¹ Nyalo emuva kwato tonkhe letitintfo, Inkhosi yabeka labanye labangemashumi lasikhombisa, phindze wabatfumela ngababili ngababili embikwakhe kulo lonkhe lidolobha nendzawo lapho yena lucobo lwakhe abesatawuya khona. ² Watsi kubo, ''Sivuno sinengi kepha basebenti bancane. Ngakoke celani Inkhosi ngalesivuno, kutfumela basebenti esivunweni sakhe. ³ Hamba ngendlela yakho. Buka, nginitfumela njenge timvu emkhatsini wetimphisi. ⁴ ningaphatsi sikhwama semali noma sesivakashi noma tincabule futsi ningabingeleli muntfu endleleni. ⁵ Noma ngabe nguyiphi indlu leningena kuyo, tsanini kucala, ''kuthula makube kulendlu!'' ⁶ Uma ngabe kunemuntfu wekuthula lapho, kuthula kwenu kutawuhlala kuye, kepha uma kute, kuthula kwenu kutawubuyela kini. ⁷ Hlalani kuleyondlu, udla futsi unatsa konkhe labaninika kona, ngoba sisebenti, sifanelwe liholo laso. Ningahambi nicocoma indlu nendlu. ⁸ Noma ngabe nguliphi lidolobha leningena kulo, bese bayanimukela, dlanini labakubeke embikwenu ⁹ niphilise labagulako labalapho. nitsi kubo, '' umbuso waNkulunkulu sewusondzele dvute nani.'' ¹⁰ Noma ngabe nguluphi lidolobha leningena kulo banganimukeli, phumelani etitaladini takhona nitsi, ¹¹ ''Nelutfuli lase dolobheni lenu lelihlala etinyaweni tetfu, silususela nine! Kepha yatini loku: Umbuso waNkulunkulu sewudvutane.'' ¹² Ngitsi kini ngelilanga lekwehlulelwa kuyawuba ncono kakhulu eSodoma kunalelo dolobha. ¹³ Nako kuwe, Chorazin! Nako kuwe, Bethsayida! Kube imisebenti lemikhulu beyentiwa kini beyentiwa eThire nase Sidoni, ngabe kadze baphendvuka, bahlala emasakeni nase mlotseni. ¹⁴ Kepha kuyawuba ncono kakhulu ebantfwini base Thire neSidoni ngekuhlulelwa kunani. ¹⁵ Nawe Khaphanawume, nicabanga kutsi nitawuphakanyiselwa ezulwini? Cha, nitowehliselwa eHayidesi. ¹⁶ Loyo lolalela nine ulalela mine, naloyo loniphikako uphika mine, bese loyo lophika mine uphika loyo longitfumile.'' ¹⁷ Labalishumi nesikhomisa babuya nentfokoto, batsi,'' Nkhosi, nemadimoni imbala asitfobele ngelibito lakho.'' ¹⁸ Jesu watsi kubo, ''Ngibone Sathane awa ezulwini njengembane. ¹⁹ Bona, ngininikete emagunya ekugcobagcoba tinyoka nabo fecela, nasetikwawo onkhe emandla esitsa, kute ngisho kunye noma ngabe ngubani lotanilimata. ²⁰ Nome kunjalo ningajabuleli loku kuphela, lokutsi imoya iyanitfobela, kepha jabulani kutsi emagama incumbi ayabhaliswa ezulwini.'' ²¹ Ngaleso sikhatsi watfokota kakhulu kumoya loyingcwele, wabese utsi, '' ngiyakudvumisa, Babe, Nkhosi yemazulu nemhlaba, ngoba utifihlile leti tintfo kulabo laba hlakaniphile nalaba condzako wavetela kulabo labangaka fundziswa, njenge bantfwana labancane. Yebo, babe, ngoba kwakutfokotisa emehlweni akho. ²² ''Tonkhe tintfo