¹ Loku kwesitsatfu solo ngitsi ngiyeta kini. 'Konkhe kumangalelwa kumele kucinisekiswe ngebufakazi lobubili nome lobutsatfu kwabofakazi. ² Njengobe ngangivele ngishito kulabo labebonile kucala nakubo bonkhe ngesikhatsi ngilapho kwesibili, ngiphindze ngiyasho futsi: uma ngita futsi, ngingeke ngibayekele. ³ Nginitjela loku ngobe nifuna bufakazi kutsi Khristu uyakhuluma ngami. Akasiye lobutsakatsaka kini. kepha, unemandla kini, ⁴ Ngoba wabetselwa ebutsakatsakeni, kodvwa uyaphila ngemandla aNkulunkulu. Natsi futsi sibutsakatsaka kini, kodvwa siyawuphila naye ngemandla aNkulunkulu lasemkhatsini wetfu. ⁵ Tihloleni nine, nibone kutsi nikuko yini kukholwa. Tivivinyeni nine. Anikuboni yini ngani loku, lokutsi Jesu Khristu ungekhatsi kini?- Ngaphandle ke, kwekutsi, sikwehlulile sivivinyo. ⁶ Ngiyetsemba kutsi nitawubona kutsi asikasehluli sivivinyo.. ⁷ Nyalo siyathandaza kuNkulunkulu kutsi kubebete lenitakwenta lokubi. Angithandazeli kutsi singavela singulabo labaphumelele kulesivivinyo. Kodvwa, ngithandazela kutsi nente lokukahle, nome kungabukeka kungatsi sehlulekile kulesivivinyo. ⁸ Kepha site emandla ekumelana neliciniso, Kodvwa sinawo nasilimele liciniso.. ⁹ Ngako siyatfokota uma sibutsatsaka kantsi nine ninemandla. Siyathandaza futsi kutsi nentiwe nibe ngulabaphelele. ¹⁰ Ngibhala letintfo ngingekho kini kuze kutsi nasenginani ngingabi ngulonihlukumetako ekusebentiseni emagunya-langiniketa wona Khristu kuze nginakhe nine, nginganilimati. ¹¹ Ekugcineni, bazalwane, tfokotani! sebentelani kwakha, khutsatekani, vumelanani lomunye nalomunye, hlalani ngekuthula. Nkulunkulu welutsandvo nekuthula utawuba nani. ¹² Vuselanani ngekwangana lokungcwele. ¹³ Bonkhe labangcwele baNkulunkulu bayanivusela. Umusa weNkhosi Jesu Khristu, lutsandvo lwaNkulunkulu, nebudlwelwane baMoya loNgwele bube nani nonkhe.