¹ Kwase kuyenteka ngeliSabatha kutsi Jesu wayehamba emkhatsini wemasimi etinhlavu takolo , bafundzi bakhe bebabutsa tinhloko takolo. ² Kodvwa labanye beba Farisi batsi, "niyentelani intfo lengekho emtsetfweni welilanga leli Sabatha? ³ Äbaphendvula, Jesu watsi, "anikafundzi yini loku Davide lakwenta nasekalambile, yena kanye nalamadvodza bekanaye? ⁴ Waya endlini ya Nkulunkulu watsatsa sinkhwa lesingcwele wadla lesinye saso, waniketa lesi lesinye kulamadvodza lebekanaye kutsi asidle, nanome bekungumtsetfo kuphela kubaphristi kutsi basidle. ⁵ "Wase utsi kubo, "indvodzana yemuntfu iyiNkhosi neyeli Sabatha. ⁶ Kwenteka ngalelinye liSabatha kutsi waya e sinagogweni wafundzisa bantfu lapho. Bekunendvodza sandla sayo sengesekudla sishwaphene. ⁷ Babhali neba Farisi bebambukela dvutane bentela kubona kutsi kukhona yini latamphilisa ngeli Sabatha, khona batotfola sizatfu sekumsola. ⁸ Kodvwa bekati kutsi bacabangani wase utsi kulendvodza, "sukuma ume emkhatsini wabo bonkhe."Ngako lendvodza yasukuma yema lapho. ⁹ Jesu watsi kubo, "ngiyanibuta, kuvumelekile yini ngeli Sabatha kwenta lokuhle nobe kulimata, kuphephisa imphilo nobe kuyibhidlita?" ¹⁰ Wase ubabuka bonkhe watsi kulendvodza, "yelula sandla sakho. "Yavele yenta njalo, sandla sayo sabuyela saba kahle. ¹¹ Kodvwa bagcwala intfukutselo base bakhulumisana bodvwa ngalabangahle bakwente ku Jesu. ¹² Kwenteka kulawo malanga waya entsabeni wayothantaza. Wachubeka busuku bonkhe athantaza ku Nkulunkulu. ¹³ Kwatsi nasekusile , wabita bafundzi bakhe kutsi bete kuye, wakhetsa labalishumi nakubili, lebekababita ngeba phostoli. ¹⁴ Emagama alaba phostoli bekubo Simoni (lekaphindze wametsa ngekutsi ngu Phethro) kanye nemnakabo Andreya, Jakobe, Johane, Filiphu, Barthalomewu, ¹⁵ Matewu, Tomase, Jakobe indvodzana ya Alfewu, Simoni lobekabitwa ngemZelothi, ¹⁶ Judasi indvodzana ya Jakobe, kanye na Juda Iskariyothi, lowamnikela. ¹⁷ Jesu wehla entsabeni kanye nabo wase uma endzaweni leyayibekile nesicumbi sebafundzi bakhe kanye nebantfu labanyenti labebachamuka eJudiya nase Jerusalema nasemacentselweni elwandle eceleni kwemadolobha i Thire ne Sidoni. ¹⁸ Bebetele kutewulalela Jesu abafundzisa aphindze abaphilise etifeni tabo. Bantfu lebebahlushwa imimoya lengcolile nabo baphiliswa. ¹⁹ Wonkhe muntfu kulesicumbi beketama kumtsintsa ngobe emandla ekuphilisa bekaphuma kuye, wabaphilisa bonkhe. ²⁰ Wase ubuka bafundzi bakhe watsi, "Nibusisiwe nine lenimphofu, ngobe umbuso wa Nkulunkulu wenu. ²¹ Nibusisiwe nine lenilambile nyalo, ngobe niyakwesutsiswa. Nibusisiwe nine lenikhalako nyalo, ngobe niyawuhleka. ²² Nibusiswe uma banizonda, nanabanibandla banitfuka bangalifuni ligama lenu batsi alikho ngcwele, ngenca yendvodzana yemuntfu. ²³ Tfokotani ngalelilanga nijabulisise, ngobe nakanjani nitawutfola umhlomelo wenu ezulwini, nabokhokho babo babaphatsa ngalokufanako labaphrofethi. ²⁴ Kodvwa nako kini nine lenicebile, ngobe senivele nitfole kutfokomala. ²⁵ Nako kini nine lesenesutsi, ngobe nitawulamba ngalokutako. Nako kini lenihlekako nyalo, ngobe nitawulila nikhale ngalokutako. ²⁶ Nako kini nine labanikhuluma kahle, ngobe nguleyo ndlela bokhokho bebaphatsa ngayo baphrofethi bemanga. ²⁷ "Kodvwa ngitsi kini lenilalele, tsandzani titsa tenu nente lokuhle kulabanitondzako.. ²⁸ Busisani labo labanicalekisako phindze nithantazele labo labaniphatsa kabi. ²⁹ Kuloyo lokushaya esihlatsini, ubomnika nalesi lesinye. Nangabe umuntfu akwemuka libhantji lakho, ungamvimbeli kutsi akwemuke nelihembe lakho. ³⁰ Niketa wonkhe umuntfu locela kuwe. Nangabe umuntfu akwemuka intfo yakho, ungamceli kutsi akubuyise kuwe. ³¹ Njengobe nifuna bantfu bente kini, nani kufanele nente ngalokufanako kubo. ³² Nangabe nitsandza kuphela bantfu labanitsandzako, ludvumo luni lelo kini? Ngobe ngisho netoni titsandza labo labatitsandzako. ³³ Nangabe nenta lokuhle kuphela kulabo labenta lokuhle kini, ludvumo luni lelo kini? Ngobe netoni tenta kanjalo. ³⁴ Nangabe nibolekisa kulabo lenitsemba kutsi batanikhokhela, ludvumo luni lelo kini? Ngisho netoni tibolekisa kuletinye toni, kutfola linani lelifanako. ³⁵ Kodvwa tsandzani titsa tenu niphindze nente lokuhle kuto. Bolekisani, ningagadzi kubuyelwa lutfo, nemklomelo wenu utawuba muhle, nitawuphindze nibe madvodzana a Simakadze lophakeme, ngobe yena lucobo lwakhe ulungile kulabangabongi nalabangakalungi. ³⁶ Banini nemusa, njengobe na Babe wenu anemusa. ³⁷ Ningehluleli, nani ngeke nehlulelwe. Ningabalahli labanye, nani ngeke nilahlwe. Colelani labanye, nani nitakucolelwa. ³⁸ Phanini, nani nitawuphiwa. Linani lelanele- lolungcingciwe, lwakhuhlutiswa kanyekanye lwacitseka- lutawutselwa ematsangeni enu. Ngobe lesilinganiso lenisisebentisako, sitawlinganiswa nakini. ³⁹ Wase ubatjela umfanekiso. ümuntfu loyimphumphutse angayihola yini lenye imphumphutse? Nakangenta, bobabili bangagcumkela emgodzini, ngeke yini? ⁴⁰ Umfundzi akekho ncono kunalona lomfundzisako, kodvwa wonkhe umuntfu nasafundziseke ngalokuphelele utawufana nalona bekamfundzisa. ⁴¹ Ulibukelani lutsi loluse sweni lemnakenu. kodvwa awuluboni lugodvo lolusekhatsi kulakho liso? ⁴² Ungasho kanjani kumnakenu kutsi, "mnaketfu, asengikukhiphe nalu lutsi lolusekhatsi kuleliso lakho," nangabe nawe cobo lwakho ungaboni lolugodvo lolusekhatsi kulakho liso? wena mtentisi! Cale ususe lolugodvo lolusekhatsi kulelakho liso, utawubese ke sewubona kahle ukhone kukhipha lelutsi lolusekhatsi kuleliso lemnakenu. ⁴³ Ngobe kute sihlahla lesihle lesitsela sitselo lesibi, phindze kute sihlahla lesibi lesitsela sitselo lesihle. ⁴⁴ Ngobe sonkhe sihlahla satiwa ngenhlobo yesitselo lesisitselako. Ngobe bantfu abawabutsi emakhiwa emanyeveni, noma babutse emagilebisi emanyeveni. ⁴⁵ Umuntfu lomuhle kuletintfo letinhle latigcina ehlitiyweni yakhe tikhicita lokuhle, phindze nemuntfu lomubi kuletintfo letibi latigcine enhlitiyweni yakhe tikhicita lokubi. Ngobe loku lokusenhlitiyweni yakhe kunemtselela kuloku lakukhuluma ngemlomo wakhe. ⁴⁶ Ningibitelani, 'Nkhosi, Nkhosi,' kodvwa ningakulandzeli loku lengikushoko? ⁴⁷ Wonkhe umuntfu lota kimi eve emavi ami awalandzele, Ngitanitjela kutsi ufanana nani. ⁴⁸ Ufanana nendvodza leyakha indlu, yagubha kwashona phasi yase yakha sisekelo salendlu etikwe lidvwala. Kwatsi nakufika zamcolo, lamanti lamanengi bekahamba ashayisa kulendlu kodvwa akatange ayitamatamisa, ngobe beyakheke kahle. ⁴⁹ Kodvwa umuntfu lova emavi ami angawalandzeli, ufanana nendvodza leyakha indlu tikwemhlabatsi ngaphandle kwesisekelo. Lamanti lamanengi atsi nakashayisa lendlu, masinyane yabhidlika, lendlu yonakala yaphela.