¹ Naomi, banyinazyala, bakati kulinguwe, ''Mwanagu, nsyelede ku kuyandwenda busena bo kupumwida na kuti zintu zikwendele kabotu? ² Oyu Boazi , mwalumi ula babelesi basimbi mbiwali abo, tainsi nguwesu na? Bona, uno vuulula bali sunu masiku akabuwa. ³ Ino, samba,nana mafuta, zwata zibiya zyako zibotu,winke ku kabuuwa. Kono uta kalitondezyi ku mwalumi kusikila akamane kulya okunwa. ⁴ Kono anjila kuyolala, uka langisisye busena mpawo lala kuti uzoinke kulinguwe, uka mu vumbule maulu akwe, oku lala owo. Mponyina uyo kwaambila ncoelede kucita.'' ⁵ Lute wakati kuli Naomi, ''Ndilacita zyeense nzyoaba.'' ⁶ Mpawo wakainka ku kabuuwa, okucilila malailile ingi bakamupa banyina zyala. ⁷ Mpawo Boaz nakalya okunwa omoyo wakwe wali nonenidwe, wakainka kuyolala kumamanino edwi lya maila. Mpawo wakaza cokusobelela, oku mu vumbula kumaila akwe, okulala. ⁸ Cakacitika akati kamasiku kuti mwalumi wa kayowa. Wakasanduka, okujana mwanakazi ulilede ku maila akwe!. ⁹ Wakati, ''Ndiwe ni?'' wakataba, ''Ndime Lute, mubelesi wako musimbi. Ndivwika cibaki cako nde mubelesi wako musimbi, kaambo uli nzubo yaafwi.'' ¹⁰ Boaz wakati, ''Mwanagu, ulelekwe o Mwami. Waacita buubotu kwiinda kusanguna, kaambo takwe niwacilila bamwi balumi, naba mucete na muvubi. ¹¹ Ino, mwanangu, uta yoowi! Ndila kucitila zyeense zyo amba, kaambo bantu boonse muno mudolopo balizi kuti uli mwanakazi ululeme. ¹² Masimpe kuti ndili nzubo, kono kuli nzubo ilyafwi kwiinda mebo. ¹³ Kalakuno obu busiku, okuseni, kuti na uyo kucitila mulimo wasinuzubo, cili kabotu, acita mulimo wasinzubo. Kono kuti na takocita mulimo wasinzubo kuli yabo, mpawo ndiyo cita mebo, kwiinda mu buumi bo Mwami. Lala kusikila buuce..'' ¹⁴ Pele wakalala kusikila nibwakaca. Kono wakabuka bamwi kabatana kuziba umwi muntu. Kambo Boaz wakaamba, ''kutazibiki kuti kwazide mwanakazi ku kabuuwa.'' ¹⁵ Mpawo Boaz wakati, ''Eta kasila kojesi ukadabunune. ''Nakacita eci, waka mwakila zyisuwo zye bali zyo sanwe akamwinku mutwika.Mpawo wakainka mu dolopo. ¹⁶ Lute nakaza kuli banyinazyala, wakati, ''Ulibuti mwanangu?'' mpawo Lute wakamwambila zyoonse zyaka mucitila uyu mwalumi. ¹⁷ Wakati, ''Ezi zisuwo zye bali zili zyosanwe akamwi zya ndipa, kaambo waamba kuti, ''Utainki kuli banyokozyala kakutakwe cojesi mu manza.'' ¹⁸ Mpawo Naomi wakati, ''Kala kuno, mwangu, kusikila uka zibe uti eyi nkani iyo enda buti, kaambo uyu mwalumi takopumula kusikila amaninizye eci cintu sunu.''