¹ Katchiwiri adaenda kuna Simawu, ese adagawanisiwa munhu ega ega ninga zvinapindirana nadzinza latche. Nhaka yatche ikhali pakati kuti akhali wamutupo waDjuda. ² Ese wadapiwa nhaka ndi Berseba, Seba, Molada, ³ Hazar-Suwali, Bala, Ezemi, ⁴ Eltolade, Betuli na Horma. ⁵ Simawu adatambirazve Ziklague, Bete-Merkabote, Hazar-Suza, ⁶ Bete-lebaote na Saruwemi; Aya maluwani khumi namatatu kukhaniza walalami watche; ⁷ Simawu basi adatambirawo Aimi, Rimoni, Eter na Azani; aya maluwani manai, kukhanhiza nawagali watche. ⁸ Yentse aya, kukhanhiza natimavila kuti yakhali mukhundu mwamaluwani yeneya, kuswikiraBalate-Ber (kuti ndi Ramani waku Neguebe). Iyi ndiyo nhaka yamutupo waSimiawu, idagawanisiwa ninga zvinaenderana nadzinza lawo. ⁹ Nhaka yamutupo waSimiawu ikhaita khundu ladziko lamutupo waDjuda. Nathangwe lakukula kwa dziko lidagawanisiwa mutupo waDjuda, mutupio waSimiawu udatambira nhaka yawo pakati paphindi lawo. ¹⁰ Katchitatu adaenda kuna nhaka yamutupo waZebulomi, ese idagawanisiwa ninga zvinaenderana nadzinza lawo. Malire iyawo yakhatangira kuSaride; ¹¹ malire iyakhakwira nakuma dokeradzuwa kuswikira Marala futi iyakhakhuya ku Dabesete; penepo, iyakhatambalara muswikira mukulo uliduze naDjokneawu. ¹² Kubuda Saride, malire iyakhaenda kumabudira dzuwa kuswikira malire naKizilote-Tabor. ¹³ Kubuda penepo, iyakhapinda nakumabudira dzuwa kuswikira Gate-Hefer na Ete-Kazimi; kumasure, iyakhaswika kuRimomi-Metowar ese iyakhazungunuka kuNeani. ¹⁴ Malire yakudzaulu iyakhaendera kukhundu kwa Hanatomi ese yakhaperera ku mukolonga wa Iftaeli. ¹⁵ Mutunhu uyu ukhakhanhiza maluwani iya Katate, Naalali, Sinromi, Idala, na Betrehema. Yakhali maluwani khumi namairi, kukhanhiza nawalalami wawo. ¹⁶ Iyi ndiyo ikhali nhaka yamutupo waZebulomi, ninga zvinaenderana namadzinza yawo, maluwani na walalami wawo. ¹⁷ Katchinai adaenda kuna Isakari, ninga zvinaenderana namadzinza yatche. ¹⁸ Ese dziko latche wakhaerenga Djezraeli, Kezulote, Sunemi, ¹⁹ Hafaraimi, Siomi naAnarate. ²⁰ Kukhanhizawao naRabite, Kiziomi, Abesi, ²¹ Remete, En-Ganimi, En-Hada, na Bete-Pazez. ²² Malire yawo yakhaswika kuTabor, Sazima, na Bete-Semes, futi yakhagumira kuDjorodani; yakhali khumi namatanhatu maluwani na walalami watche. ²³ Iyi ndiyo ikhali nhaka yamutupo wa Isakari, ninga zvinaenderana namadzinza iyawo; maluwani, kukhanhiza nawalalami watche. ²⁴ Katchinai adabuda kwenda kuna mutupo waAseri, ninga zvinaenderana namadzinza yatche. ²⁵ Dziko likhaerenga Helkate, Hali, Betemi, Aksafe, ²⁶ Alameleke, Amade, na Misali. Malire yatche yakhabudira kumabudura dzuwa kwenda ku Karmelo na Siori-Libnate. ²⁷ Kumasure yakhazungunukira kumabudira dzuwa kweda Bete-Dagomi ese yatchienda kuswika kuZebulomi; futi, napenepo, kumukolonga