¹ Djochuwa adamuka tchakumatchibese ese wentse wadabuda ku Sitimi. Wadaswika paludzi la Djorodani, iye na yentse mbumba iya Iziraeli, ese wadaga penepo awasati wayambuka. ² Pakupera ntsiku zitatu, wakulu wakulu wadapinda na pakati pamusasa ³ ese wadabvunza kuna mbumba, watchiti: "Areka iya Lubatano na Yahweh, Mulungu wathu, iyakudzusiwa na wanyantsembe walevita, dzabudeni mbuto ino ese dzaendeni. ⁴ Napenepo, galani musinzo unakwana kuita zana pakati pathu ife na iyo. Mbatilekeni kufedzera kuna iyo. Nadyali, tinadzadziwa nddiyo yipi njira iyakutewera, njira kuti tchipo udapinda nayo". ⁵ Djochuwa adalanga kuna mbumba: "Zvitcheneseni thangwe Yahweh mangwana alikuda kudzita midzaidzai pakati pathu". ⁶ Kumasure Djochuwa adalanga kuna wanyantsembe: "Musani Areka iya Lubatano ese pindani kumberi kwa mbumba". Napenepo, iwo wadamusa Areka iya Lubatano ese wadaenda watchifamba pamberi pa mbumba. ⁷ Yahweh adabvunza Djochuwa: "Ntsiku yeneyo, ndinadzakuita mwamuna mukulu pamatso iya yentse mbumba iya Iziraeli, kuitira kuti waone kuti ndinaimwe, ninga pangu ndikana Mozisi. ⁸ Bvunza wanyantsembe kuti wadzuse Areke iya Lubatano: 'mungaswika mumherera mwamadzi iya mukulo wa Djorodani, penepo dzaemeni". ⁹ Napenepo, Djochuwa adalanga kuna mbumba iya Iziraeli: " Swikani imwe ese tetekerani masoko iya Yahaweh, Mulungu wanu. ¹⁰ Nadyali, munadzadziwa kuti Mulungu Wakupenya ali pakati panu futi, tchadiko, anadzabudisa pamberi panu wa kananeu, wa heteu, wa heveu, wa perizeu, wa gargazeu, wa amoreu na wa jebuzeu. ¹¹ Wonani kuti Areka iya Lubatano iya Tchangamire wa pentse pantsi inadzapinda kumberi kwanu ku Djorodani. ¹² Tchintchino sankhulani wamuna khumi nawairi wamitupo iya Izirseli, mubodzi pamutupo. ¹³ Payo ntsoka yamwendo iya wanyantsembe kuti wadadzusa Areka iya Yahweh, Tchangamire walentse dziko, wabate madzi iya Djorodani, awa wanadzasiyanisiwa; ese kana kuti madziyo iyaerere kuita ludzi kudzaulu iyaeme kuerera, iytchidzumba thawale libodzi". ¹⁴ Napenepo, payo mbumba idamuka pamusasa kuti iyambuke Djorodani, wanyantsembe kuti wakadadzusa Areka iya Lubatano wadaenda kumberi kwa mbumba. ¹⁵ Nadyali wanyakudzusa Areka wadaswika ku Djorodani, ese mwendo iyawo idakuya madzi (Djorodani akhaphutha namumakhundu panguwa iya kukonkha), ¹⁶ madzi kuti iyakhabuda kudzaulu iyadaenma ese iyadaumba thawale pamusindzo utali, panguwa iya Adani, luwani kukhundu kwa Zeretani, ese kuswikirayentse njira iya kunyantsi kwa Arabani, kuit ndiro bala la Kufa. Futi mbumba idaiyambuka kumberi kwa Djeriko. ¹⁷ Wanyantsembe kuti wakhadadzusa Areka iya Lubatano na Yahweh wadaema paludzi lakuwoma, pakati pa Djorodani, payo yentse mbumba iya Iziraeli ikhayambuka pantsi pakuwona, kuswikira wentse wapera kupinda.