¹ Lelo cacitikile ukuti ulo abantu bashingulukile Yesu elo ninshi baleumfwa kwshiwi lyakwa Lesa, ninshi aliminine kuli bemba wa Gennesaaret. ² Amwene amange yabili baliyakuliile ku mbali ya bemba. Abapalu ba nswi ninshi balifuminemo elo ninshi balesamfya amasumbu. ³ Yesu apateme muli bumo ubwange, ubwali bwakwa Simoni, elo amwebele nokubobelako akatalamukila pali bemba ukufuma ku mulundu. Elo aikele mu bwange nokutampa ukusambilisha abantu. ⁴ Uluntu apwile ukulanda, alandile kuli Simoni ati, ''Pita ubwange ubutwale apatali elo uteye na makoonde yobe pakuti twikate isabi.'' ⁵ Simoni ayasikile nokulanda ati, ''Kanabesa, twacibomba ubushiku bonse, elo tatwacipaya nangu kamo, nomba apo nimwe mwalanda nalateya amakononde.'' ⁶ Uluntu bacitile ifyo, baipeye amasabi ayengi, elo na makonde yakufwaya nokulepuka. ⁷ Eluntu bacebwishe abanabo abali mu bwange bumbi ukuti bese elo nokufwako. Balishile elo nokwiusha yonse amange, icakuti yalitampile nokubunda. ⁸ Nomba Simoni Petelo uluntu abwene ifi, awile pa makasa yakwa Yesu, nokulanda ati, ''Fumeni kuli ne, pantu ndi muntu uwa masambi, Shikulu.'' ⁹ Pantu alipapile, elo nabonse abali naye, pafyo baikete inswi ishingi. ¹⁰ Apo pali Yakobo elo na Yoani ba mwana Zebedee, abalikubomba pamo na Simoni. Simoni alandile kuli Simoni ati, ''Witina, pantu ukutampa fye lelo walaba umupalu wabantu.'' ¹¹ Uluntu bashikile amange yabo ku mulundu, balishile ifintu fyonse elo nokumukonka. ¹² Calishile kufika ulo ali muli umo umusumba, umwaume uwali ne fibashi naye ali kulya kwine. Uluntu abwen Yesu, aliwile ubunkupeme elo nokumupapatila, nokulanda ati, ''Shikulu, nga cakuti ulefwaya, kuti wamposha.'' ¹³ Eluntu Yesu atambalikile ukuboko elo nokumwikata, nokulanda ati, ''Ndefwaya.'' Pola. Apopene pene ne fibashi fyalipolele. ¹⁴ Alimukonkomeshe nokti eebako umuntu nangu umo nomba amwebele ati, ''Kabuye, elo uilange kuli ba shimapepo elo upele ne celambo icakukuwamisha, ukukonka nefyo Mose amikonkomeshe, pakuti cibe ekambone kuli bo.'' ¹⁵ Nomba uululumbi pali yee lwafikile ukutali, elo na mabumba yabantu ayakulu yalishile pamo pakuti yengomfwa ukusambilisha kwakwe elo elo nokuposhiwa kumalwele yabo. ¹⁶ Nomba ilingi alikufuma kuli bo nokuya ku ncende ishali tondolo elo nokupepa. ¹⁷ Caishile kwisa ubushiku bumo muli shilya inshiku ukuti aliksambilisha, elo kwaliko naba Falise elo naba Kasambilisha ba mafunde balikele palya abo abaishile ukufuma kuli cila mushi uwa mu Galillee elo na Yidea elo na Yelusaleemu. Amaka yakwa Shikulu yali naye ayakuposha. ¹⁸ Lelo kwalishile abantu bamo abapitile umuntu pa butanda uwali umulebe, elo balikufwaya inshila iyakuti bamwingishishemo pakuti benga mulalika pa ntanshi yakwa Yesu. ¹⁹ Balifililwe ukusangana apakupitila pamulandu na cinkupiti, eico baile pa mutenge wa ng'anda elo nokupenuna umutenge, nokumupsha pabutanda, pakati ka