¹ Iri ndiro dziko lidagawanisiwa mutupo waManase (wakuti akhali dhangwe laZuze), izvi ndizvo, kuna Makirir, dhangwe laManase, baba waGiliadi. Kuna dzinza laMakirir, kuti akhali mwamuna wankhondo, adagawanisiwa dziko laGiliadi na Bazani. ² Dzikolo basi wadapasiwa ninga nhaka kuna wenango wana waManase, ninga zvinaenderana namadzinza yawo, izvi ndizvo, wadzinza laAbierzer, Heleki, Azrieli, Sikemi, Hefer na Semida. Aya ndiyo yakhali madzinza yatchimuna yaManase, mwana waZuze, ninga zvinaenderana na mitupo yawo. ³ Apo Zelofiadi, mwana waHeferi, mwana waGiliadi, mwana waMakiri, mwana waManase, halibe kubala wana watchimuna, basi woga wakadzi. Aya ndiyo madzina yawana watche watchikadzi: Malani, Nowa, Hogla, Milka na Tirza. ⁴ Iwo wadazviphangiza kuna Eazeri, nyantsembe, kuna Djochuwa, mwana waNumi, na kuna wanyakwawa, ese wadalanga: "Yahweh adalanga kuna Mozisi kuti atipase nhaka pakati pawabale wathu". Napenepo, watchitewera mutemo wa Yahweh, iye adapasa kuna wakadzi wenewale nhaka pakati pawabale wababa wawo. ⁵ Manase adatambira maphindi khumi ladziko laGiliadi na Bazani, kuti likhagala kukhundu linango laDjorodani, ⁶ nathangwe lawana watchikadzi waManase kuti wadatambira nhaka pakati pawana watche. Dziko laGiliadi lidagawanisiwa pakati pamitupo yaManase yakusalira. ⁷ Dziko laManase likhabudira Aser kuswika Mikimeta, kuti kukhali kumabudira dzuwa kwa Sikemi. Napenepo, malire yakhathasamuka kunyantsi kuswikira kuwa kagali kuti walikulalama paduze namutchera waTapuwa. ⁸ (Dziko laTapuwa likhali laManase, apo luwani laTapuwa, mumalire na Manase, yakhali yamutupo waEfraimi). ⁹ Kubudapenepo, malire yakhadzika pakati pakamukulo ka Kenani. Maluwani aya yakunyantsi kwa kamukulo pakati paManase yakhali yaEfraimi. Malire yaManase yakhali kudzaulu kwa kamukulo ese akakhgumira mubala. ¹⁰ Dziko lakunyantsi likhali laEfraimi ese dziko lakudzaulu, likhali laManase; bala likhali malire yatche. Khundu lakudzaulu likhadathasamuka kubuda Aseri ese, kumabudira dzuwa, kuswikira Isakari. ¹¹ Basi kuAsaakari na Aseri, Manase atambira Bete-Seani namavila yatche, Ibleani namavila yatche, wagali waDori namavila yatche, wagali waEni-Dori, wagali waTanake namavila yatche, na walgali waMegido namavila yatche (ese luwani latchitatu ndi Nafete). ¹² Pazventse, mutupo waManase hauyiti kuti utonge maluwani yeneyo, thangwe wakhenani wakhalambirira watchilalama mudziko lenero. ¹³ Apo, payo mbumba yaIziraeli idagala yantsimba, idasenzesa wakhenani basa lantsimba; naizvi hawalibe kuwabudisa wentse. ¹⁴ Napenepo, madzinza yaZuze yadalanga kuna Djochuwa: "Thangweranyi watipasa khundu libodzi basi ladziko na khundu libodzi la nhaka, thangwe kuti ndife mbumba ibodzi ikulu yantsama ese Yahweh anakhati kombolera?". ¹⁵ Djochuwa adawabvunza: "Mungati ndimwe mbumba yakuwanda, kwirani imwe wabodzibodzi kutseseti ese limani mbuto ibodzi kuna imwe pamataka yawa perizewu nawa refainzi, thangwe ntsaka zawa Efraimi zidatchepa kuna imwe". ¹⁶ Ese dzinza laZuzelidalanga: "Mutunhu wamabango haukwani kuna ife. Nazvinezvi, wentse wakhenani kuti walikulalama mumukolonga wana motika zasimbi, kana waBete-Seani na mavila yatche, pabodzi nawenewale kuti wali kumukolonga waJezreli". ¹⁷ Napenepo, Djochuwa adalanga kumuyi waZuze, izvi ndizvo, kuna Efraimi na Manase: "Imwe ndimwe mbumba yakuwanda futi muna upfumi ukulu. Hamudza woni mbayi ibodzi yadziko lakugawanisiwa. ¹⁸ Mutunhu wamabango unadzagal wanu basi. Kana ligale tseseti, imwe munadzapatchenesa futi munadzatonga ipo kuswikira kumalire yatche yakutali maningi. Munadzathamangisa wakhenani, kana iwo wagale namatika zasimbi ese wagale wantsimba".