¹ Jesu, agcwele ngaMoya Longcwele, wabuyela eMfuleni iJordane Moya wamtfumela ehlane, ² emalanga langemashumi lamane lapho lalingwa khona ngusathane. Akadlanga lutfo kulawo malanga, ekugcineni kwaleso sikhatsi walamba. ³ Sathane watsi kuye, ''Uma uyiNdvodzana yaNkulunkulu, tjela nali litje kutsi libe sinkhwa.'' ⁴ Jesu wamphendvula watsi, ''Kubhaliwe, 'Umuntfu akaphili ngesinkhwa kuphela.'' ⁵ Sathane wahola Jesu wamtjengisa yonkhe imibuso yelive ngaleso sikhatsi. ⁶ Sathane watsi kuye, ''Ngitakunika sonkhe lesigaba nalenkhatimulo yayo, ngobe beyinikwe mine, futsi ngingayinika nome ngubani lengimfunako, ⁷ Ngako, uma utawukhotsama bese uyangidvumisa, kutawuba kwakho.'' ⁸ Kepha Jesu waphendvula watsi kuye, ''Kubhaliwe, 'Utawudvumisa iNkhosi Nkulunkulu wakho, futsi utawukhonta yena kuphela.'' ⁹ Bese sathane wahola Jesu eJerusalema wambeka esicongweni sesakhiwo selithempeli, bese watsi kuye, ''Uma uyiNdvodzana yaNkulunkulu, tiphosele phasi. ¹⁰ Ngobe kubhaliwe, 'Utawutfumela tingelosi takhe tite kuwe, kutokuvikela,' ¹¹ futsi, 'Titakuphakamisa ngetandla tato, khona lunyawo lwakho lungeke lukhutjwe nalitje.'' ¹² Jesu wamphendvula watsi, ''Kushiwo kutsi, 'Ungayilingi iNkhosi Nkulunkulu wakho.'' ¹³ Ngesikhatsi sathane asacedzile kulinga Jesu, wamshiya kwaze kwaba ngulesinye sikhatsi. ¹⁴ Wabese Jesu ubuyela eGalile emandleni aMoya, netindzaba ngaye tandza lonkhe lelive. ¹⁵ Bese wacala kufundzisa emasinagogweni abo futsi bonkhe bamdvumisa. ¹⁶ Wefika eNazaretha, lapho akhuliswa khona, futsi, bekuyinkholelo yakhe, wangena esinagogweni ngelilanga leliSabatha wasukuma kutofundza kakhulu. ¹⁷ Bamunika incwadzi yemphrofethi Isaya. Wayivula lencwadzi watfola lendzawo leyabhalwa khona, ¹⁸ ''Moya weNkhosi usetikwami, ngobe ungigcobile kutotjela labaphuyile livangeli. Ungitfumele kutsi ngitomemetela inkhululeko kulababoshiwe nekululama kwekubona kulabangaboni, kukhulula labo labacindzetelekile, ¹⁹ kumemetela umnyaka wemusa weNkhosi.'' ²⁰ Wabese ugoca lencwadzi, wayinika sikhonti, bese wahlala phasi. Emehlo abo bonkhe labangekhatsi esinagogweni ambuka. ²¹ Wacale wakhuluma kubo, ''Lamuhla lombhalo ugcwalisekile ekuveni kwetfu.'' ²² Wonkhe muntfu lapho wakhuluma kahle ngaye bebamangaliswa ngulamavi lamahle laphuma emlonyeni wakhe, babese batsi, ''Akusuye yini umsa waJosefa?'' ²³ Watsi kubo, ''Ngiyati kutsi nitawusho lesaga lesi kimi, 'Dokotela, tiphilise. Nome yini lesakuva kutsi wakwenta eKhaphanawume, yenta lokufanako edolobheni lakini.'' ²⁴ Kepha watsi, ''Ngicinisile ngitsi kini, kute umphrofethi lowemukelwa edolobheni lakhe. ²⁵ Kepha ngintjela liciniso kutsi bekunebafelokati labanyenti kaIsrayeli ngesikhatsi sa Elija, ngesikhatsi sibhakabhaka sivalwa imnyaka lemitsatfu netinyanga letintsatfu futsi somiso lesikhulu sehlela kulelive. ²⁶ Kepha Elija abengakatfunyelwa kunome ngubani wabo, kepha eSarefatha eSidoni, emfelokatini lobekahlala lapho. ²⁷ Bekunemalephelo lamanyenti kaIsrayeli ngaleso sikhatsi semphrofethi Elisha, kepha kute wabo lowaphila ngaphandle ngaphandle kwaNamani umSiriya.'' ²⁸ Bonkhe bantfu esinagogweni bagcwala kutfukutsela uma beva letintfo leti. ²⁹ Basukuma, bamcosha bamkhipha kulelidolobha, bamhola elusentseni kweliwa lentsaba lapho lelidolobha belakhiwe khona, khona ke batomphosela kuleliwa. ³⁰ Kepha wendlula emkhatsisini wabo waya kulenye indzawo. ³¹ Wabese wehlela eKhaphenawume, lidolobha leGalile, wabese ucala kubafundzisa ngeliSabatha. ³² Bamangala kakhulu ngetifundziso takhe, ngobe bekakhuluma ngemagunya. ³³ Manje esinagogweni bekunendvodza lobekanemoya welidimoni lelingakahlobi, yabese iyamemeta ngeliphimbo lelisetulu, ³⁴ Awu! Yini lekumele sikwente ngawe, Jesu waseNazaretha? Utele kutewusibhubhisa? Ngiyati kutsi ungubani- Longcwele waNkulunkulu!'' ³⁵ Jesu walekhuta lelidimoni, atsi, ''Ungakhulumi! Phuma kuye!'' Uma lelidimoni seliyilahle phasi lendvodza emkhatsisini wabo, laphuma kuye, futsi alizange limulimate nome ngayiphi indlela. ³⁶ Bonkhe labantfu bamangala kakhulu, futsi bebaphele kukhuluma ngayo kulomunye kulomunye. Batsi, '''Luhlobo luni lwemagama lawa? Utjele lemimoya lengakahlobi ngemagunya nemandla futsi aphuma.'' ³⁷ Ngako letindzaba ngaye tacala tandza kuyo yonkhe indzawo letungelete lelive. ³⁸ Wabese Jesu uyalishiya lelisinagogu wangena endlini yaSimoni. Manje make tala waSimoni abegula anemkhuhlane lomkhulu, bese bamcelela. ³⁹ Ngako wamsukumela wekhuta lomkhuhlane, wamshiya. Ngaleso sikhatsi wasukuma wacala wabakhonta. ⁴⁰ Ngesikhatsi lilanga lishobela, bantfu baletsa kuJesu wonkhe umuntfu lobekagula lonekugula lokwehlukahlukene. Wabeka tandla kubo bonkhe wabaphilisa. ⁴¹ Emadimoni futsi aphuma kulabanyenti babo, akhala atsi, ''UyiNdvodzana yaNkulunkulu!'' Jesu wawekhuta lamadimoni futsi wangawavumeli kutsi akhulume, ngobe bekati kutsi bekungulo Khristu. ⁴² Uma kusa kufika, waphuma waya lapho kungenabantfu khona. Ticuku tebantfu betimfuna befika kulendzawo lapho bekakhonakhona. Betama kumgcina kubo angahambi. ⁴³ Kepha watsi kubo, ''Kumele ngishumayele futsi lombuso waNkulunkulu kulamanye emadolobha lamanyenti.'' ⁴⁴ Wabese uchubeka kushumayela emasinagogweni kulo lonkhe laseJudiya.