bantu, panshi fye yakwa Yesu. ²⁰ Pakubona icisumino cabo, Yesualandile ati, ''We mwaume, amasambi yobe yabelelwa uluse.'' ²¹ Bakalemba elo naba Falise batampile ukwipusha ifi, abati, ''Bushe nga uyu ninani uuleponta? Ninani uwingelela amasambi nomba kano fye Lesa?'' ²² Nomba Yesu, ico alishibile ifyo balikutontonkanya, alyasukile elo nokubeba ati, ''Bushe cindo muleipushisha ifyo mu mitima yenu? ²³ Bushe nindo yaanguka ukulanda ati, 'Amasambi yobe yabelelwa uluse' nangu ukulanda ati, 'Pintimuka elo nokwenda?'' ²⁴ Nomba pakuti mwishibe ukutila ati Umwana wa Muntu alikwata amaka pa calo ayakubelela amasambi,''--alandile kumulwele wa bulebe ati--''Nakweba webo, alamuka, pita ubutanda bobe elo nokuya ku ng'anda kobe.'' ²⁵ Apopene alyalamukile kuntanshi yabo elo nokupita ubutanda bwakwe ubo asendemepo. Eluntu afuminepo nokuya ku ng'anda kwakwe, alelumbanya Lesa. ²⁶ Abantu bonse balipapile elo balilumbenye Lesa. Baliketwe umwenso, nokulanda ati, ''Twamona ifyakuibelako ifintu lelo.'' ²⁷ Panuma ifi fintu fyacitikile, Yesu alifumineko kulya elo nokubona kasonkesha wa musonko uwe shina lya Levi alikele apakusonkesesha umusonko. Alandile kuli ye ati, ''Nkonka.'' ²⁸ Eico Levi alimine elo nokumukonka, nokusha ifintu fyonse kunuma. ²⁹ Eluntu Levi ateyanishishe mu ng'anda yakwe amalila ayakulu aykwa Yesu. Mwali bakasonkesha bamusonko abengi mulya mwine elo abantu abengi ebaikele kwi tebulo elo nokulya pamo nabo. ³⁰ Nomba aba Falise elo nabakalemba wabo balikuilishanya ku basambi bakwe ati, ''Bushe nindo mwebo mulila elo nokunwa pamo naba kasonkesha wamusonko elo nabamasambi?'' ³¹ Yesu abasukile ati, ''Abantu abatalwele tabafwaikwa shi ng'anga; kano fye abo abalwele. ³² Ntaishile mu kukuta abakulungama, nomba abamasambi ukuit balapile.'' ³³ Balandile kuli ye ati, ''Abasambi kakwa Yoani ilingi balafunga ukulya elo nokupepa, elo nabasambi baba Falise balacita cimo cine. Nomba abasambi bobe balya fye nokunwa.'' ³⁴ Yesu alandile kuli bo ati, ''Bushe kuti kwaba umuntu uwingekalika abeshile kubwinga ne nsala ulo shibwinga ali nabo? ³⁵ Nomba inshiku shili nokwisa uluntu shibwinga bakamupita nokumufunyakuli bo, eluntu muli isho nshiku bakalekufunga ukulya.'' ³⁶ Eluntu Yesu nakabili alandile ipinda kuli bo. ''Takwaba umuntu uulepula insalu iyipya elo nokuibomfya ukukambika pa cakufwala icakale. Nga cakuti acita ifyo, kuti alepula icakufwala icipya, elo na cikamba ukufuma kucakufwala icipya tekuti cisuntinkane ne nsalu iye laya ilyakale. ³⁷ Takuli umuntu uwingabika umwangashi uupya munsupa iyakale. Nga cakuti acita ifyo, umwangashi uupya kuti walepula insupa, elo nomwangshi kuti walongoloka, elo nensupa kuti yatobeka. ³⁸ Nomba umwangashi uupya ufwile ukubika mu nsupa ishipya. ³⁹ Takwaba umuntu nangu umo panuma yakunwa umwangashi uwakale uwinga fwaya ukunwa uupya, pntu kuti alanda ati, ''Uwakale uli fye bwino.''