¹ Mamin ni'in, Paulus-san marantang Atena tangkat jo Korintus. ² Injene Iaan sidua na tu dari Yahudi yang iasonnan Akwila, urang Pontus; yang baru mondok dari Italia nana suangkienna Priskilia kole'a Klaudius mamin manyuro samua urang Yahudi untuk marantang Banua Roma; Paulus-sanpun mamondokki jo ari'naan; ³ I-Paulusan lalako, mamin bakarajasama kole'a arinaan karajaan sama-sama paniang tenda. ⁴ Satiap aso Sabat jo Sinagoge I-Paulusan majarang parajan Alatala. Iaan menok-enok orang Yahudi na Yunani supaya parasaya. ⁵ Waktu mondokka I-Silas-san na Timotius dari Makedonia, Pauluspun dakuatkan kole'a sumangat yang boresen untuk basaksi jo urang Yahudin bahwa Yesus adalah Kristus. ⁶ Jo waktu inaan urang Yahudin manulak na manghina Joan, Paulusanpun mangiberang bajua nana kada'a jo arinaan, " Aloana mo daranun tabolong iboa ulunun; Iakan injuak muna sala. Dari Kateniin iakan mamondokki urang boan Yahudi poang. ⁷ Mamin naan iaan tangkat dari koson inaan lamba jo langkoa Titius Yustus yang parasayaan jo Alatala. Langkoan jo Sinagoge. ⁸ Krispus, yang mamimpin jo Sinagoge, na samua panakka parasaya kausana jo Alatalan. Ambat tu dari Korintus yang mandalinga kada'a Paulus jaji parasaya mamin naan i-paramandi'i. ⁹ Jo malam ason Alatalan pitang kale'a mamin naan bada jo I-Paulusan, " Dainao ataut, badanao, dainao lalako. ¹⁰ Ingkoon kusarataiko, anjalu tu barani masam-masam, mandudua jo nuun sababpan ambat gulungankaan indi'e jo kotaan niin. ¹¹ Paulusan lalako salama satahu anam bulan, sambil majarrang parajan Alatala. ¹² Galio dari Gubernur jo Akhaya, Tu dari Yahudipun sarampak malawan, Paulusanpun dapanakarang jo pangadilannan; ¹³ Arinaan bada, " Muntuari niinna yang mawa jo tu'un sambayang jo Alat'Alan yang silawanan na hukumka. ¹⁴ Ambatapi Paulussan to bada, Galio bada jo urang Yahudin, " Ingkinan urang Yahudi, anti jalu sala, jalu barat, pande itiang alasan ingkin mamanakarang joan. ¹⁵ Anti'in mo sala'an kole'a parabuatan nin kadiri, ambatakadanin yang sasuai na hukummin, Iakan amo'ak madili jalu niin." ¹⁶ Galio manyuro jo ari'naan marantang pangadilan. ¹⁷ Jo dapan pangadilannan arinanpun manguruki, mabani jo Sostenessan, sabagai kapala Sinagoge, Galionpun patu-tu kale'a. ¹⁸ Tinggal unsa aso mani Pauluspun marantang jo arinaan balayar ke Siria sama-sama nana Priskilia dan Akwila. Jo injuanpi tangkat dari palabuhan Kengkrea Paulusan bajanji manggala ulua. ¹⁹ Mondok jo Efesus-san Priskilia na Akwila darantang kole'a I-Paulus, iaan kadiri laloang kalea lamba jo Sinagoge pasidu'a ang kalea nana tu dari Yahudin untuk sialaan kada. ²⁰ Arinaan mamita jo I-Paulusan untuk lalako labi aluun, iaan manulak. ²¹ Waktu jo to mole'an ian bada jo arinaan, " Iakkan mondok balik bak mo, inanpi antiin Alatala mami'ang jo kuun." Mamin naan iaanpun tangkat balayar jo Efesus-san. ²² Jo Mondokka Paulusan jo Kaisarean, lalong pasidu'ang kale'a nana jemaat Yerusalem, mamin naan mando jo Antiokhiaan. ²³ Paulus-san pun sedangbo injene, mamin naan tangkat lamba malaloi Galatia na Frigia untuk manguatang sumangatta murid-muridta. ²⁴ Waktu inaan inje urang Yahudi yang iasonnan Apolos, barasal dari Aleksandria, mondok jo Efesus-san. Iaan pande baba lagipun manguasai isi kitab suci. ²⁵ Apolos-san naan tu pande baba, mataoang padampeang samua parajanna Alatala. Nana barania iaan bada, majar jo tu'un intika Yesus-san nan yang daparamandi'in kole'a Yohanes. ²⁶ Jo Sinagoge Apolos-sanpun labi barani lagi bada. Priskilia na Akwila balikan bagulungan na Apolos, mamin mandalingan samua aika yang dapadangan baruna ara duaan mambetek-betekang jaji karatian samua dalan Alatala yang labi mam man. ²⁷ Jo waktu to lamba manaren-nan jo Akhaya, tu'un manyuro kausana, tu ambattan mamasan jo murid-murid jo Akhayan manyambut joan. Arinaanpun maken parasaya jo Alatalan. ²⁸ Jo tuntung kada'an idapanna urang Yahudin, ininna Yesus yang iasonan Kristus.