¹ Kwatsi ngaleso sikhatsi, uma tinkhulungwane tebantfu bahlangana kanyekanye kakhulu banyatselana, wacala ngekutsi kubafundzi bakhe kokucala kunako konkhe, ''Caphelani imvubelo yebaFarisi, lokukutentisa. ² Kepha kute lokufihlakele lokungeke kuvetwe, futsi kute lokufihliwe longeke kwatiwe. ³ Ngako nome yini lokushito ebumnyameni kutawuvakala ekukhanyeni, futsi lokukhulumile endlebeni ekhatsi etindlini kutawumenyetelwa ticongo tetindlu letisetulu. ⁴ Ngitsi kini, bangani bami, ningabesabi labo lababulala lomtimba, bese emvakwaloko bababete labangakwenta. ⁵ Kepha ngitanecwayisa ngekutsi ngubani lekumele nimesabe. Yesabani lona, emvakwekuba abulawe, unemagunya ekunifaka esihogweni. Yebo, ngitsi kini, sabani yena. ⁶ Boncedze labasihlanu abatsengiswa ngemasenti lamancane lamabili? kepha kute namunye wabo lokhohlwako emehlweni aNkulunkulu. ⁷ Kepha ngisho netinwele tenhloko yakho tonkhe tibaliwe. Ningesabi. Nibaluleke kakhulu kunaboncedze labanyenti. ⁸ Ngitsi kini, wonkhe longivumako phambi kwebantfu, iNdvodzana yeMuntfu iyawumvuma phambi kwetingelosi taNkulunkulu, ⁹ kepha loyo longiphika phambi kwebantfu utawuphikwa phambi kwetingelosi taNkulunkulu. ¹⁰ Wonkhe lokhuluma livi lelimelene neNdvodzana yeMuntfu, litawucolelwa, kepha kuloyo lohlambalata Moya Longcwele, angeke kucolelwe. ¹¹ Uma baniletsa embikwemasinagogu, babusi, nemakhosi, ningakhatsateki ngekutsi nitawukhuluma njani kutivikela kwenu, noma nitotsini, ¹² ngoba Moya Longcwele utanifundzisa kulelo hora lekumele nikusho.'' ¹³ Lomunye wakulesicumbi watsi kuye, ''Mfusindzisi, tjela umnaketfu kutsi angabele lifa.'' ¹⁴ Jesu watsi kuye, ''Ndvodza, ngubani longente umehluleli nementisi tikwenu?'' ¹⁵ Watsi kubo, ''Caphelani nitibalekele tonkhe tifiso letimbi, ngoba imphilo yemuntfu ayinconotiswa bunjinga bakhe.'' ¹⁶ Wabese Jesu ubatjela umfanekiso, watsi, ''Emasimu endvodza lecebile enta sivuno lesikhulu, ¹⁷ sase sicabanga kuso, satsi, 'Yini lengitakwenta, ngoba ngite indzawo kugcina sivuno sami? ¹⁸ Watsi, 'Naku lengitokwenta. Ngitawubhidlita tonkhe tinyango tami bese ngakha letinkhulu, bese lapho ngitawugcina sonkhe sivuno sami nalokunye. ¹⁹ Ngitawutsi kumphefumulo wami, ''Mphefumulo, unetintfo letinyenti letigcinwe iminyaka leminyenti. Phumula kalula, ngidle, nginatse, ngijabule.'' ²⁰ Kepha Nkulunkulu watsi kuye, 'Silima sendvodza, kulobusuku banamuhla umphefumulo wakho uyabitwa kuwe, naletintfo lotilungisile, titoba tabani? ²¹ Ukanjalo ke umuntfu lotibekela umcebo kantsi akacebi kuNkulunkulu.'' ²² Jesu watsi kubafundzi bakhe, ''Ngako ke ngitsi kini, ningakhatsateki ngetimphilo tenu, kutsi nitodlani; noma ngemitimba yenu, nitogcokani. ²³ Ngoba imphilo ibalulekile kakhulu kune kudla, nemtimba ubalulekile kakhulu kunetimphahla. ²⁴ Cabanga emangangane, kutsi akahlanyeli noma avune. Ate likamelo lekugcina noma tilulu, kepha Nkulunkulu uyatondla. Nibaluleke kakhulu kanganani kenine kunetinyoni! ²⁵ Ngubani nje lakini longangeta umnyaka ngekunganaki emphilweni yakhe? ²⁶ Nangabe ungakhoni kwenta intfo lencane kakhulu, leni ukhatsateke ngaloku lokunye? ²⁷ Cabanga timbali-tikhula njani. Atisebenti, noma tititfungele. Kodvwa ngitsi kini, ngisho Solomoni kuyo yonkhe inkhatimulo yakhe akazange agcokise kwayinye yaleti. ²⁸ Nangabe Nkulunkulu embatsisa tjani ensimini, letiphila namuhla, bese ngakusasa kuphoswe emlilweni, kakhulu kanganani utawunigcokisa, Maye nine bekukholwa lokuncane! ²⁹ Ningabuki leningakudla nalenitakunatsa, futsi unganaki. ³⁰ Ngoba tonkhe tive talomhlaba tibuka letintfo leti, futsi Babe wenu uyati kutsi niyatidzinga. ³¹ Kepha funa umbuso wakhe, bese letintfo leti titawengetelwa kuwe. ³² Ungesabi, mhlambi