¹ Mamina suji an, I paulusan mangirim jo ara murid tan manto yakina arenan na parsaya jo Tuhan Yesus. ² Dabarikan ian padang kalea to tangkat mole jo arenan to lamba jo Makedoniaan. Mamina ian lamba malaloi banua-banua inaan na ambat na mayakinang jo tu un parasaya jo Tuhan Yesusan, Ian lamba jo Yunani. ³ Salama talung bulan ian injen, kalompok ka ara Yahudi terbentuk to malawan waktu ian to mamaru to lamba jo Siriaan, dabarikan mile i mole malaloi Makedonia. ⁴ Ian dagulunganni sampai jo Asia kolea Sopater Anaka Pirus dari Berea; Aristarkus na Sekundus, tu yang parsayaan dari Tesalonika; Gayus dari Derbe; Timotius; nana Tikhikus na Trophimus dari Asia. ⁵ Dabarikan arenan mole na sabelum mondok kam na waktu menang jo naman jo Troasan. ⁶ Ingkaman mamarukam dari Filipi mamina aso gawa Roti inju muna ragi na waktu limang aso ingkaman mondok kam jo Troasan. salama samingguun samalam kam injen. ⁷ Aso pertamaan, mamina sikapulung simalomalo to mambalabala roti, Paulusan bada jo yang parsayaan. Ian muna rencana to lamba minaan, ian badaan sampai tangah malam na. ⁸ ambat lampu jo ruang iboon kosona sikapulung simamalo. ⁹ Injen anak baba asonan Euthikus yang dudukan biring jendela an katindoan. Waktu i Paulusan bada , anak baba iniin yang patangaan tindo a alo dari langko tingkat talu dabarikan mate. ¹⁰ Tapi i paulusan mando, mandap joan. ian bada joan " dainao basedih lagi, ian tio na." ¹¹ Mamin nan ia tabalik pi manik mambalabala roti dabrikan dakan. Mamin bada nana arenan sampai andan uko, ian pun tangkat. ¹² Arenan pun mawa jo anak babaan naan dalam kaadaan tio, arenan marasa tio mam lagia dari joloon. ¹³ Ingkaman mamaru kakadirikam i Paulusan inju tamba mamaru nan nam to lamba jo Asosan, koson rencananam mala joan. Iniin rencana yang da kato i, ian to lamba malaloi tana'. ¹⁴ kamamina ian sidua nan nam jo Asosan ingkaman mawa kam joan jo paruun dabarikan lamba mamarukam jo Mentilene. ¹⁵ Dabarikan ingkaman mamarukam dari injen mondok kam i suali a Pulau Khios. Aso minaan ingkaman mondok kam jo pulau Samos na aso boanan lagi ingkaman lamba kan jo banua Miletus. ¹⁶ I paulus san mile i to mamaru na layaran malaloi Efesus, to injua alun dirian jo Asian; ian karuru to lamba jo Yerusaleman to aso Pentakosta, anti samuaan nan pande to ian karaja. ¹⁷ Dari Miletus san ian manyuroh tu katin jo Efesus san mangalong jo ara penatua jemaatan. ¹⁸ arenan mondok nga joan, ian bada jo arenan," I katoang ingkin, aso mondok pertama kuun malatang kai ku jo Asian, aisi loa musang waktu kuun simalo nan nu. ¹⁹ Iakan tatap pak malayani Alatala nana amabata kakurangan kuun, na ate kuun, nana ae mata kuun lalama mamanse kuun yang mamin maminan jo kuun kolea kalompoka ara Yahudiin. ²⁰ I katoang ingko iakan injuak kala tontonong padampeang jo nun aika yang baguna na aika yang ku parajanangan jo dpan tu ambatan dabarikan iakan manik kak satiap langko. ²¹ I katoang ingko iakan niin mamparingatang lolaak jo ara Yahudiin nana ara Yunaniin tentang tobat jo Alatalaan nana iman ka lalam Tuhan Yesusan. ²² Saat iniin, belenak, iakan lamba dasuroak kolea roh kudusan jo Yerusaleman, injuak matauang hal aika yang to terjadiin jo kuun injen, ²³ Kacuali roh kudusan mawa jo kuun jo satiap banua raan injen na panga jalu to papaisi menangi jonun. ²⁴ Iakan manganggap tio kuun inju muna raga jo kuun kakadiri,supaya tugas ku yang kutarimaan dari Tuhan Yesus mamin, dapatak mameang kasaksian jo parajanan na rahmat ta Alatalaan jo kaan. ²⁵ Belenak kateniin, ku katoangkin ingkinan samuaan, jo intara mintuari yang ku pandongoang tentang kerajaana Alatala, injunain dapat mita jo kuun lagi. ²⁶ karena inaan iakan bersaksiak sason iniin jonun, iakan injuak muna sala' jo dara'a itikatikaan. ²⁷ iakan injuak baranti mamadangan jo ninan samuaan katoana Alatalaan. ²⁸ Abis dari pada inaan, mammain pang jo dirini nan kadiri nana domba-domba yang mamin daparsaya i kolea roh kudus jo ninan. mamamain pang jo gerejaan yang mamin dasalamat Kristus dari dosa a nana dara A.{abis daripada inaan"nana dara A kadiri",nana dara Anak ka kadiri.}* ²⁹ Ku katauang di memen na sarigala -sarigala baratan mondok jo intara ninan injuna matoang mamanse i jo domba dombaan. ³⁰ Kukatoang injen jo intara ninan yang mondok kan na mmastikan totong injuan to pasi katawaang dari arenan, ³¹ bajaga-jaga nain. Ingat na salama talung taun iakan injunak baranti parajani jo nun nana ae mataan ason na malaman. ³² Dabarikan ku parcayaang ko Alatalaan na Kadaa yang a pano on kolea rahmatan, yang mampuun tiang panguat iman nu na tiang warisanNa jo samua mintuarin yang pandeangan kalea jo Alatala. ³³ Iakan injuak mamita pirak, amas, na kamusanan. ³⁴ I katoang ingkin tanganan iniin malayani kabutuhan ku na kabutuhana tu yang injenan kuun. ³⁵ lalama sagala hal iakan mameang sontoak aika loa manolong jo yang injuun mangule na bakaraja, aika loa harus mangingat kadaa Tuhan Yesus, kada kada a kadiri yang dapadangan: " Inan labih dberakati tu yang mameang dari yang manarimaan." ³⁶ mamina ian bada, ian malingkutut na badoaan nana samua arenan. ³⁷ samua arenan manais anadarang kalea jo kalonga i Paulusan dabarikan ian da sum. ³⁸ Arenan susah atean aiaka yang da padangan, arenan injuna lagi dapat mita jo i Paulusan. Dabarikan arenan mantat joan jo kapalan.