¹ Emva kokutsi Jesu acedze konkhe labekusho bakuva bantfu, wangena eKhaphanawume. ² Manje indvuna beyinesisebenti lebe isihlonipha kakhulu, besigula sesitakufa. ³ Yatsi lendvuna nayiva ngaJesu, yatfumela kuye labadzala kumaJuda, amcela kutsi ete atophilisa sisebenti sakhe. ⁴ Nabefika kuJesu bamcela ngesineke , batsi, ''ulufanele lusito lwakho, ⁵ ngobe uyasitsandza sive setfu, futsi nguye lowasakhela linasinagogi ⁶ Ngako ke Jesu wachubeka nabo ngendlela. kodwa angakahambi kadze, indvuna yatfumela bangani kutsi bayotsi kuye,'' Nkhosi, ungatihluphi, ngobe akukafaneli kutsi ute phaseluphahla lwami. ⁷ Ngaleso sizatfu angititfoli nami lucobo ngifanele kuta kuwe, kepha mane usho livi sisebenti sami sitawuphila. ⁸ Ngiyindvodza lephasemagunya , nemasotja phasi kwami. ngisho loku kanye nje, 'hamba,' ahambe, nakulomnye,' wota,' bese uyeta, esisebentini sami,' yenta loku,' bese siyakwenta.'' ⁹ Uma Jesu akuva loku, wamangala ngaye, waphendvukela kulesicuku besimulandzele yena watsi,'' Ngitsi kini, angikake ngisho kaIstrayeli ngatfola kukholwa lokunje.'' ¹⁰ Kwatsi laba bebatfunyiwe babuyela endlini, bakhandza kutsi lesisebenti sesiyaphila ¹¹ Ngekushehse emva kwaloko, Jesu wase uya edolobheni belibitwa ngekutsi iNayini, nebafundzi bakhe nesicuku lesikhulu sahamba naye. ¹² Nasasondzele kulelisango lelidolobha, Bheka, indvodza beyifile bebasayiphetse baphuma, Indvodzana beyiyodvwa kumake wayo( lebe angumfelokati), nesicuku lesikhulu lesasiphuma edolobheni besinaye. ¹³ Uma iNkhosi imbona , yamdzabukela kakhulu yaba nesihawu kuye wase utsi kuye , ''Ungakhali.'' ¹⁴ Wase uyenyuka watsintsa loluhlaka lolwaluphetse umtimba, labebaluphetse bema. Watsi,'' Jaha, ngitsi kuye, vuka.'' ¹⁵ Lendvodza beyifile yasukuma yacala yakhuluma, wase Jesu uyiniketa unina. ¹⁶ Kwase kwesaba kubafikela bonkhe , bagcine badvumisa Nkulunkulu, batsi,'' umprofethi lomkhulu uphakanyisiwe emkhatsini kwetfu'' na'' Nkulunkulu ubabukile bantfu bakhe.'' ¹⁷ Letindzaba ngaJesu tagcwala kulo lonkhe laseJudiya netigodzi letibomakhelwane . ¹⁸ Bafundzi baJohane bamtjela ngatotonkhe letintfo. ¹⁹ Ngako-ke Johane wabita babili kubafundzi bakhe wabatfuma eNkhosini watsi, '' Ngabe nguwe lolotako, nome kufanele sibuke lomunye?'' ²⁰ Batsi nabefika kuJesu , lamadvodza atsi,'' Johane umbhabhatisi usitfumela lapha kuwe sitsi, ''Ngabe nguwe yini lolotako, nome kufanele sibuke lomunye?''' ²¹ Ngalelohora waphilisa bantfu labanyenti lebebagula nalababesekuhluphekeni nalababe nemimyoya lemibi, nakulabanyenti bebangaboni bantfu wabaniketa kubona. ²² Jesu waphendvula watsi kubo, ''Emva kwekuhamba indlela yenu, bikelani Johane lenikubonile kanye nalenikuvile. Labangaboni bantfu bebamukela kubona, tishosha tebantfu tiyahamba, bulephelo bususiwe, labangeva bantfu bayeva, bantfu lebebasafile bayavuswa babuyiselwa imphilo, kanye nebantfu labadzingile batjelwa ²³ livangeli. Umuntfu longeayeki kukholwa ngimi ngenca yetento tami ubusisiwe.'' ²⁴ Emva kwekutsi titfunywa taJohane setihambile, Jesu wacala watsi kulesicuku ngaJohane, ''Naphumela ehlane kuyobona ini? Umhlanga unganyakatiswa ngumoya? ²⁵ Kodwa niphumele kuyobonani? Indvodza yembatse timphahla letidulile? Buka, labo labembatsa timphahla letidulile nalabaphila imphilo lephucukile basetigodlweni