¹ Apolosan injen pi jo korintus san, Paulusan malaloi insa banua na mondok jo Efesusan laloang sidua nana ara murid ta injene. ² Paulusan mananya jo arenan," Mamin nain aika manarima sumangat borese, jo tikain parsayaan ?" arenan pun manyuti ," Injupi, Ingkaman injupam kala mandalinga barakat ³ Paulusan pun batanya," nana aika kin paramandi i ?" Arenan manyuti, " Ingkaman mamin nam i paramandi i kolea Yohanes pamandi." ⁴ Paulusan bada, " Yohanes pamandi nak na paramandian tobatan . ian mawa jo tu ambatan parasaya jo yang akan mondokan mamina ia, iana Yesus an." ⁵ Waktu ara ambatan nan mandalinga hal iniin, ara inan manyerahkan diri a to i Paramandiia lalama asona Tuhan Yesus. ⁶ Dabarikan Paulus mananggeang tangana, Sumangat bareseen mando jo arenan lalaonga bada lalama kada - kada len nan . ⁷ ian bernubuat jo ara babaan injen dua belas mintuari. ⁸ Paulusan lamba nana barania salama talung bulan, parajani supaya tuun parasaya jo karajaan na Alatalaan. ⁹ Dabarikan injen yang karas ateen ara Yahudi in, amo malola i parajanan na, arenan mamadang hal-hal bauruk jo Kristusan jo ara tu ambatan. mamina inaan I Paulusan marantang jo arenan panjo jo ara yang parsayaan nan dari arenan, parajani satiap aso jo koson balajar ra Tiranusan. ¹⁰ lun na salama duang taunan, nan na dabarikan ambata tuun yang lalakoon jo Asia mandalinga pasana Alatala, mam ma ara Yahudi nan maupun ara Yunani nan. ¹¹ Alatala ambat mameang kalakon yang luar biasaan malaloi tangana i paulus, ¹² tu kapaisan pande mam, sumangat yang baratan maruan dari arenan, malaloi saputangana nana kaena i Paulus. ¹³ Dabarikan jo antara a arenan injen insa mintuari dari Yahudi, puser jalu barat mangguna asona Yesus tiang kapentingan na kadiri to malaloi banua inaan. Dabarikan bada ara ira an jo yang damasoki sumangat barat, " Kate Yesus yang da pandongoang kolea i Paulus, ku parintah ko maruan dari joa." ¹⁴ Kapala Imam Yahudi, yang asonan Skefa, muna anak baba tujuh mintuari samuaan katenan mansen nan na. ¹⁵ Sumangat baratan nan manyuti jo arenan," Yesusan kukilala, i Paulusan busi; iti sao ingko on ?" ¹⁶ Sumangat baratan yang injenan muji' mambatuang jo arenan, tapier pier sansangan dari langkoa lalama kaadaan tulendang nan na luka a . ¹⁷ Dongo ini ta sebar na jo ara Yahudi na Yunani yang lalakoon jo Effesusan. Arenan ataut jaji barikan, nan na barikan asona Tuhan Yesus san pun da muliakan. ¹⁸ Ambat busi mintuari yang parsayaan mondok maku' i ambat jalu barat yang mamin dakalakon nan. ¹⁹ Ambat ara yang kalakna jaji dukun mondok mawa ambat kitab-kitab jo arenan dabarikan da tutung dapan na samua tuun. Kitab-kitab pan nan da kira ragaan lima ribu kaping perak. ²⁰ Kadaa Alatala tadongo na jo banua ambatan nana kuasa a yang ara an. ²¹ Mamina i paulusan pamamin pelayanan na jo Efesusan, nana pawa a sumangat bereseen ian mile i lalo malaloi Makedonia nana Akhaya salama palambaan jo Yerusaleman ; kadaan," maminak lamba katin, iakan to lamba pak jo Roma an." ²² Dabarikan Paulusan mangutus dua murid ta jo Makedonia, i Timotius nana Eratus, yag mamin mangurukiin joan. Tapi dabarikan ian kadiri la'lako jo Asia samentara waktu iniin. ²³ Injupang alun mamina inan, a timbun masalah yang mangajut jo tu ambatan jo Efesusan. ²⁴ injen ara tukang pirakan yang asonan Demetrius, pa mat patung pirak Dewi Artemis, yang mamin manguruki karajaa ara pa mat yang kule' karajaan, ²⁵ ian mangapulungang ara samua pamatan nan bada jo arenan, " ara saurun ku samuaan matong kin karaja iniin ambat mawa ka untungan jo kaan. ²⁶ I kita na ingkin samuaan nana idalinga na ingkin inju jo Efesusan saja, dabarikan ju banua Asia, Bahwa I Paulusan mampangaruhi nana mawa jo jalu baratan jo tu ambatan. Ian bada anjau jalu pande i bentuk nana tangan mintuariin. ²⁷ boan ingki saja yang kanyapan karajaan, tapi langko mam ma dewi Artemis ianggap injuna muna guna. Akibatan anyapana kuasaan jo banua Asiaan na jo saluruh duniaan yang manyembah an joan." ²⁸ mamina arenan mandalinga dongo inaan, arenan rarasi laloang dok papa ana, padang kebesarana Artemis ian nan dewi a ara ²⁹ Efesussan.Seluruh banuaan jaji kacao samua a mituari in sansang mintama manyerbu lalama gedung keseniaan. arenan maningkam gulungan gulungan na i Paulus, Gayus nana Aristarkhus, yang mondokan dari Make dunia ³⁰ I Paulusan muna maksod to mintama jo lalama soo raa, tapi murid murid tan mangajariang joan. ³¹ dabarikan ambat pajabat provinsi jo Asia an bakas gulungan na mangirim pasan manto injua mintama jo soo kesenian na. ³² ara ira an bingung mandalinga tu dok . ambat jo intara arena inju matauang tiana aika arenan i kapulungangan jo kosonan nan. ³³ Ara Yahudi in mawa jo Alexanderan jo tu ambatan nan. Alexanderan malambaiang tangana to manjelaskan jo tu ambatan. ³⁴ Dabarikan tu ambatan manyadari ianan tu dari Yahudiin, arenan dok papa ana lele' alasa salama labih dua jam, " padang ason Dewi raa a Artemis dewi ara dari Efesus san.'' ³⁵ Waktu ara paniteran banua raa manenangkan kapulungan tuun nan, ian bada , " ingkinan orang orang Efesusan yang manjagai langko dewi Artemis nan na gambarana aika yang mandoon dari suanan ? ³⁶ Samua a mintuarin matauang hal an iniin, anjau yang barani badaan padang jalunan inju totong. tontonong ngain. dai nain mangaraja jalu inju barati rati. ³⁷ sabab pan nan injukin paralu mawa jo ara duan niin inde, are niin inju kala marompak langko atau pa rarat jo Dewi kaan. ³⁸ Injen pun, ara Demetrius na ara yg bakaraja an marasa muna masalah nana tu indi in, injen ba mamma arenan pakaraan iniin dawa jo gubernuran. kameang arenan si pasala' sama ia. ³⁹ Dabarikan injen loa arenan iang to da pasi padangan, pakaraan ina an harus ia wa a bo kombong kate biasa ⁴⁰ a.sabenaran, ingkiin lalama bahayaan ki sabab pan ingki yang dapadang maniang kalokon manggora goraan jo aso iniin. inju ikatuang aika panyabab pastiaan masalh iniin de, makaan ingkiin injuk matauang manjelaskan na. ⁴¹ Mamina dapadang mansen jalu inaan, ian manutup kombonga naan.