¹ Weno vapostoli novakafumu ava vakaliro muJudea va yuvire ashi vapagani navo va tambura nkango yaKarunga. ² Opo a yire Petrus dogoro kuJerusalema, vanya va hamenino kumbunga yovo varughana vamba ava mu shepe; ³ a va ghamba, ''Ove kaghuka karaghura navakafumu vapira kurughana vamba ntani kaghu kalya navo.'' ⁴ ano Petrus a tameke kufaturura udito oghu kwavo mwamunene, a ghambe; ⁵ ame kwa rapilire mushitata sha Jopa, ntani a ni kara nalimonekero lyashihemere shina kusheghumukiro palivhu, yira mwaye waghunene ghuna ku wero palivhu kutunda muliwiru natukovu twagho tune. A shintjeghumukiri. ⁶ Gha ni shi kengurura ntani a ni ghayara kuhamena kwasho. Na monine vikorama vyamaghuru mane vyapalivhu, vikashama vyamuwiya, vikorama vyakughovana, navidira vya liwiru. ⁷ Makura ani yuvhu liywi lina ku ghambo kwande, 'Shapuka, Petrus; dipagha ghulye !' ⁸ Ghani ghamba,'Kapishi mo, Hompa; kundereko vya piro kupongaka ndi vyanyata vya ngeno rumwe mukanwa kande.' ⁹ Ano liywi a li limburura nka kutunda kuwiru, ' ovyo a kenita Karunga, nakuvitwenya shi nyata.' ¹⁰ Ovino kwa shorokire vikando vitatu, makura vininke navintje a va vi vyuta ko nka muliwiru. ¹¹ Kengenu, mpopo tupu, kwakalire vakafumu vatatu va yimanino kumeho yandjugho oyo twa kalire; Caesarea ndje a va ntuminino. ¹² Mpepo gha yi mpangere ni yende navo, ntani ni pire kutura po lihanguro pwavo. Vano vaghunyande vatano naghumwe a va yendi name, ntani gha tu yendi mundjugho yamukafumu. Gha tu ¹³ tantere omu gha monine muengeli gha yimanino mundjugho yendi na kughamba, 'Tuma vakafumu kuJopa va ka vyuke na Simon oghu vatwenya nga Peter. ¹⁴ Kwa ka ghamba koye mbudi oyi nga yi ku yoghoro- nove nalipata lyoye nalintje.' ^{15 16} Mpopo tupu na valikira kughamba navo, Mpepo Mupongoki ghava sheghumukiri, yira moomunya tupu pwetu pamuhovo. ani vhuruka nkango daKarunga, omu a ghambire, 'Johanes ushiri ka kushanga namema; Ene ngoli ove ngava ka kukusha muMpepo Mupongoki ¹⁷ Makura nange ashi Karunga a va pire maghushwi ghakukufana nangoghanya a tapire kwetu opo twa pulire mwaHompa Jesus Kristus, Ame ne ndi ame ghare, mivure kukaananita Karunga?'' ¹⁸ Opo va yuvire vininke vino, kapi vaghambire nka vintu mu ku kumburura ko, Ano ngoli ava yererepeke Karunga na Kughamba, ''Makura karunga ana tapa likushighuro lyamwenyo naghuntje kuvagereka nako ¹⁹ Pano ngoli vanya lya haraganitire lihepeko linya lyapitiro Stefanus kwa kuhanine dogoro kuPhonenicia, Cyprus, naAntioch, kughamba nkango kuvaJuda pantjako. ²⁰ Ano ngoli vamwe vavo, vakafumu vakuCyprus naCyrene, kwa yire kuAntioch naku ya ghamba nka navo vaGereka, kuvayawira mbudi yayiwa yakuhamena Hompa Jesus. ²¹ Liwoko lyaKarunga kwa kalire kumwe navo; shivaro shashinene kwapulire nakupiruka kwaKarunga. ²² Mbudi kuhamena kwavo a yi ya tiki mumatei ghavakangereka yamuJerusalema, ava tumu Barnabas ghure waku Antioch. ²³ Apo gha yire a ya mono ghufenkenda waKarunga, gha hafa ngudu ntani ghakorangeda navantje vakare naHompa namutjima wavo naghuntje. ²⁴ Mora a kalire mukafumu wamuwa ntani ghayulire Mpepo Mupongoki ntani walipuro, ntani vantu vavangi kwakuwedilire kwaHompa. ²⁵ Barnabas makura ghayendi kuTarsus gha kashane Sauru. ²⁶ Opo ghaka mu wanine, gha mu yita kuAntioch. avi ya kara ngoli pepi, ashi mwaka naghuntje ghava pongo kumwe nakangereka nakushonga vantu vavangi. varongwa kwa hovire kuva yita ashi vaKriste muAntioch. ²⁷ Ntaantani mumayuva ghano vaporofete vamwe kwatundilire kuJerusalema va ye kuAntioch. ²⁸ Ghumwe wavo, walidina Agabus, gha yimana ntani nakunegheda kuruwanita mpepo ashi lirumbu lyalinene ngalishoroko muudjuni naghuntje. Ovino kwashorokire mumayuva ghaClaudius. ²⁹ Makura varongwa moomu tupu ashi kehe ghuno kwa vulire, ghava tokora kutuma likukambayikiro va vatere vaghunyavo muJudea. ³⁰ Vavo kwarughanine vino; ghava tumu maliva kuvakurona naliwoko lya Barnabas naSauru.