¹ Eluntu Yesu, ninshi aliswilemo na Mupashi wa Mushilo, alibwelele ukufu ku mumana wa Yordani elo alitumgulwilwe na Mupashi ukuya mu matololo, ² umo panshiku amakumi yane alitunkilwe na Satatna. Talilepo icintu nangu cimo pali shilya inshiku, elo namukupelekesha alyumfwile insala. ³ Satana alandile kuli ye ati, ''Nga cakuti webo uli Mwana wakwa Lesa, eba aya amabwe yaluke umukate.'' ⁴ Yesu amwasukile ati, ''Calilembwa ukuti, 'Umuntu tekalila fye ku mukate weka.''' ⁵ Eluntu Satana atungulwile Yesu pa mulu elo nokumulangisha yonse amabufumu yapa calo mu nshita fye iinono. ⁶ Satana alandile kuli ati, ''Ndekupela ubu bufumu ne nsambu elo no bukata, pantu fyonse palipelwa kuli ne, elo kuti nafipela naku muntu uo ndefwaya. ⁷ Eico kanshi, nga cakuti wafukama no kumpepa, cileba conse.'' ⁸ Nomba Yesu alyasukile elo nokulanda kuli ye, ''Calilembwa ukuti, 'Ufwile ukupepa Shikulu Lesa, elo ufwile ukupepa fye eka.'' ⁹ Eluntu Satana atungulwile Yesu ku Yerusaleemu elo nokumutwala pa kantungweulu ke tempele, elo nokulanda kuli ye, ''Nga cakuti ului Mwana wakwa Lesa, ipose panshi ukufuma pano. ¹⁰ Pantu calilembwa ukuti, ''Akakonkemesha bamalaika bakwe pali webo, noku cingilila,' ¹¹ elo 'Bo bakasumbula mu maboko yabo, pakuti wikaipununa akakondo ku libwe nangu limo. ¹² Pakumwasuka, Yesu alandile ati, ''Calilembwa ukuti, 'Wilakwesha Shikulu Lesa obe.''' ¹³ Uluntu Satana apwile ukwesha Yesu, alifuminepo elo nokuya mpaka ubushiku bwakonkelepo. ¹⁴ Eluntu Yesu abwekelemo ku Galilee mu maka ya Mupashi, elo ne lyashi pali ye lyali salangene monse mucitungu icashingulukile. ¹⁵ Eluntu atampile ukusambilisha mu ma sinsgogi yabo elo nabonse balikumulumbanya. ¹⁶ Alishile mu Nasaleti, umo umuntu akulile, elo, pamo nge fyali ulutambi lwakwe, alingile mu sinagogi pa bushiku bwa pa chibelushi elo aliminine nokubelengesha. ¹⁷ Icitabo cakwa kasesema Esaya calipelwe kuli ye. Aliswile icitabo elo nokusangana incende apalembelwe ati, ¹⁸ ''Umupashi wakwa Shikulu waba pali ne, pantu nebo nalisubwa ukulanda imbila nsuma u balanda. Alintuma kukusambilisha ukukakulwa kuba bakakwa elo nokupela amenso ku mpofu, ukulubula abafyengwa, ¹⁹ nokubila umwaka Shikulu akapususha abantu bakwe.'' ²⁰ Eluntu akupikile icitabo, nokucipela kuwalikucisunga, elo aikeleko. Na menso ya bantu bonse abali mu sinagogi balitontele amenso pali ye. ²¹ Atampile kuli bo ati, ''Lelo ili lembo lya fikilisha mu matwi yenu.'' ²² Bonse abali mulya balikulanda ifya bune pali ye elo balipaile pa mashiwi ayabune ayalikufuma mukanwa kakwe, elo balikwipusha ati, ''Bushe uyu te uyu umwana wakwa Yusufu?'' ²³ Yesu aladile kul bo ati, ''Icine mulefwaya ukulosha ili pinda kuli nebo ilyakuti, ''Shing'anga iposhe we mwine.'' Ifintu fyonse twaumfwile walikucita mu Kapenamu, ficite namuno mwine mumushi obe.''' ²⁴ Nomba