temankhosi. ²⁶ Kodwa naphumela kuyobonani? Umphrofethi ? Yebo, ngitsi kini, lokungetulu kwemphrofethi. ²⁷ Lona nguye lokwabhalwa ngaye, 'Buka, ngitfumela sitfunywa phambi kwebuso bakho, lotokulungisela indlela phambi kwakho.' ²⁸ Ngitsi kini, emkhatsini walabatalwa besifazane kute lomkhulu kunaJohane. Noko loyo lomncane embusweni waNkulunkulu mkhulu kunaye.'' ²⁹ (Uma bonkhe bantfu bakuva loko, kufaka khatsi nalababutsa imitselo, bavuma kutsi Nkulunkulu ulungile, ngobe babhabhatiswa ngembhabhatiso waJohane. ³⁰ Kodvwa bafarisi netishayi mtsetfo tayala inhloso yaNkulunkulu tona lucobo, ngobe abazange babhabhatiswa nguJohane) ³¹ Yini, nje, lengingafananisa labantfu bakulesikhatsi nako? Yini nje labanjengayo? ³² Bafanana nebantfwana labadlala ngasedzaweni yekutsengisela, labahlalako babitane bese batsi,' sinidlalela lihambu, kepha kanijayivi. Sihlabela tingoma temgcwabo , anikhali.' ³³ Noko Johane umbhabhatisi weta angadli sinkhwa anganatsi newayini, nase nitsi,' unelidimoni.' ³⁴ Indvodzana yemuntfu yeta idla iphindze inatsa, nase nitsi, 'Buka, isidli lendvodza ibuye ibesidzakwa, ungumngani webatselisi kanye netoni!' ³⁵ Kepha inhlakanipho yentiwe yalunga ngabo bonkhe bantfwanabayo. ³⁶ Ngako munye webafarisi wamema Jesu kutsi ayodla naye. Noko emva kwekutsi Jesu angene endlini yalomfarisi, wahlala etafuleni atodla. ³⁷ Buka, bekunemfati kulelidolobha lebe asoni. Uma atfola kutsi abehleti etafuleni endlini yeMfarisi, waletsa lijeke belakhiwe ngelitje le alabhasta lemafutsa emakha. ³⁸ Asemile emva kwakhe madvutane netinyawo takhe, wakhala ngelusizi, wacala wamantisa tinyawo takhe ngetinyembeti, wase utesula ngetinywele tinhloko yakhe wacabula tinyawo takhe wase utigcobisa ngemakha. ³⁹ Uma lomfarisi abememe Jesu akubona loko , Wacabanga kuye , watsi, ''kube lendvodza beyingumphrofethi, beyitokwati kutsi ngubani noma ulihlobo lini lomfati lamtsintsako yena, kutsi usoni. ⁴⁰ Jesu waphendvula wase utsi kuye, '' Simoni, nginentfo lengifuna kuyisho kuwe.'' watsi, '' yisho, Mfundzisi!'' ⁴¹ Jesu watsi, '' Lenye indvodza lebe ibolekisa ngemali beyikweletwa ngebantfu lababili. Lomunye abemkweleta sisindvo semali lengemakhulu lasihlanu, lomnye lengangemalangeni langemashumi lasihlanu. ⁴² Uma solo bangakhoni kumbhadala , wase uyabatsetselela bobabili. Ngako ke, ngumuphi kulaba lotamtsandza kakhulu?'' ⁴³ Simoni wamphendvula watsi,'' Ngiyacabanga ngulolowamtsetselela lokunyenti.'' Jesu watsi kuye,'' Uhlulele kahle.'' ⁴⁴ Jesu wagucukela kulomfati wase utsi kuSimoni,'' Uyambona lomfati. Ngingene endlini yakho. Awukate wanginiketa emanti etinyawo tami, kepha yena umantise tinyawo tami ngetinyembeti wase uyatesula ngetinwele takhe. ⁴⁵ Awukake wangicabula, kepha ngesikhatsi ngingena lapha akake wema kucabula tinyawo tami ⁴⁶ Awukake wagcobisa tinwele tami ngemafutsa, kepha yena ugcobise tinyawo tami ngemafutsa lanemakha. ⁴⁷ Ngako-ke Ngitsi kuwe , tono takhe, lebe titinengi, titsetselelwe-ngobe unelutsandvo kakhulu. kepha loyo lotsetselelwe kancane, utsandza kancane.'' ⁴⁸ Wase utsi kuye,'' Tono takho titsetselelwe.'' ⁴⁹ Laba bekahleti nabo bacala batsi kulomunye nalomunye, '' Ngubani lona lotsetselela netono?'' ⁵⁰ Wase Jesu utsi kulomfati,'' Kukholwa kwakho kukusindzisile. Hamba ngekutfula.''