¹ Mu mwaka wakulenga ikumi na isano mukuteka kwakwa Tiberia Kaisale--ulo Ponsio Pilato ewali cilolo wamu Yudea, Herodi ewali kuteka mu Galilee, Filipo ndume yakwe ewalikuteka mu ctungu ca Ituraea elo na Trachonitis, elo na Lysanias ewali kuteka mu Abilene, ² munshita yakwa shimapepo mukulu uwamu Annaa elo Caiaphas--ishiwi lyakwa Lesa lyaishile kuli Yoani umwana wakwa Zacharia mu matololo. ³ Aile mucitungu conse icashingulukile Yolodani, alebila pa lubatisho lwakulapila pakubelelwa uluse ku masambi. ⁴ Pamo nge fyo calembwa mu citabo ca mashiwi yakwa Esaya kasesema, ''Ishiwi lya uulekuta ukufuma mu matololo lileti, 'Teyanyeni inshila yakwa Shikulu, olololeni imisebo yakwe. ⁵ Imikonko yonse ishikwe, elo impili shonse elo ne fyulu mufilinganye, imisebo yonse iyakushokana yololoke, elo ne misebo iyatupili ilingane, ⁶ elo nabantu bonse bakabona ipusukilo lyakwa Lesa.''' ⁷ Eico Yoani alandile ku mabumba ayalikwisa mukubatishiwa kuli ati, ''Mwe bana ba mafwafwa mwe! Bushe ninani uwamicenjesha ukubutuka ku bukali ubo ubuleisa? ⁸ Eico kanshi, mulekutwalo ifisabo ifyakulanga ati mulilapile, elo mwitampa ukulekutontonkanya ati, 'Twalikwata Abrahamu nga shifwe,' pantu ndemyeba nati Lesa kuti kuti aimya abana bakwa Abrahamu ukufuma kuli aya amabwe. ⁹ Npa pene Lesa alimishe isembe ilyakuputawilako imishila ya fimuti. Kanshi ne cimuti conse icitakotwala ifisabo ifyabune bakacitema elo nokuciposa mu mulilo.'' ¹⁰ Eluntu cinkupiti wakonkenyepo ukumwipusha, nokulanda ati, ''Nindo kanshi tufwile ukucita?'' ¹¹ Alyasukile elo nokulanda kuli bo ati, ''Nga cakuti umo alikwete ififwalo fibili, afwile ukwabanyako umuntu uutakwete nangu kamo, elo uyo ukwete ifilyo afwile ukucita icintu cimo cine.'' ¹² Bakasonkesha bamisonko nabo balisile mukubatishiwa, elo balandile kuli ye ati, ''Kasmbilisha, bushe findo tufwile ukucita?'' ¹³ Alandile kuli bao ati, ''Mwilakupoka indalama ishingi ukuchila pafyo bamyeba ukulekupoka.'' ¹⁴ Bamo abashilika nabo balishile elo nokumwipusha, nokulanda ati, ''Bushe nga fwe? Findo ifyo tufwile ukucita?' Alandile kuli bo ati, ''Mwilakupoka indalama ku muntu uuli onse ukubomfya ulucu, elo mwilakubepesha umuntu nangu umo. Mulekusekela mu malipilo yenu.'' ¹⁵ Lelo ico abantu bo balikupembela Kristu ukwisa, cila muntu alikutontonkanya mu mutima yabo palwakwa Yoani, nokweba ati limbi kuti aba e Kristu. ¹⁶ Yoani alyasukulie nokubeba bonse ati, ''Palwandi nebo, Mbatisha ku menshi, nomba kuli umo uuleisa uwakwatisha amaka ukucila pali Ne, elo ntalingile nokukala intambo sha nsapato shakwe. Akalekumibatisha kuli Mupashi wa Mushilo elo naku mulilo. ¹⁷ Ulupe lwakwe luli mu minwe yakwe kukuwamya bwino bwino ulubansa lwakupelepo elo nokulonganya ing'anu mu butala bwakwe. Elo akoca imisungu no mulilo uyo uutanga shiwilwa.'' ¹⁸ Namukulumbanya ukwingi, Yoani alikubila imbila nsuma ku bantu. ¹⁹ Uluntu Herodi uwalikuteka bamukenye ukupa umukashi wakwa wabo Herodiasi, elo napafintu nafimbi ifyabubi ifyo Herodi acitile, ²⁰ alifisankenye fyonse pamo, icalengele nokuti alibike na Yoani mu cifungo. ²¹ Lelo yalifikile inshita iyakuti, uluntu bonse abantu babatishiwilwe, Yesu naye alibatishiwilwe, elo ali alepepa, umyulu yalisukile, ²² elo Umupashi wa Mushilo waishile pali ye ukubati ni nkunda, elo ne shiwi lya shile ukufuma mu mulu aliti, ''Niwe Umwandi, uo natemwa. Ni muli we emo ncankilwa.'' ²³ Uluntu Yesu atampile imilimo yakwe iyakubila icebo, ali ukushinta ku myaka amakumi yatatu. Ali umwana umwaume( ngefyo caishibikilwe) uwakwa Yusufu, umwana wakwa Heli, ²⁴ Umwana wakwa Mattati, umwana wakwa Levi, umwana wakwa Melki, umwana wakwa Yannai, umwana wakwa Yusufu. ²⁵ Yusufu ali mwana wakwa Mattatiasi, Umwana wakwa Amosi, umwana wakwa Nahumu, umwana wakwa Esli, umwana wakwa Naggai, ²⁶ umwana wakwa Maati, umwana wakwa Mattatiasi, umwana wakwa Semeini, umwana wakwa Yoseki, umwana wkwa Yoda. ²⁷ Yoda ali umwana wakwa Yoanani, umwana wakwa Rhesa, umwana wakwa Zerubbabeli, umwana wakwa Salatieli, umwana wakwa Neri, ²⁸ umwana wakwa Melki, umwana wakwa Addi, umwana wakwa Kosamu, umwana wakwa Elmadamu, umwana wakwa Eri, ²⁹ umwana wakwa Yoshua, umwana wakwa Eliasa, umwana wakwa Yorimu, umwana wakwa Mattati, umwana wakwa Levi. ³⁰ Levi ali mwana wakwa Simoni, umwana wakwa Yuda, umwana wakwa Yusufu, umwana wakwa Yonamu, umwana wakwa Eliakimu, ³¹ umwana wakwa Melia, umwana wakwa Menna, umwana wakwa Mattata, umwana wakwa Natani, umwana wakwa Davidi, ³² umwana wakwa Yesse, umwana wakwa Obedi, umwana wakwa Boazi, umwana wakwa Salmoni, umwana wakwa Nahshoni. ³³ Nahshoni umwana wakwa Amminadabu, umwana wakwa Adimini, umwana wakw Arni, umwana wakwa Hezroni, umwana wakwa Perezi, umwana wakwa Yudah, ³⁴ umwana wakwa Yakobo, umwana wakwa Isaaki, umwana wakwa Abramu, umwana wakwa Terrah, umwana wakwa Nahor, ³⁵ umwana wakwa Serugi, umwana wakwa Reu, umwana wakwa Oelegi, umwana wakwa Eber, umwana wakwa, shelah. ³⁶ Shelah umwana wakwa Kainani, umwana wakwa Arphaxadi, umwana wakwa Shemu, umwana wakwa Noah, umwana wakwa Lameki, ³⁷ umwana wakwa Metusela, umwana wakwa Enoki, umwana wakwa Yaredi, umwana wakwa Mahalaleli, umwana wakwa Kainani, ³⁸ umwana wakwa Enosi, umwana wakwa Seth, umwana wakwa Adamu, umwana wakwa Lesa.