¹ Kwenteka ngalinye lemalanga kutsi Jesu abethandaza endzaweni letsite. Ngesikhatsi asacedzile, lomunye webafundzi bakhe watsi kuye, ''Nkhosi, sifundzise kuthandaza njengoba Johane wafundzisa bafundzi bakhe.'' ² Jesu watsi kubo, ''Uma nithandaza nibotsi, 'Babe, libito lakho alingcweliswe. Umbuso wakho awute. ³ Siphe sinkhwa setfu imihla. ⁴ Sicolele tono tetfu, njengoba natsi sibacolela labo labasonako. Ungangenisi ekulingweni.'' ⁵ Jesu watsi kubo, ''Ngubani kini longaba nemngani, longaya kuye emkhatsini webusuku, bese utsi kuye, 'Mngani, nginanisele tinkhwa letintsatfu, ⁶ njengoba umngani wami uvele weta achamuka khashane, kantsi ngite lutfo lengingakubeka phambi kwakhe'? ⁷ Bese lolongekhatsi lowamuphendvula angatsi, 'Ungangiyabuli. Umnyango sovele ukhiyiwe, nebantfwabami, kudze naye, basembhedzeni. Angeke ngikhone kuvuka ngikunike sinkhwa.' ⁸ Ngitsi kuwe, noma ngabe akavuki akunike lesinkhwa ngoba ungumngani wakhe, yebo ngenca yekuchubeka kwakho nekungahlazeki, utawuvuka akunike tinkhwa letinyenti kangangetidzingo takho. ⁹ Futsi ngitsi kini, celani, utawunikwa; funani, nitawutfola; nconcotsani, nitawuvulelwa. ¹⁰ Ngoba wonkhe umuntfu locelako uyamukela; nalofunako uyatfola; nemuntfu lonconcotsako, uyawuvulelwa. ¹¹ Ngumuphi babe emkhatsisini wenu, uma ucela inhlanti, amunike inyoka esikhundleni senhlanti? ¹² Noma ke uma acela licandza, ungamunika yini fecela? ¹³ Ngako ke, uma nine lababi nikwati kupha bantfwabenu tipho letinhle, kangakanani Babe wenu waseZulwini aphe Moya Logcwele kulabo labamucelako?'' ¹⁴ Jesu abekhipha lidimoni lebelingakhulumi. Naseliphumile lelidimoni, lendvodza lebeyingakhulumi yakhuluma, nalesicuku samangala. ¹⁵ Kepha labanye balabantfu batsi, ''NguBhelzebule, umphatsi wemadimoni, ukhipha emadimoni.'' ¹⁶ Labanye bamuvivinya futsi bacela kuye sibonakaliso lesibuya ezulwini. ¹⁷ Kepha Jesu wayati imicabango yabo watsi kubo, ''Wonkhe umbuso lohlukene kumelana nabo bodvwa lentiwe lasheshe lawa, futsi umndeni lowehlukene lomelana wodvwa uyawa. ¹⁸ Uma Sathane ahlukene amelana nelucobo lwakhe, umbuso wakhe ungema njani? Ngoba utsite ngikhipha emadimoni ngaBhelzebule. ¹⁹ Uma ngikhipha emadimoni ngaBhelzebule, balandzeli bakho bona bawakhipha ngabani? Ngenca yaloku, batoba bahluleli bakho. ²⁰ Kepha uma ngikhipha emadimoni ngelugalo lwaNkulunkulu, bese lombuso waNkulunkulu sewufikile kini. ²¹ Uma indvodza lenemamdla ihlome iphelele agadze indlu yayo, tintfo takhe tiphephile, ²² kepha uma indvodza lenemandla kunaye imehlulekisa, lendvodza lenemandla itsatsa letikhali talendvodza lebeyitetsembile bese utsatsa inzuzo yalendvodza. ²³ Loyo longekho ngakimi umelene nami, naloyo longahlangani nami uyasakata. ²⁴ Uma umoya longakahlobi sowuphumile kumuntfu, undlula tindzawo letilihlane ufuna kuphumula, utsi, 'Ngitawubuyela endlini yami lengibuya kuyo.' ²⁵ Sewubuyile, utfola kutsi seyitsanyelwe lendlu yabekwa ngabolonina. ²⁶ Bese uyahamba uyolandza leminye imimoya yayo lesikhombisa lemibi kunayo lucobo lwayo bese ita yonkhe itohlala lapho. Bese simo salomutfu sigcina sibangetulu kunakucala.'' ²⁷ Kwenteka loko, asatisho letintfo leti, lomunye umfati waphakamisa liphimbo lakhe ngetulu kulesicuku watsi kuye, ''Sibusisiwe lesibeletfo lesakutala nalamabele lakumunyisa.'' ²⁸ Kepha watsi, ''Ngamane, babusisiwe ngulabo labeva livi laNkulunkulu bese bayaligcina.'' ²⁹ Ticuku