¹ Napenepo, yentse gungano yaIziraeli idaungana kuSiloni. Penepo watola Tendi yaMusangano ese wadabvunzira dziko liripamberi pawo. ² Pakhana mitupo minomwe pakati pawama waIziraeli kuti awasati watambira nhaka yawo. ³ Djochuwa adalanga kuna wana waIziraeli: "Panguwa ingasi ndinadzaemesa kupinda na kutonga dziko kuti Yahweh, Mulungu wawtchinyakale wanu, adakupasani? ⁴ Sankhulani wamuna watatu pakati panu pamutupo woga woga, ese ine ndinadzawatuma. Iwo wanadza bvwinyirira dziko kudzaulu kwenda kunyantsi futi wanadzanemba zvilembwa nazvipangizo zvanhaka yawo. Napenepo, wanadzahirira kwaine. ⁵ Iwo wanadzagawanisa dziko paphindi manomwe. Djuda anadzalambirira kudziko latche kunyantsi, ese nyumba yaZuze inadzaenderera kudziko latche lakudzaulu. ⁶ Munadzagwanda dziko maphindi manomwe ese munadzawisa tchidzindikiro kuitira kuti ine ndikuitirene mutambo pamberi paYahweh, Mulungu wathu. ⁷ Walevi hawalibe phindi pakarti panu, thangwe nyantsembe waYahweh ndiyo nhaka yatche. Gade, Rubeni na hafu yamutupo waManase waditambira nhaka yawo kun'gambu yaDorodani. Iyi ndiyo nhaka kuti Mozisi, nyamubasa waYahweh, adwapasa". ⁸ Napenepo, wamuna wadamuka ese wadaenda. Djochuwa wenewale kuti wadadzadakupima dziko, atchiti: "mukani, ese endani mudziko, lipimeni iro ese, napenepo, hirirani kwaine. Ine ndinadza kuitirani tchinhu pamberi paYahweh ku Silo". ⁹ Wamuna wadabuda ese wadafamba kukhundu linango watchienda linango ladziko ese wadaita, mufuthwa ubodzi, munhimo wamaluwani yatche, mumikumbi minomwe, zvitchinemberha pamukumbi ubodzi naubodzi. Napenepo, wadahirira kuna Djochuwa pamusasa kuSilo. ¹⁰ Panepo, Djochuwa adamuitira tchinango tchinhu pamberi paYahweh. Nadyali, Djochuwa adapasa dziko kuna mbumba yaIziraeli. Pamunhu mubodzi namubodzi adaenda pambuto yatche. ¹¹ Adabuda, nakupiwa, dziko kumutupo waBenjemani, dzinza na dzinza. Ese dziko lakupasiwa likhali padzinza laDjuda na dzinza laZuze. ¹² Kukhundu lakudzaulu, kalire yatche yakhatangira kuDjorodani. Malire yakhaenda namherera, yakudzaulu kwaDjeriko, ese yatchiambuka mitunhu yamabango yakumadokera dzuwa. Futi yakhaswika murusere la Bete-Aveni. ¹³ Kweneko, malire yakhapinda pakati kapunyantsi kukhundu kwaTchiezera (pambuto ibodzibodzi kupinda Beteli) ese, napenepo, yakhadzika kuAtarote-Adari, namherera labango kuti lirikunyantsi kwa Bete-Horomi. ¹⁴ Ese malire, napenepo, yakhaenda kukhundu linango: kukhundu lakumadokera dzuwa, iye akhaita khona kwendera kunyantsi, kukhundu lakunyantsi, kukhundu laku bango kuti liri kumberi kwa Bete-Horomi. Ese yakhaswika ku Kiriate-Baali (kuti ndi Kiriate-Djearimi), luwani libodzi kuti likhali la mutupo waDjuda. Nadyali yakhali malire yakukhundu lakumadokera dzuwa. ¹⁵ Kukhundu lakunyantsi yakhatangira kukhundu lakunza kwaKiriate-Djerimi. Malire yakhaenda kuswika Efromi, kuswika pamutchera wamadzi waNeftowa. ¹⁶ Malire yakhadzika kwenda ntsongwa yabango kuti lirikumberi kwamukolonga waBen-Hinomi, kuti liri kumukolonga wa refainsi, kudzaulu. kwendera kunyantsi kukhundu kwa djebuzeni, ese yakhadzika kuswika En-Rodgeli. ¹⁷ Titchipinda kwenda kudzaulu, kwenda kukhundu kwa En-Semesi futi, kweneko, kwenda kuGelilote, kuti kuli kumberi kwa nhunda yaAdumimi. Ese itchidzika kuswika kubuwe laBoani, mwana waRubeni. ¹⁸ Yatchipinda na nakumhera kwa kudzaulu, yatchiita malire na Bete Arabani, yatchidzika kuswika Arabani. ¹⁹ Malire yakhapinda na mherera yakudzaulu kwa Bete-Hogla, ese ntsongwa zatche zikhaswika pantsuwa yakudzaulu ya bala laKulungula munyu, kwakupezesera kwakunyantsi kwa Djorodani. Aya yakhali malire yakunyantsi. ²⁰ Djorodani akhaita malire kukhundu lakumabudira dzuwa. Iyi ikhali nhaka iya mutupo waBenjemani, ese idawapasiwa, kuna watchinyakhalisano, malire na malire, ninga zvinaenderana namadzinza yatche. ²¹ Maluwani yamutupo waBendjamanininga zvinaenderana na namadzinza yawo wakhali: Djeriko, ²² Bete-Hogla, Emeke-Kezizi, Bete-Arabani, Zemaraim, Beteli, ²³ Avimi,Parani, ofra, ²⁴ Kefari-Ha-Amonai, Ofni naGaba. Yakhali maluwani khumi namairi, nkhabe kuerenga natimavila. ²⁵ Yakhalipo basi maluwani yaGibeoni, RamaniBerote, ²⁶ Misipa, Serifa, Moza, ²⁷ Rekeni, Irpeeli, Tarala, ²⁸ Zela, Elefe, Djebuzi (izvi ndizvo, Djerusalema), Djibeani na Kiriate. Pakhana maluwani khumi namanai, nkhabe kuerenga timavi tatche. Iyi ndiyo nhaka yaBendjemani kwamadzinza yatche.