1
Nomba calicitikile pa bushiku bwa pa Chibelushi ulo Yesu alikupita mu mabala ya ng'anu, elo abasambi balikusaba imitwe ya ng'anu, balikufikina mu minwe, elo nokulya.
2
Nonba bamo paba Falise epakulanda ati, ''Nindo mukocitila icitaba mu mafunde pa bushiku bwapa chibelushi?
3
Pa kubasuka, Yesu alilandile ati, ''Bushe tamwabelenga ifyo Davidi acitile uluntuntu aumfwile insala, ye elo na bantu ali nabo?
4
Alingile mu ng'anda yakwa Lesa elo alibulile imikate iyalimo elo nokulyapo imo, ali alipeleko na imo ku bantu abo ali nabo nabo nokulya,nangi line abasuminishiwe fye ukulya niba shimapepo.
5
Eluntu abebele ati, ''Umwana wa Muntu e wisikulu wa Chibelushi.''
6
Icacitikile pa Chibelushi cakonkellpo cakuti alile mwi Sinagogi nokusambilisha abantu mulya. Mwali no muntu uwali noku boko kwa kukulyo ukwakulemana.
7
Bakalemba elo naba Falise balikumuceba mupepi pepi pakuti bamone nga cakuti kuti amuposha pa Chibelushi, epakuti basangane icillubo icakumupelelapo umulandu.
8
Nomba ico alishibile ifyo balikutontonkanya elo alandile ku wali nokuboko kwa kulemana ati, ''Talamako elo noku talamana pakati ka aba bonse.'' Eico umuntu alitalame elo nokutalamana palya pene.
9
Yesu alilandile kuli bo ati, ''Ninebo ndemipusha, bushe lifunde ukubomba icintu icabune pa Chibelushi nangu ukonaula?''
10
Elo abaloleshe elo no kweba umuntu ati, ''Ololola icisansa cobe.'' Naye alicitile ifyo fine, elo noku boko kwakwe kwali polele.
11
Nomba bena balipitishe ukukalipa elo elo balikuilabisha pafyo bali noku mucita Yesu.
12
Icacitikile muli shilya shine inshiku cakuti aliile ku lupili mukupepa. Alitwalilile ubushiku bonse uku pepa kuli Lesa.
13
Uluntu bwacile, alikutile abasmbi kuli ye, elo alibaslile abali ikumi limo na babili, abo ebo ainikile ati aba abasambi.
14
Amashina ya aba abasambi bali ni Simoni (uuntu ainikile Petelo) elo na Andele, Yakobo, Yoani, Filipo, Batolomeo,
15
Mateo, Toma, Yakobo umwana wakwa alifasi, Simoni uuntu alikukuta ati Zealoti,
16
Yuda umwana wakwa Yakobo, elo Yuda Iskalioti, uwamusangukile.
17
Uluntu Yesu acilukile palupili na basambi elo ataleme apatambalele pamo na cinkupiti wabasole elo ne mpendwa iikulu iya bantu ukufuma ku Yudea elo ku Yelusaleemu elo naku bushilya bwa Tyre elo na Sidoni.
18
Baishile muku kutika kuliye elo na mukuposhiwa ku malwele yabo. Abantu abaliku cushiwa ne mipashi iyakuwela nabo bene balipolele.
19
Nabonse abali muli cinkupiti balikwesha ukuti bamwikatemo pantu amaka yaku posha abalwele yalikufuma muli ye, elo bonse ali baposeshe.
20
Uluntu aloleshe ku basambi bakwe elo abebele ati, ''Mwalishuka mwebapina, pantu bufumu bwa kwa Lesa bwenu.
21
Mwalishuka mwebaba ne nsala nomba, pantu mukekuta. Mwalishuka mwebalosha nomba, pantu mukaseka.
22
Mwalishuka nga cakuti abantu bamipata, elo nokumipatulako elo noku mituka elo elo nokukana ishina lyenu nga ilibi, pa mulandu fye wa Mwana wa Muntu.
23
Musansamuke pali bulya ubushiku elo musamwe, pantu fye mucine ne cishinka mwaliba ne cilambu icikulu mu mulu, pantu ne fikolwe fyabo fyali kucita ba kasesema mu musango umo wine.
24
Nomba alale ubulanda kuli mwe bakankala, pantu mwebo mwali pokelela insansa shenu akale.
25
Alale we bulanda kuli mwebo mwe baikuta nomba, pantu mukomfwa insala ku ntanshi. Alale we bulanda kuli mwesansamuka nomba, pantu pantu mukalila elo nokulosha panuma.
26
Alale webulanda kuli mwebo nga cakuti abantu bonse balalanda ifyabune pali mwebo, nifyo fine efyo ne fikolwe fyabo fyali kutatakula ba kassesema ba bufi.
