¹ Elyo Yesu aleenda ukufuma kwi tempele, umo uwa mubasambi alimwipwishe ati, ''Mwekasambilisha, moneni amabwe ukuyemba kabili nefikulwa ifisuma!'' ² Atile kuli ena, ''Naufimona ifi fikulwa fikalamba? Tapakabe libwe likashala pelibwe libiye fyonse fikawa.'' ³ Elyo aikele palupili lwami olife apalungatene na pe tempele, Petulo, Yakobo, Yoani na Andileya bamwipusha kumbali, ⁴ ''Twebe, nililali ifi fiili nokucitika? Bushe fishibilo nshi ifyakwishibilako ilyo fikalacitika?'' ⁵ Yesu ayambile ukubeba ati, Mube abacenjela ukuti takuli nangu umo uwakumilufya. ⁶ Abengi bakeshila mwishina lyandi nokulanda ati, 'Einewine,' kabili balinokulufya abengi. ⁷ Elyo mukomfwa inkondo, necilumbilila cankondo, mwikasakamana; ifi fintu fikacitika, lelo impela tailafika. ⁸ Uluko lukemina uluko lubiye, na ubufumu bukemina ubufumu bubiye. Kukaba ifinkunka nefipowe muncende ishingi. Iyi entendekelo yakufyalwa kwa bukali. ⁹ ''Abaicingilila. Pantu mukapelwa kufilye, na ukumilopaula mu Sinagogi. Mukeminina kuli bakateka neshamfumu pamulandu waine, ukuba ngecakumwenako kuli bena. ¹⁰ Leelo imbila nsuma ikaba iyakubalilapo ukubilwa mwisonde yonse. ¹¹ Elyo bakamikata nokupelwa, mwikasakamana pafyo mukalanda. Pantu pali kalya kashita, ifyo mukalanda fikapelwa kuli imwe; teimwe mwebene mukalanda, lelo nimu pashi wamushilo. ¹² Munyina akepaya munyina, na wishi akepaya umwana. Abana bakemina abafyashi babo nokubepaya. ¹³ Onse ali nokupatwa pamulandu weshina lyandi. Lelo uukafika kumpela, ena akapusuka. ¹⁴ Elyo mukamona icamuselu necipomona naciminina apo tacifwile ukwiminina(Lekeni uulebelenga akutuluke), Lekeni abo abali mu Yudeya babutukile kumpili. ¹⁵ Lekeni uuli pamutenge wang'anda eika nokwingilamo ukuti engasendamo icili conse, ¹⁶ kabili lekeni uuli kumabala ebwelelamo ukuyasenda indeleshi yakwe. ¹⁷ Akalanda kuli abo abali namafumo elyo nabaleonsha abana babo pali ilya nshita! ¹⁸ Lombeni ukuti fikacitika mumupepo. ¹⁹ Kuli shilyanshiku kukapona ubucushi. ici tacakabe ngecapacitendekelo, elyo Lesa alebumba isonde, ukufika nelelo kabili takwakabe nangu umo nakabili. ²⁰ Kano Lesa aipifya inshiku, takwakabe umunofu uukapusuka nakalya. Lelo pamulandu wabasalwa abo asala alacefya inshiku. ²¹ Kabili ngacakweba ati umo amweba ati, 'Moneni, umupusushi ali kuno!' nangu ati 'Moneni, ali kulya!' mwikasumina. ²² Aba Kristu babufi elyo na bakasesema wabufi bakamonekela kabili bakapanga ifishibilo nokucite ifipapwa elyo cingacitika, nabasalwa. ²³ Beni abaibukila! namyebela limo panshita. ²⁴ Lelo panuma yashilya nshiku shakumanama, akasuba takakasanike nakalya, umweshi tawakabalike nakalya, ²⁵ nentanda mumulu shikatenkana, elyo namaka yamumulu yakatenkanishiwa. ²⁶ Kabili mukamona umwana wamuntu aleisa ukufuma mumulu namaka ayakalamba kabili nobukata. ²⁷ Kabili akatuma bamalaika elyo akakolongana nabo asala ukufuma kumwela une nokubafinya pacalo nokufika kumpela yamulu. ²⁸ Sambilileni ku cimuti camukunyu. Cayambile ukulukusha amabula yaciko, ninshi mwishibe ukuti ulusuba lyapalama. ²⁹ Eico elyo, mwamona ifi fyayamba ukucitika, mwishibe ukuti alimupepi, ukupalamina pa mpongolo. ³⁰ Ndemweba icine cine nati, iinkulo tayakapite mpaka fyonse fikacitike. ³¹ Isonde ne myulu fikapita, nomba amashiwi yandi tayakapite. ³² Nomba pali bulya bushiku nangula umo uukeshiba, takuli nangu nibamalaika mumulu, nangu mwana, kanofye tata. ³³ Loleni! Nokumona, pantu tamwakeshibe akashita loleni kabili nokupepa. ³⁴ Cili nga umuntu uwafumapo nokusha ing'anda yakwe nokubikamo ababomfi bakwe amaka, cilamuntu nomulimo wakwe kabili aeba malonda ukuti alemona. ³⁵ Eico loleni pantu tamwishibe ilyo umwine wa ng'anda akesa; kuti caba icungulo, pakati ka bushiku, nalimo kukulila kwakwa mukolwe nangula mulucelo celo. ³⁶ Ngaisa mukupuminkisha, tafwile amisanga namulala. ³⁷ Eico naeba imwe naeba bonse: Loleni!''