¹ Ni kui tano anu lenu Tiberu Sezaru, ola Ponsiu Pilatu ta ka govena ni Zureia, so Herori, ta ka govena ni Galileia, so naamo re Filipi, ta ka Govena ni rejion ri Itureia, so trakoniti kui Lisania, govenarura Abileni, ² gina ola ane sumu saseroti, Anas ku Kaifas, so lumba Desu bi ra Zon, mosu ri Zakaria, ni nga kutaru. ³ Ê nda rê turu kiba ni borô jurdon, ka fa ni butismu ri lependmentu, ra peron pekaru ⁴ Mora ê sa sisikaru ni livu ane lumba ri pofeta Zaia: vozi ku ka ngita ni nga kutaru dete mondja ra Sun, zi mondja re sa fimi. ⁵ Turu vala ka sa siaru, turu mùndu ku kolina ka sa bazaru; ane mondja zendekaru kasadetu , so ane mondja zendekaru ka baza ziru detu: ⁶ so turu nkenu ka be savason ri Desu''. ⁷ Anto Zon fa yo nkenu ku ta ka bi pa sa butizaru ra êle: Sé sa lasa kiongo! Nguei manda se konde di leva ku se ka bi? ⁸ Sô zi kua buaru ku sa lependementu, na komesa ka fa ni katxi sê: Non tê Ablon mora tata non!', punda an nga fa se ma Desu ka poi lata na ra Ablon ate ni buru sié. ⁹ Zo masaru sa peru za zuntu ri lezi anè pô. So turu pô ku na ka ra kua buaru wha ê ka sa kotaru so zugaru ni fogô''. ¹⁰ So ane nkenu ta ka puté so fa:''anto kua non ka po zi?'' ¹¹ Ê kundji, so fa: ''so nkenu ku te dousu kabisi, e ka ra nkenu ki na te wha, nkenu ku te mè ka zi mora é mé''!. ¹² Anto oto nkenu ku ka kobra koleta , bi tè pa sa butizaru, puntè: Mesè , kua ma non ka po zi?''. ¹³ So Zon fa ene: Na koiè lelu maxi motxi ixi ma manda sê Wha. ¹⁴ Ôtô sôre te punte so fa:'' E non tê.? Kua ma non ka pô zi?'' So e kundji:'' Na tua lelu nkenu fosaru wha, na lata nkenu fasu. Konteta ku lelu ma ô ka nganha''. ¹⁵ Mora ma povo ta ku vonte ka wara Kistu turu ane tava ka kunda ni koso ane ma Zon ka sa Kistu. ¹⁶ Zon kundji ane so fa : Ra an so an nga butiza ku aua, mazi ê ka bi nkenu ku te pore maxi dõkê an na sa buarutia koro sapatu re wha. Ê ka butiza ku Supitu Santu so ku fogô. ¹⁷ Ê sa ku apa ni mon re di ripa ku kuraru mali Re sa pe zunta tigo ni luge re. Mazi e ka kema ane paia ku fogo ku na ka po pagawha. ¹⁸ Ku yo oto konse, Zon ta ka pega vanjelu ra povo. ¹⁹ Ê lependé Herode, govenadoru, punda e tava kazaru ku mengay naamo re, Herodiaso yo oto kua dingi ma e ta ziru. ²⁰ so anda e to pe turu ane, pa pe Zon ni pezu. ²¹ Ra kua anto ola ma nkenu ta ka butiza ni Zon, Jizu te foi butizaru, so ola me ta ka zi lason onse biri; ²² so Supitu Santu dese ate Êlè ni mora kopuera , moa wa pômba. Ane nde wha vozi ri onse. Bô sa Na Um ma nga Ama, ni Ô Un te gosto. ²³ Ola Jizu komesa suvisu Re, Ê ta trinta anu. Ê foi na Zoze (mora a ta pensa), na Eli, ²⁴ na ri Metate, na ri Levi, na ri Melki, na ri Jani, na ri Joze, ²⁵ na ri Matatia, na ri Amos, na ri Naun, na ri Esli, na ri Nagai, ²⁶ na ri Maate, na ri Matatia, na ri Simei, na ri Joseque, na ri Joda. ²⁷ na ri Joanã, na ri Resa, na ri Zorobabel, na ri Salatiel, na ri Neri. ²⁸ na ri Melqui, na ri Adi, so na ri Kosã, na ri Elmo, ²⁹ na ri Er, na ri Josue, na ri Elieze, na ri Jorin, na ri Matati, na ri Levi. ³⁰ na ri Simon, nari Zura, na ri Joze, na ri Joana, na ri Eliakim. ³¹ na ri Melea, na ri Mena, na ri matata, na ri Natã, na ri Davi. ³² Na ri Jesse, na ri Obede, na ri Boas, na ri Sala, na ri Nassom. ³³ Na ri Abinadabe, na ri Admin , na ri arni, na ri Eskron, na ri Peres, na ri Zura. na ri Jako, ³⁴ na ri Isaki, na ri Abron, na ri Tera, na ri Naor, ³⁵ na ri Serugue na ri Ragau, na ri Fareki, na ri Eber, na ri Sala. ³⁶ Na ri Kaina, na ri Arfaxade, na ri sem , na ri Noé na ri Lameki,. ³⁷ Na ri Matusalem, na ri Enoki, na ri Jaredi, na ri Maleleel, na ri Kaina. ³⁸ na ri Enos , na di Sete, na ri Adon , sô Adon ri Dêsu.