waIftaeli, kudzaulu kuswika Bete-Emeke na Neieli; ese yakhaswika kuKabuli kukhundu lakudzaulu, ²⁸ ese yadathasamuka kuEbromi, Rewobe, Hamomi, na Kenani, kuswikira Sidomi mukulu. ²⁹ Malire yakhaendera kukhundu laRamani; kubudapenepo, kwendera kuluwani lakulonziwa laku Tiro; napenepo, lidakhonera kuHosa ese, kubudapenepo, kwenera kubala, kumutunhu wa Akzibe, ³⁰ Umani, Afeka, na Rewobe. Yakhali makhumi mairi namairi yamaluwani, nawalalami watche. ³¹ Iyi ikhali nhaka yamutupo waAseri, ninga zvinaenderana namadzinza yatche, maluwani na walalami watche. ³² Katchitanhatu adaenda kuna mutupo waNaftali, ninga zvinaenderana na dzinza latche. ³³ Malire yawo yakhabudira Helefe, kubudira Karivali kuswikira Zananimi, kwendera Adami-Nekebe na Djabneli, nadyali ninga Lakumi, ese yakhaperera muDjorodani. ³⁴ Malire yakhazungunukira kumadokera kwenda kuAznote-Tabori ese yakhaendera kuHukoke; ese yakhaswika kuZebulomi, kunyantsi, futi yakaswika ku Aseri kukhundu lakumadokera dzuwa na Djuda kumabudira dzuwa, kun'gambu kwa mukulo waDjorodani. ³⁵ Maluwani yakuchingisiwa yakhali Zidimi, Zeri, Hamate, Rekate, Kinerete, ³⁶ Adama, Ramani, Hazori. ³⁷ Kedesi, Edrei, En-Hazori. ³⁸ Akhalipowo basi Iromi, Migdali-Eli, Horemi, Bete-Anate, na Bete-Semesi. Yikhali maluwani khumi napfemba, nawalalami watche. ³⁹ Iyi ndiyo nhaka yamutupo waNaftali, ninga zvinaenderana nama dzinza yatche, maluwani kukhanziza nawalalami watche. ⁴⁰ Katchinomwe adaenda kuna mutupo waDani, ninga zvinaenderana nama dzinza yatche. ⁴¹ Dziko lanhaka yatche ikhaerenga Zora, Estawoli, Ir-Semesi, ⁴² Salabimi, Aidjalomi, na Itla. ⁴³ Kukhanhiza naElomi, Timnate, ⁴⁴ Ekromi, Elteke, Gibetomi, Balate, ⁴⁵ Djeude, Bene-Barake, Gate-Rimomi, ⁴⁶ Me-Djarikomi, na Rakomi dziko likhali kumberi kwa Djope. ⁴⁷ Dziko lamutupo waDani likhali lidoko kuna iwo; napenepo, dzinza laDani wadaphaiya Lesemi, sosos nairo, ese wadalibvunzira. Iwo wadaphaya wentse namabemha, wadatola dzikolo, ese wadalitonga. Iwo wadatchinja dzina laLesemi ese wadadaidza Dani nathangwe lawatchinyakala wawo. ⁴⁸ Iyi ndiyo nhaka yamutupo waDani, ninga zvinaenderana nama dzinza yatche, na maluwani, kuerenga nawalalami. ⁴⁹ Pawo wadapeza kugawa madziko yawo ninga nhaka, mbumba yaIziraeli wadabudisa nhaka pakati pawo kupasa Djochuwa, mwana waNumi. ⁵⁰ Na mutemo waYahweh, iwo wadamupasa luwani kuti iye adakumbira: Timnate-Sera, mutunhu wamabango waEfraimi. Iye adalilonza ese adalalama penepo. ⁵¹ Izi ndizo nhaka kuti Eleazari, nyantsembe, Djochuwa, mwana waNumi, na nyakwawa wamitupo yawadzinza yawatchinyakale watche pakati pambumba yaIziraeli, wadagawana, nasoloti, kuSiloni, pamberi paYahweh, pakupinda muTendi yaSangano. Nadyali, iwo wadapeza kugawana dziko.