tisandza, Jesu wacala kutsi, ''Lesitukulwane lesi situkulwane lesibi. Sifuna sibonakaliso, noko kute sibonakaliso lesitawunikwa kiso ngaphandle kwesibonakaliso saJona. ³⁰ Njengoba naJona waba sibonakaliso kubase Nineve, kanjalo Indvodzana yeMuntfu itawuba sibonakaliso kulesitukulwane. ³¹ Indlovukazi yaseNingizimu itawusukuma ekwehlulelweni nebantfu balesitukulwane lesi isilahle ngelicala, ngoba wachamuka khashane kwemhlaba atova lenhlakanipho yaSolomoni, abone, ukhona ulana umuntfu lomkhulu kunaSolomoni. ³² Emadvodza aseNineve ngekwehlulelwa batawusukuma basilahle ngelicala lesitukulwane lesi sebantfu, ngobe baphendvuka naba shunyayelwa nguJona, futsi buka, ukhona ulana lomkhulu kunaJona. ³³ Kute umuntfu, emvakwekutsi alayide sibane, asibeke endzaweni lesitsele noma ngaphasi kwebhasikidi, kepha elutsini lwesibane, khona labo labangenako batobona lokukhanya. ³⁴ Liso lakho lisibane semtimba. Uma liso lakho lilihle, umtimba wakho wonkhe ugcwala kukhanya. Kepha uma liso lakho lilibi, umtimba wakho ugcwala bumnyama. ³⁵ Ngako ke, caphelani kutsi lokukhanya lokukini akusibo bumnyama. ³⁶ Nangabe umtimba wakho wonkhe ugcwele kukhanya, kungabikho nencenye lesebumnyameni, umtimba wakho wonkhe utawuba njenge sibane uma sikhanyisa sikhanya kukhanya kwako lokukhulu kuwe.'' ³⁷ Nasacedzile kukhuluma, uMfarisi wamcela kutsi atodla naye endlini yakhe, Jesu waya wefika wadla. ³⁸ LomFarisi wamangala kutsi Jesu udle angakagezi. ³⁹ Kepha Inkhosi yatsi kuye, ''Nine baFarisi nigeza lingephandle lenkomishi nemapulede, kepha ngekhatsi kwenu kugcwele bumuti nebubi. ⁴⁰ Nine tilima tebantfu! Lona lowenta lingephandle akusiye yini lowenta lingekhatsi? ⁴¹ Nikani labaphuyile lokungekhatsi, bese tonkhe tintfo titawuhlambululwa kini. ⁴² ''Kodvwa maye kini baFarisi, ngoba nikhipha kwelishumi kwashaladi napelepele naletinye tinandzisi tengadze, kepha nivilaphela kulunga nelutsandvo lwaNkulunkulu,futsi ngaphandle kwekuhluleka kwenta letinye tintfo. ⁴³ Maye kini baFarisi, ngoba nitsandza titulo letingembili emasinagogweni nekubingelelwa lokuhloniphekile etimakethe. ⁴⁴ Maye kini, ngoba ninjengemathuna langasabonakali kutsi bantfu bahamba tikwalo ngaphandle kwekulati.'' ⁴⁵ Lomunye waletati kulomtsetfo watsi kuye, ''Mfundzisi, lolokushoko kuyasetfuka natsi.'' ⁴⁶ Jesu watsi, ''Maye kini, bafundzisi bemtsetfo! Ngoba nifaka bantfu ngephasi kwemitfwalo lelukhuni kuyiphatsa, kepha aniwutsintsi lomtfwalo nangemuno wenu. ⁴⁷ Maye kini, ngoba nakha emathuna ebaphrofethi, futsi bekumadloti enu lababulala. ⁴⁸ Ngako ke nibofakazi futsi nivumelwe kulemisebenti yemadloti enu, ngoba vele bababulala bese nakha emathuna abo. ⁴⁹ Ngoba ngalesizatfu lesi futsi, kuhlakanipha kwaNkulunkulu kwatsi, 'Ngitawutfumela kubo baphrofethi nebaphostoli, labanye babo batawubahlupha futsi bababulale.' ⁵⁰ Lesitukulwane lesi, bese, siyawubanjwa sifanelwe ngiyo yonkhe lengati yebaphrofethi leyacitseka kusukela lomhlaba ucale, ⁵¹ kusukela engatini yaAbela kuya engatini yaZakhariya, lowabulawa emkhatsini welilati nendzawo lengcwele. Yebo, ngitsi kini, lesitukululwane lesi siyawubanjwa sifanelwe. ⁵² Maye kini tati temtsetfo, ngoba nitsetse tikhiya telwati ; aningeni ngekhatsi nine matfupha, bese nivimba labo labangenako.'' ⁵³ Emvakwekutsi Jesu esuke lapho, tati nebaFarisi bamchukuluta baphikisana naye ngetintfo letinyenti, ⁵⁴ betama kumetsiya ngemavi akhe.