¹ Ngaleso sikhatsi, labanye bantfu lapho bamutjela ngebaseGalile ingati yabo Philatu wayihlanganisa nemhlatjelo wabo. ² Jesu waphendvula watsi kubo, ''Ucabanga kutsi laba baseGalile bebatoni kunabo bonkhe labanye baseGalile ngoba bahlupheka ngalendlela yini? ³ Cha, ngiyanitjela. Kepha uma ningaphendvuki, nonkhe nitobhubha ngendlela yinye. ⁴ Nome labantfu labalishumi nesiphohlongo labase Silowama lokwawela kubo umbhoshongo wababulala, nicabanga kutsi bebatoni kakhulu kunalamanye emadvodza eJerusalema yini? ⁵ Cha, ngitsi. Kepha uma ungaphendvuki, nonkhe nitawubhubha.'' ⁶ Jesu wabatjela nangu umfanekiso, ''Lomunye bekanesihlahla semkhiwa sihlanyelwe engadzeni yakhe bese weta wabuka sitselo kuso kepha kute lasitfola. ⁷ Lendvodza yatsi kulesisebenti, 'Buka, sengite iminyaka lemitsatfu futsi ngitamile kutfola sitselo kulesihlahla semkhiwa kute lengisitfolile. Sijube. Usivumelelani simoshe lomhlaba?' ⁸ ''Lesisebenti saphendvula satsi, 'Siyekele lomnyaka lona ngisasigubhela ngisitungelete bese ngifaka manyolo kuso. ⁹ Uma sitsela sitselo kulomnyaka lotako, kulungile; kepha uma singatseli, sijube!'' ¹⁰ Nyalo Jesu abefundzisa kulinye lemasinagogu ngelilanga leliSabatha. ¹¹ Manini, bekunemfati lapho lobekanemoya lomubi iminyaka lelishumi nesiphohlongo. Abesagobene futsi angasakhoni nekuma acondze kuphelele. ¹² Uma Jesu ambona, wambita watsi, ''Mfati, sewukhululiwe ekuguleni kwakho.'' ¹³ Wabeka tandla takhe tikwakhe, futsi ngaleso sikhatsi walulama wasukuma wadvumisa Nkulunkulu. ¹⁴ Kepha siphatsimandla selisinagogu satfukutsela ngoba Jesu waphilisa ngeliSabatha. Ngako lesiphatsimandla saphendvula satsi kulesicuku, ''Kunemalanga lasitfupha lekufanele sisebente ngawo. Ngako wotani niphiliswe, hhayi ngelilanga leliSabatha.'' ¹⁵ INkhosi yamphendvula yatsi, ''Batentisi! Lomunye wenu angete ayikhipha yini imbongolo yakhe esibayeni bese uyoyinatsisa ngeliSabatha? ¹⁶ Ngalokanjalo lendvodzakati ya Abrahama, lebeyiboshwe nguSathane iminyaka lelishumi nesiphohlongo budze, akukafaneli yini ikhululwe ngelilanga leliSabatha?'' ¹⁷ Asatishito letintfo leti, bonkhe labo bebamelene naye bahlazeka, kepha lesicuku sonkhe lesicuku satfokotela tonkhe letintfo letimangalisako latenta. ¹⁸ Ngako Jesu watsi, ''Ungafananiswa nani umbuso waNkulunkulu, futsi ngingawufananisa nani nje? ¹⁹ Ufanana nembewu lencane leyatsatfwa indvodza yayiphosa engadzeni yayo, yabese yakhula yaba sihlahla lesikhulu, bese netinyoni tasezulwini takha tidleke tato kulamagala.'' ²⁰ Phindze watsi, ''Ngingawufananisa nani umbuso waNkulunkulu? ²¹ Unjengembiliso lowatsatfwa ngumfati wawuhlanganisa netikali letintsatfu tafulaha kuze kutsi igcwale kuwo wonkhe lofulaha.'' ²² Jesu wahamba emadolobha nemadolobhana, afundzisa futsi enta indlela yakhe acondze eJerusalema. ²³ Lomunye watsi kuye, ''Nkhosi, kutawusindziswa bantfu labambalwa yini?'' Ngako watsi kubo, ²⁴ ''Sebentelani kungena ngemnyango lomncane, ngoba, ngitsi kini, banyenti batawufuna kungena, kepha ngeke bakhone kungena. ²⁵ Emvakwekutsi umnikati wendlu avuke bese ukhiya umnyango, utawubese uma ngaphandle bese ushaya umnyango utsi, 'Nkhosi, Nkhosi, singenise.' ''Utawuphendvula atsi kini, 'Anginati nome laniphuma khona.' ²⁶ ''Nitobese nitsi, 'Sadla sanatsa phambi kwakho futsi wafundzisa etitaladini takitsi.' ²⁷ '''Kepha utawuphendvula, 'Ngitsi kini, anginati lapho niphuma khona. Sukani embikwami benti balokubi!' ²⁸ Kutawuba nekukhala nekugedletela kwematinyo uma nibona Abrhama, Isaka, Jakobe, nabo bonkhe baphrofethi bembuso waNkulunkulu, kepha nine nipheselwe ngaphandle. ²⁹ Batawuchamuka eningizimu, enyakatfo, emphumalanga nenshonalanga, bahlale etafuleni embusweni waNkulunkulu. ³⁰ Yatini naku, labo labangasimcokwa batawuba bekucala, bese kutsi labo labamcokwa kakhulu batawuba bekugcina.'' ³¹ Kafishane emvakwaloko, labanye baFarisi beta batsi kuye, ''Suka uhambe lapha ngoba Herodi ufuna kukubulala.'' ³² Jesu watsi, ''Hambani nitjele leyo mphungutja, 'Buka, ngikhipha emadimoni futsi ngiyaphilisa namuhla bese kusasa, bese ngelilanga lesitsatfu ngitawufika esifisweni sami.' ³³ Kepha ke, kumcoka kwami kucubeka namuhla, kusasa, futsi nangelilanga lelilandzelako njengoba akukavumeleki kubulala umphrofethi kudze nase Jerusalema. ³⁴ Jerusalema, Jerusalema, lobulala baphrofethi bese ugcoba labo latfunywe kini. Ngifisa kanganani kuhlanganisa bantfwana benu ngendlela sikhukhukati sivikela bantfwana baso ngaphasi kwetimphiko taso, kepha anikakufisi loku. ³⁵ Buka, indlu yakho seyilahliwe. Ngitsi kuwe, angeke ungibone mine uze utsi, 'Ubusisiwe loyo lota egameni leNkhosi.''