alandile kuli bo ati, ''Ndelanda icine kuli mwebo nati, kasesema tapokelelwa mu mumushi mu mwakwe. ²⁵ Nomba mucine Ndemyeba ukuti mwali bamukamfwilwa abengi mu Israeli pa nshita yakwa Eliya, uluntu uluntu umulu waisalikilwe pa myaka itatu elo ne myeshi mutanda elo ne cipowe icikulu caliponene muli cilya calo. ²⁶ Nomba Eliya tabamutumine nangu kuli umo pali abo, nomba amutumine ku Zarephath uwa mu Sidoni, kuli mukamfwilwa uwalikwikala kulya. ²⁷ Kwali aba fibashi abengi mu nshita yakwa kasesesma Elisha, nomba taposeshepo nangu umo pali abo kano fye Naamani umwina Siria.'' ²⁸ Bonse abantu abali mu sinagogi balifulilwe nganshi uluntu baumfwile aya amashiwi. ²⁹ Balimine, nokumutamfisha kunse ya mushi, elo bamutwele pakantungweulu ka lupili apo apakulilwe umushi wabo, epakuti benga musunkila panshi ukufuma palya. ³⁰ Nomba apapitile pakati kabo elo aile naku ncende imbi. ³¹ Eluntu aie ku Kapenamu, umusumba uwamu Galile, elo atampile ukusambilisha pa bushiku bwapa Chibelushi. ³² Bonse balipapile pafyo alikusambilisha, pantu alikulanda nensambu. ³³ Nomba mu sinagogi mwalimo no muntu uwali ne ngulu, elo alilile mwishiwi ilikulu, ³⁴ ''Ala! findo ulefwaya kuli fwebo, Yesu uwaku Nasaleti? Bushe wishile mukutonaula? Ndi kwishibile--we wamushilo uwakwa Lesa!'' ³⁵ Yesu alikalipile ingulu, nokuyeba ati, ''Ikala shilili! Mufumemo!'' Eluntu ingulu yamufuntwile panshi pakati kabantu bonse, yalimufuminemo, elo ukwakubula ukumucena napanono. ³⁶ Abantu bonse balipapile, elo balikonkenyepo nokulekulanda pakati kabo. Balikulanda ati, ''Nga iyi imisambililishe ya musango nno? Alekalipila ne mipashi iyakukowela ne nsambu elo na maka elo nayo yafuma. ³⁷ Eico ilyashi pali ye lyalile ululumbi mumncende shonse ishashingulukile cilya icitungu. ³⁸ Eluntu Yesu afumine mu sinagogi elo nokwigila mu ng'anda yakwa Simoni. Nomba nyina fyala wakwa Simoni alikentwe nempepo iikulu, elo balimuppatileko kuli Yesu. ³⁹ Eico aliminine mupepi naye elo nokukalipla impepo, elo yalimulekeleko. Apo pene alyalamukile nokutampa ukumutumika. ⁴⁰ Uluntu akasuba kali mukuwa, abantu baliletele abantu kuli Yesu abalwele amalwele ayakupusanapusana. Alitambalikile amaboko yakwe pali bo elo nokuba posha. ⁴¹ Nemipashi yakukowela nayo yalikufuma muli bo, yalikulila no kulanda ati, ''Webo uli Mwana wakwa Lesa!'' Yesu alikalipile imipashi yakuwela elo nokuyeba ukwikala shilili, pantu shalishibile ukuti e Kristu. ⁴² Uluntu bwacile, alifumine nokuya kwikala ku ncende ukwafiseme. Amabumba ya bantu yalikumufwaya elo baishile noko ali. Balyeseshe nokuti efuma uko bali. ⁴³ Nomba alandile kuli bo ati, ''Ndlingile ukubila imbila nsuma iya bufumu bwakwa Lesa naku misumba naimbi, pantu ecalengele ukuti Tata antume ukwisa pa calo.'' ⁴⁴ Eluntu atwalilile nokubila imbila nsuma muma sinagogi mu Yudea monse.