¹ Ngimelwe kutibonga, kodvwa kute inzuzo yaloko. Kodvwa ngisetawuchubeka ngemibono nangetambulo letivela eNkhosini. ² Ngiyamati umuntfu akuKhristu lekwatsi eminyakeni leli 14 leyengcile watsatfwa - nobe abesemtimbeni nobe abengekho emtimbeni, angati, nguNkulunkulu lowatiko - wakhushulelwa ezulwini lesitsatfu. ³ Futsi ngiyati kutsi lendvodza-nome kusemtimbeni, nome ngaphandle kwemtimba, angati, NguNkulunkulu lowatiko- ⁴ . yatitfola isepharadeyisi yeva tintfo letingcwele letingakhulunywa ngumuntfu. ⁵ Esigabeni sekuba nguloluhlobo lwemuntfu ngitawutibonga. Kodvwa mine ngeke ngitibonge, ngaphandle kwalobutsakatsaka bami. ⁶ Uma bengingakhetsa kutibonga, bengingeke ngibe silima, ngobe ngitawuba ngikhuluma liciniso. kodvwa ngeke ngitibonge, kuze kube bete locabanga ngami ngetulu kwaloku lakubonako nome lakuvako kimi. ⁷ Kuze ngingatibongi ngenca yetembulo letinkhulu ngalokwendlulele, nganikwa linyeva enyameni yami, sitfunywa lesibuya kusathane kuze singihluphe- kuze ngingabi ngulotikhukhumetako. ⁸ Katsatfu ngimcenga Nkulunkulu ngaloku, kute yena alisuse kimi. ⁹ Kodvwa watsi kimi, 'umusa wami ukwenele, ngobe emandla ayapheleliswa ebutsakatsakeni.' Ngako ngingamane ngitibonge ngebutsakatsaka bami, kuze kutsi emandla aKhristu ahlale kimi. ¹⁰ Ngako ke ngenelisekile ngenca yaKhristu ebutsakatsakeni, ekwetfukweni, ekukhandlekeni, ekuhlushweni nasetimeni letikhatsatanako. lapho ngitivela ngibutsakatsaka, ngulapho ngitivela nginemandla. ¹¹ Sengibe silima! ningiphocelele kuloku, bekufanele ngidvunyiswe ngini. Bengingativeli ngimncane kulaba lababitwa ngebaphostoli labakhulu, nome nginge silutfo. ¹² Timphawu mbamba temphostoli tabonakaliswa kini ngalokuphelele kubeketela, tibonakaliso netimangaliso nemisebenti lemikhulu. ¹³ kwaya ngani kutsi nibukeleke phansi kwendlula lamanye emabandla, ngaphandle kwekutsi angibanga ngumtfwalo kini? Ngicoleleni ngalelo phutsa! ¹⁴ Buka! sengilungele kuta kini kwesitsatfu. Ngeke ngibe ngumtfwalo kini, angifuni loku lokungekwenu. Ngifuna nine. Ngobe akusibo bantfwana labakhatsalela batali. kodvwa, batali labakhatsalela bantfwana. ¹⁵ Ngekutfokota nginikele ngako konkhe kuze kusitakale imiphefumulo yenu. Uma nginitsandza kakhulu, mine kumele ngitsandvwe kancane yini? ¹⁶ Kodvwa njengobe kunje, angibanga ngumtfwalo. Njengobe ngingulohlakaniphile, ngimi lowanitfola ngenkhohliso. ¹⁷ Ngake nganichaphata yini nganobe ngubani lengake ngamtfumela kini? ¹⁸ Ngimcelile Thithu kutsi ete kini, ngatfumela nalomunye umnakabo kutsi abe naye. Ingabe Thithu akazange yini atente ncono kini? Asikahambi yini ngendlela lefananako? Asikahambi yini etinyatselweni letifananako? ¹⁹ Ingabe nicabanga kutsi sonkhe lesikhatsi besitivikela tsine kini? Kusebusweni baNkulunkulu lokutsi besisho konkhe ku Khristu, konkhe lokutanicinisa, bazalwane. ²⁰ Ngiyesaba kutsi nangita kungenteka nginganitfoli njengobe ngifisa. Ngiyesaba futsi kutsi nami nitangitfola singesuye loyo lebenimfisa. Ngiyesaba kutsi kungaba khona kuphikisana, umona, lulaka lolwecile, kulwa, kukhuluma lokungesilo liciniso, kuhleba, ligcabho, nekungahleleki. ²¹ Ngiyesaba kutsi nangibuya, Nkulunkulu kungenteka angitfobise phambi kwenu. Ngiyesaba kutsi mhlawumbe bangililele labo labanyenti labonile nyalo nalabo labangazange baphendvuke ekungcoleni nekulalana nekuphila ngekwetinkhanuko tabo labakwentako