¹ Wabita labalishumi nambili kanye kanye phindze wabanika emandla kanye nemagunya kutsi bakhiphe emadimoni phindze baphilise netifo. ² Wabatfuma kutsi bayoshumayela umbuso wa Nkulunkulu phindze baphilise labagulako. ³ Watsi kubo, ''Ningaphatsi lutfo eluhambeni lwenu, naludvondvolo, natipatji , natinkhwa, namali, natimphahla tekushintja. ⁴ Noma ngabe nguyiphi indlu leningena kuyo, hlalani lapho nize nihambe. ⁵ Noma ngabe banganemukeli, Nanishiya lelodolobha, tsintsitsani lonkhe lutfuli etinyaweni tenu njengebufakazi lobuphambene nabo. '' ⁶ Base bayesuka baya emakhaya, bamemetela livangeli phindze baphilisa nebantfu ndzawo tonkhe. ⁷ Nyalo Herodi umthetrakhi weva ngako konkhe lokwenteka, kanye kwammangalisa, Ngenca yalokwashiwo ngulabanye kutsi Johane uvukile kulabafile, ⁸ kanye nalabanye labatsi Elija ubonakele, phindze labanye batsi ngulomunye walabaphrofethi bakadzeni lovukile. ⁹ Herodi watsi,'' Ngijube inhloko yaJohane. Ngubani lengiva ngaye letintfo leti? '' Futsi wezama kuyombona. ¹⁰ Ngesikhatsi baphostoli babuya, Bamtjela konkhe lebakwentile. Wase uyabatsatsa naye, phindze basuka bayakhashane ekusitsekeni kwelidolobha lekutsiwa Bethsayida. ¹¹ kepha lesicuku seva ngaloku, samlandzela. Wabemukela phindze wakhuluma nabo mayelana nalombuso waNkulunkulu, waphilisa labo labandzinga kuphiliswa. ¹² Nyalo lelilanga selitawushona, labalishumi nambili beta kuye base batsi, hambisa leticuku baye kulamakhaya ladvutane nasemaphandleni elive kuyotfola indzawo yekulala kanye nekudla, ngenca yekutsi sesilapha endzaweni lelihlane.'' ¹³ kepha watsi kubo, '''Banikeni nine intfo labangayidla.'' Batsi, ''sinemikhama lesihlanu esinkhwa kanye netinhlati letimbili-ngaphandle masingaya siyotsenga kudla kwabo bonkhe labantfu.'' ¹⁴ (bebalinganiswa etinkhulungwanene letisihlanu temadvodza). Watsi kubafundzi bakhe, ''bente bahlale phansi babengemacembu lalinganiswa emashumini lasihlanu ngalinye.'' ¹⁵ Ngako bafundzi bakhe benta loko base labantfu bahlala phansi bonkhe. ¹⁶ Wase sewutsatsa tinkhwa letisihlanu kanye netimfishi letimbili, wabuka etulu watibusisa wase uyatigamula taba ngemacetu, wabese utinika bafundzi bafundzi bakhe kutsi bamukelise lesicumbi. ¹⁷ Badla bonkhe benela, naloku lebesekusele kwabutfwa- timvutfuluka letagcwala emabhasikidi lalishumi nakubili. ¹⁸ Kwatsi Jesu athantaza yedvwa, bafundzi bakhe banaye. Wababuta, watsi, "leticumbi titsi ngingubani?" ¹⁹ Baphendvula batsi, "titsi ungu Johane umbhabhatisi. Kodvwa labanye batsi ungu Elisha, nalabanye batsi ungumunye webaphrofethi basendvulo lovukile ekufeni. ²⁰ Wase utsi kubo, "kodvwa nine nitsi ngingubani?" Phethro waphendvula watsi, "Ungu Khristu wa Nkulunkulu. ²¹ "Kodvwa Jesu wabecwayisisa kutsi bangatjeli muntfu loku, ²² watsi, "Indvodzana yemuntfu kumele ihluphekiswe tintfo letinengi iphindze ingemukeleki kulabadzala nakubaphristi labakhulu nebafundzisi bemtsetfo, itawuphindze ibulawe bese iyavuswa ngelilanga lesitsatfu." ²³ Wase utsi kubo bonkhe , "Nangabe nome ngubani afuna kungilandzela, kumele angavumeli tifiso takhe bese utfwala siphambano sakhe onkhe malanga angilandzele. ²⁴ Lowo lotisindzisela imphilo yakhe itamlahlekela, kodvwa nome ngubani lolahlekelwa kuphila kwakhe ngenca yami utawusindza. ²⁵ Kuhle ngani kutsi umuntfu azuze live lonkhe, kodvwa alahlekelwe nguye cobo lwakhe? ²⁶ Loyo lonemahloni nami nemavi ami, ne Ndvodzana yemuntfu iyawuba nemahloni naye nayita ngenkhatimulo yayo nangenkhatimulo yaBabe neyetingelosi. ²⁷ Kodvwa ngicinisile ngitsi kini, kunalabakhona lebeme lana labangeke bafe ngaphambi kwekutsi babone umbuso wa Nkulunkulu." ²⁸ Ngalesikhatsi sekwengce emalanga langaba lasiphohlongo Jesu akhulume lamagama, watsatsa Phethro na Johane na Jakobe wahamba nabo waya entsabeni bayothantaza. ²⁹ Asathantaza, simo sebuso bakhe sashintja, phindze netembatfo takhe taba