¹ Phetro na Johane banyuka baya ethempelini ngelihora lekuthandaza, lihora lemfica. ² Indvodza lebeyikhubatekile kusukela yatalwa bebayitsatsa bayiyisa esangweni lelithempeli lelibitwa Ngalelihle. Babombeka lapho kulelithempeli onkhemalanga atokhona kucela labo labangena khona ethempelini sipho semali. ³ Wabona Phetro na Johane batawungena ethempelini, wabacela sipho semali. ⁴ Phetro, wamgcolotela, bana Johane, batsi "Sibuke''. ⁵ Lendvodza lebeyikhubatekile yababuka, igadze kutsi kukhona lakatakutfola kubo. ⁶ Kodvwa Phetro watsi, ''I-siliva ne golide ngite, kodvwa lenginako, ngitakupha kona. Ngegama likaJesu Khristu waseNazaretha, sukuma uhambe''. ⁷ Ambambe ngesandla sangasekudla, Phetro wamphakamisa, ngekuphazama kweliso tinyawo talendvodza neticakala kwaciniswa. ⁸ Wase uyagcuma uyema, lendvodza leyayisichwala yasukuma yacala kuhamba; futsi wangena naPhetro na Johane ekhatsi ethempelini, ahamba, agcumagcuma abonga Nkulunkulu. ⁹ Bonkhe bantfu bambona nakamemeta ahamba advumisa Simakadze. ¹⁰ Babona kutsi ngulendvodza lebeyikadze icela bantfu imali esangweni lelihle lasethempelini; basebagcwala kumangala nekutfuka ngaloko lokwase kwenteke kuye. ¹¹ Asabambelele kuPhetro naJohane, bonkhe bantfu bagijimela kubo endzaweni lebitwa ngekutsi, NguMhubhe waSolomoni. ¹² Nakabona labantfu Phetro, watsi kubo, ''Madvodza aka Israyeli, nimangaliswa yini? Nisigolotelelani kangaka kwangatsi ngitsi lesimente wahamba ngemandla nebungcwele betfu. ¹³ Nkulunkulu waAbrahama, Isaka na Jakobe, Nkulunkhulu wabokhokho betfu, usikhatimulisile sisebenti sakhe lesinguJesu. Lenamunikela kutiphatsimandla namlahla embikwe Philatu. ¹⁴ Namala longcwele nacela umbulali kutsi akhululelwe nine. ¹⁵ Nawubulala Umtfombo weMphilo, Lowavuswa nguNkulunkhulu kulabafile-tsine sonkhe sibafakazi baloko. ¹⁶ Ngekukholwa egameni lakhe, lelibito lakhe kucinise lendvodza leniyibonako naleniyatiko. Nekukholwa lokungaJesu kunike imphilo lephelele kulomuntfu, njengobe nani nibona nje. ¹⁷ Ngako, bazalwane, ngiyati kutsi loko nakwentiswa kungati, njengebaholi benu. ¹⁸ Kodvwa letintfo letamemetelwa nguNkhulunkhulu kucala ngabo bonkhe baphrophethi kutsi Khristu, abefanele kuhlupheka, loko sekugcwalisekile ngalendlela. ¹⁹ Ngako phendvukani, nibuyele kuNkulunkulu , kuze kususwe tono tenu, kute kutsi kufike tikhatsi tekuvuseleleka ebukhoneni beNkhosi; ²⁰ nanekutsi atokhona kutfumela Khristu logcotjelwe nine, Jesu. ²¹ Nguye lokumele amukelwe lizulu kuze kufike sikhatsi sekugwacliswa kwato tonkhe tintfo, lokwakhulunywa yiNkhosi kadzeni ngemlomo webaprophethi bakhe labangcwele. ²² Mose yena watsi, 'Nkulunkulu Simakadze utawunivusela umphrophethi lofafana nami kubafowenu. ²³ Nibomlalela kuko konkhe latakukhuluma. Kutawenteka kutsi wonkhe longeke alalele lomphrofethi utawubhujiswa ngalokuphelele emkhatsini webantfu. ²⁴ Yebo, nabo bonkhe baPhrophethi kusuka kuSamuweli nalabo labamulandzela, bakhuluma bamemetela letinsuku. ²⁵ Nimadvodzana ebaphrophethi nebesivumelwano Simakadze lasenta nabokhokho benu njengoba asho ku Abrahama, 'ngembewu yakho yonkhe imindeni yemhlaba itawubusiswa'. ²⁶ Emvakwekutsi Simakadze aphakamise sisebenti sakhe, wasitfumela kini kucala, kute kutsi sitonibusisa ngekutsi niphendvuke munye ngamunye wenu nishiye tindlela tenu letimbi.''