¹ Jizu siaru ku Supitu Santu, bi de Jordão, Supitu békuê lugê penderu. ² Kuana kuin ria demônô tenté; ê na mé wa; Ê bi tê fome. ³ Sô demônô fa ré: Xi bô sa na Dêsu, fa buru é pê bila mpó. ⁴ Jisu kundjié: Ê sa sisikaru mê na sa mpó sô ngê ka vevia kuê wa. ⁵ Sô demônô békuê londé, misé turu lênu tia. ⁶ Demônô faré: Nga rô turu kué; punda a da mbêlê, nga pô ra ngêxi ma mêsê. ⁷ Nga pô ra ô êlê xi bô lata nome un ba diba. ⁸ Jizu kundjié: Ê sa sisikaru: Dêsu sô a ka adora, Êlê sô a ka xivi. ⁹ Ê tô békuê Jeruzalem, pê lugé ngéza maxi londé, sô fé; Xi bô sa ná Dêsu, sata fô ingê ba vaji. ¹⁰ Punda ê sa sisikaru ma: ¹¹ Dêsu ka manda anzu rê pa ane tê ô mon pa ô na ra pê buru wa. ¹² Jisu kundjié: Ê sa faru: Na tenta Dêsu ô wa. ¹³ Ala demônô lóké ku turu ane tentasó é, ê bêrê fô zuntu jizu. ¹⁴ Sô Jizu, ni pôrê supitu, tô bêrê Galileia, turu region é ndê fama Jizu. ¹⁵ Ê ta ka xina ni turu sinagoga, turu ngê ta ka gôgô kuê. ¹⁶ Ê bi Nazaré, lugê ma kié né, tô létxa mora kostume rê, ni Sábaru, ni ngêza; latá pê lê. ¹⁷ A dé livo profeta Isaia; mê birié, ê bê lugé mê mêsê lê. ¹⁸ Supitu sumu sa diba un, punda un sa unjiru rê de fa ra pobli, ¹⁹ de txia ngê sa pézu tô biri uê ségu, pa oprimiru sa livi, de musa turu ngê ma Dêsu mêsê zura turu ngê. ²⁰ Ê fisa livo, da ngêsi ta nha ka pia, sô taso. Turu ngê ta ngêza bila uê ka pié. ²¹ Sô ê comesa ka fa ane: Hozé eskritura é sa kupliru ni ôria sê. ²² Turu ngê ta ka ra testemunhu rê, ka gôgô turu kua buaru mê ta ka txia boka; Na sa ixié ná Jozé wa? ²³ Sô ê fa ane: Sê dúvida provérbio é ka fa: Dôtolo ka kula êlê mê; Ka ji turu ni tia ô mora non ndê mê sa jiru ni Kafarnaum. ²⁴ Ê fa: Véré nga fa sê ma néwã profeta na ka sa resebiru buaru ni tia rê mê wa. ²⁵ Sô ni véré nga fa sê ma iô mengai sê ome sa Israel ala ma Elias tanhá, ala osé fisá têsi anu ku samanó mêji, ku ra kua fome létxa tia. ²⁶ Maji a na manda nêwã ane ba lêlê Elias wa, xi ê na sa wã mengai sê ome ku ka ta Sarepta re Sidom. ²⁷ Nha ta ku iô leproso ni Israel ala ma pofeta Elizeu ta nha; maji néwã ane na fika limpo wa, maji néwã ane na fika limpo wa, xi ê na Naamã, sírio. ²⁸ Turu ngê ni ngêza, ala ma ane ndê ane kuéé, ane tua léva. ²⁹ Ane láta, kôlê kuê fô poso, békuê londé lugê ma ji poso né, pa ane zugê ba vadji. ³⁰ Maji ê la katxi ane, bêrê. ³¹ Ê dêsê ba Kafarnaum, poso Galileia; sábaru ê ta ka xina. ³² Ane admira kua mê ta ka xina, punda lumbarê ta ku mpénhu. ³³ Ni ngêza wã ome ta nha ku supitu de wã demônô suzu, gita ku fôsa: ³⁴ kua má non tê ku bô, Jizu Nazarenu? Bô bi distrui non? un ta gê môsa: Santu Dêsu. ³⁵ Sô Jizu kôlê kuê, fa: Kabóka xiê ongê rê. Demônô zugê pê só zuntu turu ngê, xiê fô ongê rê sê jié mali. ³⁶ Turu ane fika admiraru, ka fa wã ra ôtô: Kua sa palava é, atê supitu suzu ka ndê kua mê ka fa, ka xiê fô ongê ngê. ³⁷ Fama rê kôlê ni turu lugê ni turu region. ³⁸ Jizu láta ni ngêza, létxa kai Simon. Soga Simon ta ku féblé fogaua, ane pindji pê kulé. ³⁹ Ê baza zuntu mengai é, fa féblé é pê xiê fô mengaié. Wélé wélé mé mengaié lata ba xivi ane. ⁴⁰ Ala ma suku ta ka kubi, ane bi ku iô ngê ku ta ka duêtxi. Ê ta ka pê mon diba ane ka kula ane. ⁴¹ Iô demônô ta ka xiê fô ane, ka ngita ka fa: Bô sa ná Dêsu. Ê ta ka reprendê ane, na ta ka désa ane fa wa, punda ane ta mê sa Jisu. ⁴² Ni pomonha, Ê ba lugê penderu. Iô ngê ta ka ngolo é; ane bê, ane ta ka ngolo pê pézu. ⁴³ Sô Ê fa ane: Sela un anunsia evangelho lênu Dêsu ra turu poso; punda kué ê manda Un bi. ⁴⁴ Ê ta ka prega ni ngéza Judeia.