tiniketelwe kimi, nguBabe, futsi kute lowati kutsi ngubani indvodzana ngaphandle kweyise, futsi kute lowati kutsi uyise ngubani ngaphandle kwendvodzana nalabo indvodzana ikhetsa kutembula kubo.'' ²³ Wabese uyagucuka ubuka bafundzi watsi kubo ngansense, ''Ubusisiwe loyo lobona tintfo lenitibonako. ²⁴ Ngitsi kini, baphrofethi nemakhosi lamanyenti afisile kubona letintfo lenitibonako, futsi abatibonanga, nekuva letintfo lenitivako futsi abativanga.'' ²⁵ Buka, sati semutsetfo sasukuma kute sitewumlinga, satsi, '' Mfundzisi, kufanele ngente njani kute ngizuze imphilo yanguna phakadze? ²⁶ Jesu watsi kuye, '''Kubhalwe kutsini emtsetfweni? Uwufundza njani?'' ²⁷ Waphendvula wabese utsi, utawutsandza, Inkhosi Nkulunkulu wakho ngayo yonkhe inhlitiyo yakho, ngawo wonkhe umoya wakho, ngawo onkhe emandla akho, ngayo yonkhe ingcondvo yakho kanye namakhelwane wakho njengobe utitsandza wena.'' ²⁸ Jesu watsi kuye, ''uphendvule kahle. Yenta loku utawubese uyaphila.'' ²⁹ Kepha yena, abefisa kutitsetselela, watsi kuJesu, '' Ngubani makhelwane?'' ³⁰ Jesu wamuphendvula watsi,'' Indvodza letsitse beyehla ichamuka eJerusalema iya eJerikho. Yatirsela etu kwetigebengu, latamemuka tintfo takhe, tamushaya, tamushiya asalengela kufa. ³¹ Ngelitfuba umphristi lotsite bekehla ngalendlela, watsi nakambona, wendlula ngalelinye lihlangotsi. ³² Ngalokufanako, umLevi naye, watsi nakafika kulendzawo wambona, wendlula kulelinye luhlangotsi. ³³ Kepha umSamariya lotsite, asahamba ngalendlela, wefike lapho beka khona khona. Nakambona watsintfwa luvelo. ³⁴ Wasondzela kuye wabese umbopha emanceba, watsela emafutsa neliwayini kuwo. Wambeka esilwaneni sakhe, wamuletsa endzaweni yekulala wamunakekela. ³⁵ Ngelilanga lelilandzelako wakhipha boDenari lababili wawanika lobuke lendzawo, wabese utsi, '' munakekele, bese kutsi noma ngabe yini loyingetako, nangibuya, ngitawukubhadala.'' ³⁶ Ngumuphi kulaba labatsatfu locabanga kutsi bekangu makhelwane kuloyo lowehlela etigebengwini?'' ³⁷ Watsi, ''Ngulona lowaba nemusa naye.'' Jesu watsi kuye, '' hamba uyowenta njalo.'' ³⁸ Basahamba endleleni, wangena emangweni lotsite, futsi newesifazane lotsite libito lakhe kungu Mata wamemukela endlini yakhe. ³⁹ Bekana dzadze wabo lebekabitwa ngekutsi ngu Mariya, lowahlala etinyaweni teNkhosi weva livi layo. ⁴⁰ Kepha Mata abe matasatasa alungiselela kuniketela sidlo. Wenyukela kuJesu watsi , ''Nkhosi, awunendzaba yini kutsi dzadzewami ungishiyile kutsi ngisebente ngedvwa? Ngakoke mutjele atongilekelela.'' ⁴¹ Kepha iNkhosi yaphendvula yatsi kuye, Mata, Mata uyatatatela futsi ukhatsatekile ngetintfo incumbi, ⁴² kepha kunye lokumcoka. Mariya ukhetse lokumcoka, lokungeke kutsatfwe kuye.''