lomncane, ngoba Babe wenu utfokotela kuninika umbuso. ³³ Tsengisa inzuzo yakho bese upha labeswele. Tenteleni tipatji letingagugi-umcebo usezulwini longanciphi, lapho kute lisela lelingasondzela dvutane, futsi kute nemvunya longabulala. ³⁴ Ngoba lapho kunemcebo wakho khona, inhlitiyo yakho itawuba khona lapho futsi. ³⁵ ''Akutsi tembatfo tenu letindze tihlale tiboshiwe ebhandeni lenu, ³⁶ futsi kutsi netibane tenu tihlale tivutsa, nibe njengebantfu labalindzele umnumzane wabo uma abuya edzilini lemshado, khona uma efika anconcotsa, bamvulele sivalo ngaleso sikhatsi. ³⁷ Tibusisiwe leto tisebenti letiyawukhandvwa ngumnumzane tibuka uma eta. Ngicinisile ngitsi kini, utawubopha sembatfo sakhe lesidze ebhandeni lakhe abahlalise etafuleni, utawuta abaphe kudla. ³⁸ Uma umnumzane eta atobuka kwesibili ebusuku, nome atobuka kwesitsatfu, bese ubakhandza balungele, tibusisiwe leto tisebenti. ³⁹ Kepha condzani naku, kutsi uma umnumzane wendlu besekalati lelihora lekuta lelisela, bekangeke avume indlu yakhe ingcekezwe. ⁴⁰ Lungelani futsi, ngoba anilati lihora uma indvodzana yemuntfu ita.'' ⁴¹ Phetro watsi, ''Nkhosi, utjela tsine sodvwa lomfanekiso, nome naku wonkhe muntfu?'' ⁴² Inkhosi yatsi, ''Ngubani ke lotsembekile nalosisebenti lesihlakaniphile loyo iNkhosi yakhe itambeka aphatse letinye tisebenti takhe abanike incenye yabo yekudla ngesikhatsi lesifanele? ⁴³ Sibusisiwe leso sisebenti loyo inkhosi yakhe itomkhandza enta loko uma eta. ⁴⁴ Ngicinisile ngitsi kini utambeka aphatse tonkhe timphahla takhe. ⁴⁵ Kepha uma leso sisebenti sitsi enhlitiyweni yaso, 'INkhosi yami yephutile kubuya,' bese icala kushaya latidvuna nalensikati tisebenti nekudla nekunatsa nekutsi adzakwe, ⁴⁶ inkhosi itawufika ngelilanga uma angakagadzi futsi ngelihora langalati bese umcoba abe tincetu bese usikhomba indzawo yaso nalabangaketsembeki. ⁴⁷ Lesisebenti leso, ngekwati intsandvo yenkosi yakhe bese asitilungiseleli nome sente intsandvo ngendlela yakhe, utawushaywa ngemimoya leminyenti. ⁴⁸ Kepha leso lebesingati bese senta loko sifanele sishaywe, utawushaywa ngemimoya lemincane. Kepha wonkhe muntfu lonikwe lokukhulu, kuyawudzingeka lokukhulu kubo, futsi kuloyo lowetsenjwe ngalokukhulu, ngisho nalokunyenti kutawubutwa. ⁴⁹ ''Ngitele kuto wokhela umlilo emhlabeni, futsi ngifisa kanganani kutsi ngabe sowokhelekile. ⁵⁰ Kepha nginembhabhatiso lengito bhabhatiswa ngawo, futsi ngicindzeteleke kanjani uyawuze upheleliswe! ⁵¹ Nicabanga kutsi ngitele kutoletsa kuthula yini emhlabeni? Cha, ngiyanitjela, kepha ngamane ngehlukanise. ⁵² Ngoba kusukela manje kutawuba nalabasihlanu endlini yinye kwehlukanisiwe-bantfu labatsatfu bacabane nalababili, bese batfu lababili bacabane nalabatsatfu. ⁵³ Batawehlukana, neyise acabane nendvodzana nendvodzana icabane neyise, unina acabane nendvodzakati nendvodzakati icabane nenina, uninatala acabane namalukatane wakhe namalukatane acabane neninatala.'' ⁵⁴ Jesu bekatsi kuleticuku futsi, ''Uma nibona lifu liphakama enshonalanga, leso sikhatsi nitsi, 'Imvula iyeta,' bese kuyenteka. ⁵⁵ Uma umoya waseningizimu uhhusha, nibotsi, 'Kutawuba nekushisa lokukhulu,' bese kuyenteka. ⁵⁶ Batentisi, niyakwati kuhumusha kuvela kwemhlaba nemazulu, kepha kanjani kutsi anikwati kuhumusha lesikhatsi lesikhona? ⁵⁷ Kuyangani ungatehluleli ngalokulungile kwakho? ⁵⁸ Ngoba uma uhamba nemmangaleli wakho phambi kwenkantolo, endleleni yenta ngemandla kulungisa lenkinga naye kuze kutsi angakudvonseli kumehluleli, futsi kuze kutsi umehluleli angakumikisi emaphoyiseni, futsi emaphoyisa ngeke akujike ejele. ⁵⁹ Ngitsi kuwe, angeke uphume lapho uze ubhadale imali lencane yekugcina.''