nakughamba ashi ghuye Mona Karunga. ²¹ Navantje ovo va muyuviro kwa tetukire ghavaghamba, ''Oghu kapishi ndjeghunya mukafumu gha djonawiro vakaJerusama ovo kava kuwa ngo lidina lyendi? Ghana ya ngoli a ya va kwate ghatware kuvapristeli. ²² Ano Sauru gha ya vhuka nkondo, ntani ghuye kwayitire lipiro kkuyuva nawa muvaJuda ovo va kaliro vatungi mo muDamaskus mukunegheda ashi Jesus ndje Kristus. ²³ Kuruku yamayuva ghamangi, vaJuda ghava tungu kumwe maghano gha kumudipagha. ²⁴ Ano lighano lyavo gha li yivikwa kwaSauru. Vavo kwakengilire kumavero mwi namatiku ashi ndi va mu dipaghe. ²⁵ Ngoli varongwa vendi ava mughupu ngogho matiku va mu ghurumwite kupita palikuma ghuye vana munyongekere mushikumba. ²⁶ Opo gha ya tikire kuJerusalema, Sauru gha shetikire mu kukupakerera navarongwa, Ene ngoli navantje a va mu tjira, kapi vavulire kuvipura ashi ghuye murongwa. ²⁷ Ene ngoli Barnabas gha mu ghupu gha mu yite kuva apostol, ntani gha va tantere omu gha monine Sauru mushitaghura ntani omu gha mu ghambitire Hompa, ntani omu omu gha ka ghambire Sauru gha hana ghutjirwe mulidina lyaJesus. ²⁸ navo gha kalire, vayenda varupuka vakudinge muJerusalema. Gha ghmbire nakupira ghutjirwe mulidina lyaHompa Jesus ²⁹ nakukukanana navaJuda vakughamba ruGereke; ene ngoli gha va twikiri kushetekera ko kumudipagha. ³⁰ Opo vavi dimbwilire vaghunyendi vino, mpo va mu ghurumwitire kuKesareya na ku mu tuma kuTarusus. ³¹ Opo makura, ngereka muJudeya nayintje,Galireya naSamaria kwakalire nampora ntani a va di tungu; ntani, ava paruka mughutjirwe waHompa namulishengawido lya Mpepo Mupongoki, shivaro shangereka ashi ya kuwederere. ³² Apa rwatikire ruvede oro, moomu ghayendire Petrus muruhashirongo nashintje, gha ghurumuka kuvantu vaKarunga vakupongoka ovo vaka liro mu mbongi yaLidda. ³³ Oko gha ka wanine mukafumu ghumwe walidina Ayeniyasi, oghu gha raro mughuro wendi ghure wamwaka ntantatu, ghuye kwa kalire mundambo. ³⁴ Petrus gha ghamba kwendi, ''Ayeniyasi, Jesus Kristus ghana kuverura. Rambuka ghu yarure ghuro ghoye,'' ntani mpopo gha rambuka. ³⁵ makura kehe ghuno gha tungiro muLidda namuSharoni vamonine mukafumu mpo vakushiwire va kwame Hompa. ³⁶ Mwamo muJoppa mwa kalire murongwa ghumwe walidina Tabita (olyo va faturura ashi ''Dorkasi''). Mugholikadi ghunya kwa yulire virughna vyaviwa ntani virughana vyaghufenkenda ovi a rughaninine vahepwe. ³⁷ Ghayire mumayuva ghanya a valikire kuvera makura gha pili; apa vamanine kumukusha, ava mu rangeke mundjugho yakuwiru. ³⁸ Paruve oro Lidda kwakukalire pepi naJoppa, ntani varongwa va yuvire ashi Petrus nko akalire, ava mu tumini vakafumu vaviri, ghava mu pampilikida, ''yiya kwetu pahana likurango.'' ³⁹ Petrus gha shapuka gha yendi navo. Opo ghaka tikire, ghava mu twara kunkondwa yakuwiru, makura vafita vavyavo ava ya yimana kwendi vavo kuna kulira, nakumu mu negheda vyuma namarwakani ogha gha rughanine Dorkasi opo gh kalire navo. ⁴⁰ Petrus ghava rupwita mo navantje munkondwa, gha tongamene, nakuraperera; makura gha piruka kurutu, gha ghamba, ''Tabita, rambuka.'' Makura gha pahuka, pakumona Petrus makura gha shungiri. ⁴¹ Petrus gha mupa liwoko lyendi na ku mu shapwita ; makura opo gha yitire vantu vaKarunga vakupongoka navafita va vyavo, gha mu tapa wa mu yumi kukwavo. ⁴² Vininke ovi kwa ya yivikwire muJoppa namuntje, ntani vantu vava ngi ava pura mwaHompa. ⁴³ Ovi vya shorokiro ashi Petrus kwaya kalire mayuva ghamangi muJoppa namukafumu walidina Simon, mushunti wavipapa.