27
Nomba ndelanda kuli mwebo mwebale ng'umfwa, mulekutemwa abalwani benu elo mulekubacitila ifyabune abo abamipata.
28
Mulekupala nabo abamitipa elo mulekupepela nabo bonse abamicusha.
29
Kuli uyo uwakutoba ulupi kwi saya, umupele akutobe nakwi saya li nakwe. Nga cakuti umo akubulila icakufimba cobe, umulekele ne cakufwala.
30
Mulekupela kuli uyo onse uwamilomba. Nga cakuti umo amibulila icintu cenu, mwimweba ukuti amibweseshe.
31
Filya ifyo mufwaya abantu ukucita kuli mwebo, ifyo fine efyo mucite nakuli bo.
34
Nga cakutila mwatemwa fye abantu abamitemwa, nga cilambu ndo mwebo bakamipela? E cimo icne naba masambi nabo batemwa abo aba batemwa.
32
Nga mucita ubune kubantu abamicitila ifintu ifyabune, bushe cilambu ndo mwebo mukapoka? E cimo cine naba masambi efyo bacita.
33
Nga cakutila mwashimisha fye abantu abo mucetekele ukuti bakamibwesesha, bushe cilambu ndo bakamipela? E cimo cine naba masambi nabo bene bashimisha abamasambi, kali nokupoka icipendo cimo cine.
35
Nomba mulekutemwa abalwani benu elo mulekubacitila ne fyabune. Mulekubashima ukwabula ukucetekela ukuti bakamibwesesha, elo icilambu cenu cikaba icikulu, elo mukaba abana bakwa Lesa Mukulu, pantu ena wa cikuuku kuba miponto elo nakubacita ifyabubi bene.
36
Mulekuba no luse nga filya fine aba no luse.
37
Mwilakupingula, elo na mwebo tabamipingule. Mwilakupela umuntu umulandu, elo namwebo tabamipele umulandu. Mulekubelela abanenu uluse, elo namwe bakamibelela uluse.
38
Mulekupela abanenu, elo namwe bakamipela. Bakamipela nokumibikilapo icipimo icakwisula sululu, icakushindailwa no mupasako. Pantu icipimo ico mupiminako eco namwe bamipiminako.
39
Eluntu nakabili alibebele umulumbe. ''Bushe uwakupofula kuti atungulula uwakupofula munakwe? Nga cakuti acita, ninshi bonse babili kuti baponena mu cilindi, bushe tekuti baponene?
40
Umusambi tekuti akulepo pali kasambilisha, nomba uuli fye onse uluntu bafikapo ukumusambilisha nao wine akaba fye nga kafundisha wakwe.
41
Bushe nindo ulolesesha akapampaliba akali mulinso lya munobe, nomba wa filwa ukumona umulando uuli mu linso lyobe?
42
Bushe nindo wingebela umunobe auti, 'Munyina, isa nkufumye aka pampaliba ako kali mu linso lyobe; eluntu webo we mwine taulemona umulando uuli mu linso lyobe? We bumbi munda we! Utampilepo ukufumya umulando uuli mu linso lyonse, elo eluntu walalolesha bwin nokufumya akapampaliba mu linso lyakwa munonko.
43
Pantu takwaba icimuti icabune ico icitwala ifisabo ifyakubola, nangu icimuti icakubola ico icitwala ifisabo ifyabune.
44
Pantu icimuti icili conse cishibikilwa ku mutundu wa fisabo uuntu citwala. Pantu abantu tekuti basbe imkunyu ku cimpusa ica myunga, nangu ukusaba ifisabo fya myangashi kuli nkololo.
45
Umuntu uwabune alanda ifintu amashiwi ayabune ukufuma mu cipao ca mutima wakwe uwabune, elo no muntu uwabubi alanda amashiwi aya bubi ukufuma mu cipao cakwe ica mutima uwa bubi. Pantu akanwa ka muntu kalanda ifyaisula mu mutima wakwe.
46
Bushe findo mwebo munkutila ati, 'Shikulu, Shikulu' elo ninshi mwebo tamukonka ifintu ifyo nebo myeba?
47
Umuntu onse uwisa kuli nebo elo nokumfwa amashiwi yandi elo noku yakonka, nala myeba ifyo uyu muntu aba.
48
Ala aba nga ulya umuntu uwakuti lilya alakuula ing'anda, aimbile umufola uutali elo akula ing'anda yakwe pa libwe ilyakukosa. Uluntu mulamba aishile, alikupuma mu ng'nda nomba ing'anda teyakusunkana awe, pantu yali kulilwe bwino.
49
Nomba uyo uumfwa amashiwi yandi tayakonka, aba nga ulya umuntu uwakulile ing'anda yakwe pa mushili apabula umufola. Uluntu mulamba vbaishile alipumine mu ng'anda awe bwangu bwangu yaliwile, elo yalibongolokele icabipisha.''