¹ Dziko lidagawanisiwa mutupo waZuze lidatambarara kubudira Djorodani kuswikira Djeriko, kumabudiradzuwa kw Djeriko, napa rusare kuti lirikukwira Djeriko, kumabudiradzuwa kudabalirha Djeriko, naparusare kuti lirikukwira kuDjeriko napamusana wamutunhu wabango laBeteli. ² Kubudira Beteli kuswikira Tchiezera ese yakhapinda namutunhu wa arkita kuswikira Atarote. ³ Napenepo, yakhadzika kwendera kumadokera dzuwa kuswikira dziko lawa djafletita, kuswikira dziko laBete-Horomi mudoko, kuswikira Gezer, yatchienda kaperera kubala. ⁴ Nadyali, mitupo yaZuze, Manase na Efraimi wadatambira nhaka zawo. ⁵ Mutunhu wamutupo waEfraimi udagawanisiwa zvinapindirana na madzinza yawo ninga zvinatewera: malire yanhaka yatche kumabudira dzuwa yakhaenda kubuda Atarote-Adar kuswika Bete-Horomi mukulu, ⁶ ese, kubuda penepo, yadaenderera kuswika ku bala. Kubuda Mikimeta, kudzaulu, yakhazungunuka kumabudira dzuwa kuswika Tanate-Silo ese, yatchipinda panaiye, kumabudira dzuwa kwa Djanowa; ⁷ Ese kubuda Djanowa yakhadzika kuswika Atarate na Narata, futi yakhaswika kuDjeriko, yatchigumira Djorodani. ⁸ Kubuda Tapuwa, malire yakhathasamuka kwenda kumadokera dzuwa kuswika kumukulo waKhenani ese utchigumira mu bala. Iyi ndiyo nhaka yamutupo waEfraimi, ninga zvinaenderana na dzinza lawo, ⁹ pabodzipo namaluwani kuti yadasankhuliwa kuna mutupo waEfraimi kuti ukhali pakati panhaka yamutupo waManase, yense maluwani, nadyali ninga mavila yawo. ¹⁰ Iwo hawalibe kuthamangisa wakhenani kuti wakhalalama kuGezer; napenepo, wakhenani wadagala watchilalama pakati pawa efraimi kuswikira ntsiku yanyamuntsi; nazvinezvo, watchibatiska basa lantsimba.