¹ Licinisile lelivi lelitsi: Nangabe umuntfu afisa umsebenti wekuba ngumbonisi, ufisa umsebenti lomuhle. ² Ngakoke umbonisi kumele angabi ngumuntfu losolekako. kumele abe yindvodza lene mfati munye. letibambako, lezitsile, lehloniphekile, lephatsa kahle tihambi, lenemasu ekufundzisa. ³ Longesiso sidzakwa, longatitsatseli etulu tintfo, kepha abe mnene, abe ngulonekuthula, kumele angabi ngulotsandzandza imali. ⁴ kufanele abeyindvodza lephetse kahle umuti wayo, futsi bantfwabakhe kumele bamtfobele ngayo yonkhe inhlonipho. ⁵ Ngobe indvodza mayingakhoni kulawula indlu yayo, ingakhona kanjani kunakekela indlu yaSimakadze? ⁶ Akukafaneli kubengumuntfu losandza kuphendvuka, kute angatoba nekutikhukhumeta futsi angahle awele esonweni njengasathane. ⁷ Kumele abe nebufakazi lobuhle kubangephandle, kute angatawuwela elihlazweni naselugibeni lwasathane. ⁸ Ngalokufanako futsi, badikoni kufanele bazitse, bangabi nelulwimi lolumphacambili. bangabi tidzakwa futsi bangabi nemona. ⁹ Emaciniso lambulekile ekukholwa kufanele bawaphatse nganembeza lomhlophe. ¹⁰ Laba kufanele bavivinywe kucala, bese-ke bangena emsebentini webudikhoni nabangasoleki. ¹¹ Kanjalo nebafati babo kufanele kutsi bazitse, bangahlebi, batitsibe, batsembeke kuko konkhe. ¹² Badikhoni kufanele babe madvodza emfati munye, kumele baphatse kahle bantfwababo kanye nendlu yabo. ¹³ Ngobe labo labakebawenta kahle lomsebenti batizuzela ludvumo loluhle nesibindzi lesikhulu ekukholweni kuKhristu Jesu. ¹⁴ Njengobe ngikubhalela letintfo, ngiyetsemba kutsi ngitawufika lapho kuwe masinyane. ¹⁵ Kepha uma ngibambeleleka, umelwe kwati kutsi umuntfu kufanele atiphatse kanjani endlini yaNkulunkulu, lekulibandla laNkulunkulu lophilako, insika nesisekelo seliciniso. ¹⁶ Siyavuma kutsi yinkhulu imfihlakalo yenkholo yetfu yekutsi: "wabonakaliswa angumuntfu, wafakazelwa nguMoya, wabonwa tingelosi, washunyayelwa etiveni, wakholeka emhlabeni, wanyukela enkhatimulweni.