¹ Napenepo, Djochuwa, mwana wa Numi, adatuma nyakabisebise, kubuda Sitimi, wamuna wairi ninga wakapirikoni. Yie adalanga: "Endani, mulingisise padziko, makamaka Djeriko". Iwo wadaenda ese wadaswikira pamui wa hule, kuti dzina lache akali Rakabi, ese iwo wadagona penepo. ² Wadabvunza kuna mukulu mukulu waDjeriko: "Wonani, wauya wamuna waku Iziraeli pano waite ukapirikoni padziko". ³ Mukulu muklu wa Djeriko adabvunza Rakabi: "Uisa wamuna kuti waenda kumui wako, thangwe iwo wauya kaita ukapirikoni lentse dziko lino". ⁴ Apo mukadziyo adabata wamuna wairiwo ese adawaswisa. Iye adadaira: "Ande, wamunawo wadauya kuna ine, apo ine handikahadziwa kuti iwo mbakupi. ⁵ Wadaenda zvawo pako nanga kwadidoka, palo tsasa la luwani valiwa. Handidziwi kwawo waenda. Penango munawawona mungawatewera, nakutchimbiza, kumasure kwawo". ⁶ Apo iye akhadawaaiga pantsuwa, ese adawaswisa na mitanda iyasosoli kuti adailongedza mwenemo. ⁷ Napenepo, wamuna wadawatewera na njira iya ludzi la Djorosani, ese matsasa yakahada valiwa nadyali wanyakutowera wadahirira. ⁸ Wamunawo nanga hawasati wagona pawo wadakwira patche iye adakwira pantsuwa. ⁹ Adalanga: "Ine ndikudziwa kuti Yahweh akupasani dziko lino, ese kurtcha kukulu kudauya kuna imwe pamusana pathu. Wentse kuti waliku lalama wadziko lino wagala wakuneta pamberi panu. ¹⁰ Ife tidabva ninga Yahweh adawomesa madzi mu bala Lichawa kuna imwe panu mudabuda Djipita. Futi tidabva zvanu mudaita kuna wakulu wakulu wairi waku Amoreu, kukhundu linango la Djrodani __ Siomi na Odji __ wako udafudza zvakukwana. ¹¹ Nadyali tabva izvi, moyo yathu iyanyunguduka, ese hapalibe adasala na kupirira __ thangwe Yahweh, Mulumgu wanu, ndiye Mulungu wapadzaulu kudzaulu napanyantsi papantsi. ¹² Tchintchino, ndirikukumbira kuti ndikumbireni na Yahweh kuti, ninga ndidagala wamuche kuna imwe, imwewo basi munadzala wamuche kuentse nyumba iyababa wangu. Ndipeni tchipangizo ¹³ tchakudjeka kuitira kuti nditchadza khotcherera upunyu wa baba wangu, mai wangu, wabale wangu watchimuna, wasankazi wangu na wentse dhungwe lako, ese titchadzazviponesa palufu". ¹⁴ Wamunawo wadalanga kuna iye: "Upenyu wanu kuna wathu kuswikira kufa! Ungaleka kulanga pamusana pakupindirana kwathu, napenepo, patche Yahweh yatipasa dziko lino, tinadzagala wantsisi futi wakutchena kuna imwe". ¹⁵ Napenepo, iye adawasiya watchitchitha na pajanera watchisenzesa ndzoi ibodzi. Nyumba kuti iye akagala ikhadalonziwa mutsose laluwani. ¹⁶ Iye adawabvunza: "Endani mumabango ese zvikoyeni, kana kuti wanyakutewera wanadza kutewerani. Zvikoeni kweneko pantsiku zitatu, kuswikira wanyakutewerera wahirira. Kumasure, endani njira iyanu". ¹⁷ Napenepo, wamunawo wadamubvunza: "Ife atidzagali perezo nakuthembesa kwakudumbira kwanu mudaita kuti tidumbire, tingaleka kuita izvi: ¹⁸ Pathu tinaswika padziko, iwe unadzasunga nzoi yichawi pajanera pathutchitha napo, ese tinadzaungana pamui naiwepo, baba wako, mai wako, wabale wako, futi nalentse dzinza la baba wako. ¹⁹ Weneule kuti anapinda na pamatsasa iyapamui wako kwenda kumisewu, gazi latche linadzagala pamusoro patche tchaye, ese atidzagali namulandu. Nazvinezvi, lingati boko libodzi latsanziwa padzaulu wamubodzi watche kuti ali pamuipo, gazi latche linadzaga pamusana pathu ife. ²⁰ Apo, ungalanga bvathu taita, ife atidzabatani natchithembeso tchako watiitira kuti tidumbire". ²¹ Rakabi adadaira: "Ngazviitike ninga kuti imwe malanga". Ese iwo wadaenda zvawo. Kumasure, iye adasunga nzoi ichawa pa janera. ²² Iwo wadaenda zvawo ese wadakwira mubango, futi kweneko wagala ntsiku zitatu, kuswikira wanyakutewera wahirira. Awa wakhada swaga yentse misewu ese awalibe kuwawona. ²³ Wamuna wiriwo wadahirira, wadayambuka, ese wadahirira kuna Djochuwa, mwana wa Numi, ese wadamubvunza zventse zvikhadaitikazvo. ²⁴ Ese iwo wadalanga kuna Djochuwa: "Tchaditchaiko, Yahweh atipasa dziko lino. Wentse walalami watche walikutetemeka naurtchi nathangwe lathu".