¹ Payo mbumba iyadasangana pa Djorodani, Yahweh adabvunza Djochuwa: ² "Sankhula wamuna khumi nawiri pakati pambumba, mubodzi pamutupo. ³ Wabvunze: 'Batani mauwe khumi namairi iya pakati pa Djorodani, kwawo wakhadaema wanyantsembe pamataka iyakuwoma, uyani nayo ese iyasiyeni pambuto iyanu munapinda usiku huno'". ⁴ Napenepo, Djochuwa adadaidza wamuna khumi nawiri kuti adawasankhula pakati pamitupo iya Iziraeli, mubodzi pamutupo. ⁵ Djochuwa adawabvunza: "Enda pamberi pa Areka iya Yahweh, Mulungu wanu, pakati pa Djorodani. Mubodzi na mubodzi wanu ngadzadzuse buwe libodzi muma phewa mwanu,ninga zvinapindirana na kuerengiwa kwa mitupo iya Iziraeli. ⁶ Itchi tchinadzaga tchipangizo tchibodzi pakati panu, ese pazo, pa ntsiku zinatewera, wana wanu watchibvunzisa: 'Yalikulanganyi mauwe aya kuna imwe?' ⁷ Langani kuna iwo: 'Madzi ya Djorodani yadagawanika pamberi pa Areka ya Yahweh. Palo yiro lidapinda napa Djorodani, madzi ya Djorodani yadagawanika. Nadyali, mauwe aya yatchagala tchitsalakano kuna mbumba iya Iziraeli, kugala na kugala". ⁸ Mbumba iya Iziraeli idaita ninga zvidalanga Djochuwa: iwo wadatola mauwe khumi namairi iya pakati pa Djorodani, Nadyali ninga Yahweh adabvunza Djochuwa. Napenepo, iwo wadayaerenga ninga kuerenga kwa mitupo iya mbumba iya Iziraeli, wadayadzusa kuna iwo watchienda kumbuto iyawo wadagala, ese wadayaiga peenepo. ⁹ Napenepo, Djochuwa adalonza mauwe khumi namari ya pakati pa Djorodani, pambuto kuti mwendo iya wanyantsembe wakadadzusa Areka iya Lubatano idaema. Tchitsalakaniso itchi tchiripo kuswikira ntsiku zanyamuntsi. ¹⁰ Wanyantsembe kuti wakadadzusa Areka wadalambirira pakati pa Djorodani kuswikira zventse kuti Yahweh adabvunza Djochuwa adalanga kuna mbumbazvateweziwa, ninga kuti zventse Mozisi akadabvunza kuna Djochuwa. Mbumba idatchimbiza ese idayambuka. ¹¹ Payo mbumba yentse idapera kuyambuka, Areka iya Yahweh na wanyantsembe wayambuka, pamberi pa mbumba. ¹² Mutupo wa Ruben, mutupo waGade, na pakati na pakati pa mutupo wa Manase wadapinda ninga masodja, pamberi pa mbumba iya Iziraeli, dyali ninga Mozisi adawabvunza iwo. ¹³ Wakafedzere kuita mazana makhumi manai iya wanhu wadalongedzera kunkhondo wadapimda pamberi pa Yahweh, wadaenda kuthambe la Djeriko. ¹⁴ Ntsiku yeneyo, Yahweh adamuita mukulu Djochuwa pamberi pa matso iya yentse Iziraeli. Iwo wadamukuza, dyali ninga wadakuza Mozisi, zentse ntsiku za kulalama kwawo. ¹⁵ Nadyali Yahweh adalanga kuna Djochuwa: ¹⁶ "Bvunza kuna wanyantsembe kuti wakadadzusa Areka iya Kudairira kuti budani pa Djorodani". ¹⁷ Napenepo, Djochuw adabvunza wanyantse: "Buda muDjorodani". ¹⁸ Pawo wanyantsembe wakhadadzusa Areka iya Lubatano iya Yahweh wadabuda pakati pa Djorodani ese ntsoka za mwendo iyawo yatsika pantsi pakuwoma, madzi ya mudjorodani yadahirira pambuto payo yadaphutha kuswikira mumakhundu, ninga ndizvo tchaizvo zikhali ntsiku zinai zamasule. ¹⁹ Mbumba idabuda muDjorodani pantsiku yachikhumi yamwezi wakutanga. Iwo wadagala pa Gilgali, kumabudira kwa Djeriko. ²⁰ Mahuwe khumi namawiri kuti yakhadabudiswa muDjorodani, Djochuwa adalongedza pa Gilgali. ²¹ Iye adalanga kuna mbumba iya Iziraeli: "Dzinza lanu palo linabvunzisa kuna wababa wanu panguwa zinatewera: 'Mahuwe aya nganyi?' ²² bvunzani wana wanu: 'Iziraeli idayambuka Djorodani pantsi pakuwoma'. ²³ Yahweh, Mulungu wanu, adaita kuti awome madzi yamu Djorodani kuna imwe, kuswikira tapinda, ninga Yahweh Mulungu wanu, adaita na bala Lichawa, lakuti lidawoma kuna ife, kuswira tapinda, ²⁴ kuitira kuti, nadyali, zentse mbumba zapantsi zidziwe kuti bokola Yahweh lina ntsimba, ese imwe mukuze Yahweh, Mulungu wanu, kwenda na kwenda".