mhlophe tacwatimula. ³⁰ Masinyane, emadvodza lamabili abekhuluma naye,bo Mosi na Elija, ³¹ labavela ngenkhatimulo, bakhuluma naye ngekuhamba kwakhe, lebesatakucedzela e Jerusalema. ³² Nyalo Phetro kanye nalabanye labebanaye bebatela, kepha nabavuka , babona inkhatimulo kanye nemandvodza lamabili labebeme naye. ³³ Basahamba naJesu , Phetro watsi kuye, ''Nkhosi, kukahle yini kuba lapha. Asakheni tindlu letintsatfu, yinye yakho, lenye yaMose, kanye nalenye yaElija.'' Bekangati kutsi utsini. ³⁴ Basasho loku, lifu leta labengama, futsi bebetfukile nabayongena kulelifu. ³⁵ kwaphuma livi kule lifu, latsi, ''Lona yindvodzana yami, lelengamkhetsa; yilaleleni.'' ³⁶ Nase livi selikhulumile , Jesu abese ayedvwa. Bathula bangatjeli muntfu ngalamalanga noma ngabe yini labakubonile. ³⁷ Nyalo ngelilanga lelilandzelako, ngalesikhatsi behlela phansi entsabeni, sicuku lesikhulu sambona. ³⁸ Bheka, indvodza kulesicuku yakhala kakhulu yatsi ,''Umfundzisi, ngiyakuncenga ubuke idvondzana yami lokuphela kwayo. ³⁹ Uyabona , kutsi kunemoya lophetse imphilo yakhe ngekushesha uyamemeta; liyamkhahlameta aphukuhle emagwebu. liyephuta nekumyekela limbangele kulimala kabi. ⁴⁰ Ngicele bafundzi bakho kutsi baliphoce liphume, kepha behluleka.'' ⁴¹ Jesu wabaphendvula watsi ,'' kungakholwa kwalesitukulwane salamuhla, ⁴² sikhatsi lesinganani lengifanele ngibe nani ngaso phindze nginibeketelela? Letsa lendvodzana yakho lapha,'' Ngesikhatsi lomfana eta, leli dimoni lamjika phansi emhlabatsini laphindze lamnklinklitisa kamatima. Kepha Jesu wawekhuta lomoya lomubi wase soyamphilisa lomfana, phindze wambuyisela kuyise wakhe. ⁴³ Bonkhe bebamangele bamangaliswa bukhulu baNkulunkulu. Basemangaliswe ngiko konkhe labekwenta, Watsi kubafundzi bakhe, ⁴⁴ yentani lamagama engene ekujuleni kwetindlebe tenu; Indvondzana yemuntfu itawunikelwa etandleni tebantfu.'' ⁴⁵ Kepha bebanga yicondzisisi lendzaba. Kwakufihlekile kubo, ngako bebangati kutsi lisho kutsini, base besaba nekubuta ngayo lendzaba. ⁴⁶ Base bacala kuphikisana emkhatsini kwabo mayelana nekutsi ngumuphi lokutawuba mkhulu kubo. ⁴⁷ Kepha Jesu, atati tizindlo letisenhlitiyweni yabo, watsatsa umntfwana lomncane wamsondzeta ngakuye ⁴⁸ wase utsi kubo , ''Noma ngabe ngubani loyomukela lomntfwana egameni lami, wemukela mine ; phindze noma ngabe ngubani longemukelako mine, wemukela loyo longitfumile. Ngako ke lomncane emkhatsini wenu nonkhe nguye lomkhulu.'' ⁴⁹ Johane waphendvula , '' Nkhosi, sibone umuntfu atama kukhipha emadimoni ngeligama lakho samalele, ngenca yekungakulandzeli kanye natsi .'' ⁵⁰ Ningamuvimbi,'' kwasho Jesu,'' Ngoba noma ngabe ngubani longaphambani nani wenu. ⁵¹ Uma emalanga sasondzela kutsi enyuswe, wenta buso bakha babuka eJerusalema. ⁵² watfumela sitfunywa phambi kwakhe, phindze bahamba bayongena endzaweni yemasamariya kutsi ilungiswe konkhe yentelwe yena. ⁵³ Kepha labantfu abamemukelanga yena ngenca yekubhekisa buso bakhe eJerusalema. ⁵⁴ Ngesikhatsi bafundzi bo Jakobe kanye na Johane bakubona loku, batsi,'' Nkhosi, uyafuna sitfumele umlilo kutsi wehlele phansi ezulwini kutobabhubhisa?'' ⁵⁵ kepha wabakhuta bona, ⁵⁶ wase uyakulenye indzawo. ⁵⁷ Basahamba ngendlela, lomunye watsi kuye,'' Ngitokulandzela lapho uya khona.'' ⁵⁸ Jesu watsi kuye,'' timphungusha tinemigodzi kanye netinyoni tinetidleke, kepha indvodzana yemuntfu kute lapha ingalala khona.'' ⁵⁹ Wase utsi kulomunye, ''ngilandzeleni.'' kepha watsi , ''Nkhosi, kucala ngivumele ngihambe ngiyongcwaba babe.'' ⁶⁰ kepha watsi kuye,'' Shiya labafile batongcwaba labafile babo. kepha kwakho , hamba uyomemeta kashane nakabanti ngembuso waNkulunkulu.'' ⁶¹ Wase lomunye utsi,'' Ngiyokulandzela, Nkhosi, kepha kwekucala angitsi salani kulabo labasekhaya.'' ⁶² Jesu wamphendvula,'' akekho lobaka sandla ekhubeni phindze abuke emuva lowufanele umbuso waNkulunkulu.''